ESTERI 1:3 - KITABI HABARI MOPIOHE

³ To taunu otolulio pamalentaalio, ti Olongia Ahasyweros helohutu potihunggu daa̒ ode ngoa̒amila tadudulaa̒ lo ulipu wau pogaweelio. Mongo eyaanggu lo Persia wau Media woluo olo to potihunggu boito, odito olo mongo gubolonulu wau tahi dihuma pantungo hilaia̒awa lo polopinsi.

ESTERI 1:3 ပူးပေါင်းရင်းမြစ်များ

ILOOWALI 40:20

Tolo hui lapatio mao̒ yi todulahee iloowali mai li olongia, wau tio helohutu potihunggu daa̒ ode ngoa̒amila pogawee. Tio lomalentao̒ alihu tamoo-ngulusia minumani wau tamoo-ngulusia roti pilei̒ lualio mao̒ lonto tutupa wau pilei̒ delolio mai ode talu lo ngoa̒amila pogawee lobele biluloa̒ saaha li olongia.

BOHULO MONGO OLONGIA 3:15

Tou̒ lobongu mola, tei Salomo longalati deu̒ Allahu Taa̒ala malo tahuda mai olio todelomo tohiilopo. Yi malo hualingo tio ode Yerusalemu tulusi timihulao̒ totalu Bulua Daantia lo Eeya wau helo podewo bake yilalango wau bake lo polodame. Lapatao̒ tio lohutu mao̒ potihunggu ode ngoa̒amila pogaweelio.

ESRA 1:2

“Utieelo palenta lei Kores, olongia lo Persia. Eeya, Allahu Taa̒ala takawa-kawaasa tosologa malo powali mai olau̒ olongia to ngoilanggubu dunia, wau longohi tuugasi olau̒ u momongu bele ode Eeya to Yerusalemu tomadala Yehuda.

ESTERI 1:14

Tahi ponaseehatia olio talo lolaalaaita hetiango li olongia yito: tei Karsena, Setar, Admata, Tarsis, Meres, Marsena wolei Memukan. Timongolio yito tahidihuma pantungo lo Persia wau Media tao̒ huhuloa̒ lailaio̒ daa̒ to bele biluloa̒ saaha li olongia.

ESTERI 1:4

Wolomo hula mola hiheolio ti olongia helo pobiloheo̒ okokaya lobele biluloa̒ li olongialio wau odudaa̒ boli ololamahu yilaidialio.

ESTERI 2:18

Lapatao̒ uito, ti olongia helohutu potihunggu daa̒ odelo lohurumati oli Esteri wau he loloduo ngoa̒amila pogawee wau tadudulaa̒ lo ulipulio. Ti helo pomalalumu mola dulahu perei to ngoilanggubu bele biluloa̒ saaha li olongia wau helolaya-layadeo̒ paraseni wolo laba-labaalo daatalio.

ESTERI 3:7

To taunu opulaa duluo pamalenta li Olongia Ahasyweros, to hulalo bohulio, deu̒yito-yito hulalo Nisani, tei Haman helei̒ pahuta undi u ilunte “purim” u motota mao̒ dulahu wau hulalo toonu u motuuhatawa poponao̒olo niyatilio u moleeta boito. Yi matilantulio mao̒ todulahu opulaa totolu wau hulalo opulaa duluo, deu̒yito-yito hulalo Adar.

YESAYA 21:2

Watia loo̒toduo mai bibilohe pasali lo popoo-loou̒tiyalo u moo̒tihela hapato; pasali lo polo hiyanati wau polo binaasa. Pomajulo suludadu lo Elam, tuhuwalo! Wuu suludadu lo Madai, balailo! Allahu Taa̒ala mamo poo̒pulitai ngoa̒amila polodutolo u ilosababua lo Babel.

YEREMIA 51:11

Eeya malo popatu mongo olongia lo Media, sababu Eeya ohilaa mopoa̒ntulu Babel. Uitoolo dudeloo-Lio Eeya molontuli mai huhutu lotau-tauwalo tahe longantulu bele-Lio. Mongo polowila pasuukani lo popaatea helo malentao̒, “Poo̒lalitalo walao̒ pana! Podapatalo porisai!

DANIALI 5:1

Tou̒ dulahee tuwau ti Olongia Belsaasar loloduo ngolihu lota taduduulaa̒ lolipu lonao̒ mai ode potihunggulio u dadaata ngoa̒amilalo, wau mimii-numaniyalo angguru.

DANIALI 5:28

tilayadu; yilaidia li Tuani lowatotia tilayadio wau yilohilio ode taulo Media wau Persia.”

DANIALI 6:1

Lapatao̒ tei Belsaasar ilopatealio yila-yilateelo mao̒, tei Darius taulo Media lohehu tambati huhuloa̒ li olongia lo bele biluloa̒ saaha li olongia. Tou̒ boito tio o umulu wolomo pulaa dulo taunu.

DANIALI 8:20

Himba ulai̒ u iloontongamu boito, u otunge mohelu duluo mopobayahei yilaidia lo Media wau Persia.

MARKUSI 6:21

Pulitio mao̒ ti Herodiasi ilohiyango todulahu ilowali mai lei Herodes. Tou̒ boito tei Herodes lohutu potihunggu ode ngoa̒amila tahi opanggatia molanggato to bele biluloa̒ saaha li olongia, mongo polowila wau tahi o tanggulawa to Galilea.