EPESUS 4:3 - KITABI HABARI MOPIOHE

³ Potolo panilo tio̒otutua tumumula wolo dame alihu otuuwau u pilowali mai lo Rohullah debo taataalo.

EPESUS 4:3 ပူးပေါင်းရင်းမြစ်များ

1 KORINTUS 1:10

Mongo wutato! To tanggulo Eeyanto Isa Almasi, pohile lowatia alihu timongoli ngoa̒amilalo tuwau lohuhama; alihu diaaluo polo hulinggila towolota limongoli. Mamusi timongoli motituwau, ngohilao wau ngopikiilangi.

IBRANI 12:14

Potolo panilo u tumumulo lou̒ mopiohe wau dame wolo taa ngoa̒amila. Potolo panilo olo u tumumulo mantali, tolomodu ode Eeya. Sababu diaaluo penu boli ngotaa mao̒ mowali moo̒onto Eeya wonu tio diila tumumulo debo odelo uito.

YAHYA 13:34

Palenta bohu wohi-U̒ mai olemu: Tolia̒ngilo ngota timongota, debo odelo Wau̒ motolia̒ngai olimongoli odito olo timongoli musi mototoo-lia̒nga.

2 KORINTUS 13:11

Pulitio mao̒, Mongo wutato, mamusi timongoli motiwengahe, wau potolo panilo mowali wimu-wimumuto ngoa̒amilalo. Tolimowalo ngoa̒amila naseehati lowatia. Mamusi timongoli ngohilao wau tumumula mopiohe wau dame. Allahu Taa̒ala Taa Laba-labaalo ponu wau tamoo-podamea boito mapee̒-pee̒enta woli mongoli.

1 TESALONIKA 5:13

Pohutua mao̒ timongolio lou̒ ohulu-hulumatilo mao̒ wau wolo laasa tolia̒ngo sababu moe̒ela mola wolo u hepilohutu limongolio. Poti tumulolo laito lou̒ mopiohe wau dame.

EPESUS 4:4

Bo woluo batanga tuwau, wau Rohu tuwau. Odito olo timongoli tiliyango duo̒lo tuwau halapani u tutuuwauwa.

EPESUS 4:13

Lou̒ odito ito ngoa̒amila mowali tuwau sababu iimani u tutuuwauwa wau huhaama u tutuuwauwa tomimbihu Walao̒ Allahu Taa̒ala. Wau ito mowali tau-tauwalo tamoontapo u hihii-heolio mao̒ helebe oduhenga mola ngoa̒amilalo wimu-wimumuto debo odelo ti Almasi.

PILOTIMUA̒TA 28:32

Bunggohu buloo̒lio poo̒tohetola wolo pita kilalawo alihu diila gambangi mokedengo.

BOHULO MONGO OLONGIA 16:21

Malowali lopoo̒olo mola todelomo bangusa lo Isirai̒lu sababu woluo tamo tohilaa alihu tei Tibni walae̒e Ginat mowali olongia, bo woluo olo tamo tohilaa olei Omri mowali olongia.

TAMOO-HUTUBAWA 4:12

Taduulota u tahi pasiyaria pee̒-pe̒enta moo̒ tame wonu tuhuolio, bo taa u tutuuwau gaambangi olaahelio. Tali tolo lintidu u yilidu lowali ngolintidu, mototolo buntoolo.

MARKUSI 3:24

“Wonu lipu tuwau mopoo̒ hipole-polemboa̒ wau tinggai mumuusua, lipu boito diila moo̒ tahangi.