BOHULO SEMUEL 7:9 - KITABI HABARI MOPIOHE

⁹ Sababu uito tei Semueli longolotao̒ tuwau himba buboto, turusi lopodewo odelo bake yilalango ode Eeya. Lapatao̒ uito tio lodua̒ mola alihu Eeya motulungi mai taulo Isirai̒lu, wau dua̒lio boito dilungohe-Lio.

BOHULO SEMUEL 7:9 ပူးပေါင်းရင်းမြစ်များ

JABURU 50:15

Pongiibodulo to Olau̒ tou̒ oweepita, Wau̒ mamo lopatai olimongoli, wau timongoli mamomuji ola-U̒.”

JABURU 99:6

Tei Musa wolei Haruna tuwotuwoto mongo iimamu lo Eeya, tei Semuel tala ngota lo tahelodua̒ mola to Eeya. Timongolio hipongiibode meengahu to Eeya, wau Eeya helo lametai.

YEREMIA 15:1

Eeya lotahuda mai odelaatia, “Wau̒ diila tamomonu mai bangusa botie, penu boli tei Musa wolei Semuel timihulao̒ tewe u momolohone odehu hilaa-U̒ ode limongolio. Ahuli mao̒ bangusa botie monao̒, Wau̒ diila mohuto momilohe olimongolio!

TINGULI 9:26

wau helodua̒ mola odie: Yaa Eeya Taa Laba-labaalo molanggaato, diila mao̒ pobinasawa mai umati milikii-Mu botie, bangusa tailopato-Mu wau dilepitu-Mu yilumulai lonto Masiri wolo olootolo wau okokawasaa-Mu daa̒.

YAKOBUS 5:16

Sababu uito, mamusi timongoli mongaa-ngaakua totala wau moduu-duua̒wa mola, alihu timongoli poo̒luli-Lio mai. Dua̒ lotaa umodudua̒ u otohilaa lo Allahu Taa̒ala okawasa daa̒.

MONGO HAKIMU 6:26

Potihulaalo toitaato huuntua boito mesba tuwau u mairanjana lou̒ mopiohu. Lapatao̒ sapi ulai̒ boito ngoa̒amilalo, musi tumbilamu lealeaatulo mao̒ odelo bake ode Eeya. Pomakea mao̒ wolihi polobayahu li Dewi Asyera u mailoloo-hubumu boito odelo ayu podiii̒o.”

MONGO HAKIMU 6:28

Tou̒ ulipu lokota boito didimodupio mola lobongu, yi iloontonga limongolio mesba ode Baal wau wolihi polobayahu li Dewi Asyera maloloohubu. Timongolio loo̒onto olo deu̒ totambati boito mabilongulio mesba tuwau wau maa tilumbilalio olo sapi ulai̒ odelo bake.

BOHULO SEMUEL 10:8

Lapatao̒ uito yio̒ musi monao̒ ode Gilgal wau mohima mola teto pituhui mola. De wau̒ monao̒ mai mopodewo bake yilalango wau bake lo polodame, boli mopoo̒taa mai olemu wolo u musi pohutuwomu.”

BOHULO SEMUEL 12:17

Wau̒ mamo ngiibode to Eeya, wau eleponu masaatia sembo lo polohengu, Eeya mamopo tuhutai bulonggodu wau didi odelo tameto todua̒au̒. Tou̒ boito, timongoli mamongalati mao̒ deu̒ malo odito udaa̒alio dusa limongoli to Eeya sababau malohile olongia ngota.”

BOHULO SEMUEL 16:2

Bo tei Semuel lolametao̒, “Woloolo mola watotia musi mohutu mao̒ uito? Wonu sua̒li boito odungohe lei Saul, tantulo mao̒ watotia pateelio mate-mateelo mao̒!” Eeya lotahuda mai, “Delowalo sapi buboto tuwau, wau poo̒taa mao̒ ode ulipu deu̒ yio̒ monao̒ mola odito u mopodewo bake ode Eeya.

BOHULO SEMUEL 2:35

Lapatao̒ Wau̒ maa molulaoto iimamu tau̒ tatapu wau molotolo hilao to ola-U̒ wau tamohutu mao̒ wolo upilo malentaa-U̒ olio. To olioolo mawohi-U̒ mai wali u laito mamotuugasi odelo iimamu totalu lomongo olongia tatilulaotu-U̒.

BOHULO SEMUEL 7:17

Laito lapatio mao̒ uito tio hemo hualinga mola ode belelio to Rama. Mola teto tio lowali hakimu taulo Isirai̒lu wau helo potihulao̒ mesba tuwau ode Eeya.

BOHULO SEMUEL 9:12

“Saaya, woluo,” tametao̒ lomongo dulahu boito, “tio boheli lopaluta mota leimulo woli mongoli. Wonu timongoli loa̒lihei, tanu otunuhe mota limongoli tio. Tio boheli leidungga mai ode kota sababu todulahee botie toitaato mesba to huludu woluo dewo lobake ode ulipu. Tahe tiloduo diila tamolamela tou̒ tio diipo meidungga mai, sababu tio musi mobalakati mao̒ bake boito meimulo. Wonu timongoli monao̒ mota botia, timongoli mamoo̒ dungga olio tou̒ tio diipo motao̒de huludu mola molamelo.”