BOHULO SEMUEL 7:3 - KITABI HABARI MOPIOHE

³ Lapatao̒ malo loi̒ya tei Semuel ode umati lo Isirai̒lu, “Wonu timongoli ohilaa mohuwalingo ode Eeya wau molubo o-Lio wolo lea-leaatu lohilaamu, mamusi timongoli mohinggi ngoa̒amila dewa deli wau bui̒ Dewi Asytoret. Wuduwalo mola batangamu sama-samata ode Eeya wau taa̒luku boli pasisi o-Lio wambao̒, yi timongoli mabebasia-Lio monto taulo Filistin.”

BOHULO SEMUEL 7:3 ပူးပေါင်းရင်းမြစ်များ

ILOOWALI 35:2

Laptao̒ tei Yako loloi̒ya mao̒ ode ngaalaa̒lio wau ode ngoa̒amila taa uwoluo pee̒-pee̒enta wolio, “Ito mamo monggato monteea wau monao̒ ode Betel. Mota teto wau̒ mamopo tihulao̒ mesba duo̒lo Allahu Taa̒ala tamalo tulungi olau̒ tou̒ wau̒ ilodungga lou̒ suukali wau maloduo̒la olau̒ penu boli deu̒toonu ponao̒wau̒. Oditolio tapilaalo mao̒ bui̒ lo dedeewaalo deli uwoluo to olemu; pohutua mao̒ upacala mopobelesi batanga wau pomakea mao̒ pakeyangi u belesi.”

BOHULO MONGO OLONGIA 11:33

Wau̒ mamohutu mai sua̒li boito sababu tei Salomo malo lolaa mao̒ ola-U̒ wau helolubo dedeewaalo, deu̒yito-yito: Asytoret, dewi bangusa lo Sidon; Kamos, dewa bangusa lo Moab; wau Milkom, dewa bangusa lo Amon. Tei Salomo diila lodudua̒ kahandaki-U̒. Tio diila debo odelo tiyamolio tei Dauda talo dungohe ola-U̒ wau hemo ponao̒ palentaa-U̒.

BOHULO MONGO OLONGIA 8:48

Wonu bolo tolipu boito timongolio wolo ihilasi wau tio̒otutua mololaa mao̒ duduu-sawaalo limongolio, wau modua̒ mola ode Eeya sambela motitalu ode lipu botie uiludu mai lo Eeya ode loluuhuru lo mongowatotia, ode mantahu kota tilulaoto Eeya wau bele poi̒baadatialo u mabilongu lowatotia ode Eeya botie,

OLUO MONGO OLONGIA 17:39

Podungohulo ola-U̒, Eeya Allahu Taa̒ala limongoli, yi Wau̒ mamo lopatai olimongoli monto mumuu-suuwaalo limongoli.”

OLUO MONGO OLONGIA 23:15

Tio olo helo ngaantulu tambati polubowalo to Betel u pilotihuli Olongia Yerobeam walae̒e Nebat – olongia tamaloo̒ sababu taulo Isirai̒lu helohutu dusa. Lapatao̒ tei Yosia helomoo̒ mesba totambati polubowala boito, wau lomobu mao̒ pee̒-pe̒enta wolo bui̒ Dewi Asyera uwoluo teto.

BOHULO TAWARI 22:19

Oditolio, patutilio timongoli motiwato to Eeya Allahu Taa̒ala limongoli wolo lealeaatu loyiwa batangamu. Tumulailo momongu bele ode Eeya, alihu Bulua Daantia-Lio wau ngoa̒amila pakaakasi wewo u pomake tolomodu u poi̒baadatiala mowali potambatiyalo teto.”

BOHULO TAWARI 28:9

Lapatao̒ odelei Salomo, tei Dauda loloi̒ya mao̒, “Walau̒uu̒, patutilio Allahu Taa̒ala tahe tuboo liyamamu, akuwimu mao̒ odelo Allahu Taa̒alamu. Yio̒ musi motiwato to Eeya wolo hilaa ihilasi wau iloheela lohilao. Sababu otaawa lo Eeya ngoa̒amila pikiilangi wau otohilaa lo hilaanto. Wonu yio̒ mololohe to Eeya, Eeya maa odunggamu, bo wonu yio̒ mololaa mao̒ to Eeya, Eeya mamo potouli olemu u ohiheo-hiheolo mao̒.

OLUO TAWARI 19:3

Eleponu odito woluo olo umopiohu toli Baginda. Ti Baginda malohinggi ngoa̒amila bui̒ Dewi Asyera u hetuboo lo ulipu wau ti Baginda olo malo tolopani u tilumumulo lodudua̒ otohilaa lo Allahu Taa̒ala.”

OLUO TAWARI 20:33

Bo tataa-mbatiyaalo u polubowalo balaahala diila bilinasaalio. Ulipu olo debo diipo yakini wolo lealeaatu lohilao hemo ibaadati to Allahu Taa̒ala loluuhuru limongolio.

OLUO TAWARI 30:19

“Yaa Eeya, Allahu Taa̒ala, hepujaa loluuhuru lo mongowatotia, pohileaalo dua̒ monto opopiohu hilaa lo Eeya, Eeya mongambungu mai olimongolio tadonggo hipo ibaadatia to Eeya wolo lealeaatu lohilao, eleponu timongolio diipo helo pomantali batanga.”

POHUMAYA 16:1

Manusia mowali mohutu lanjana, bo Allahu Taa̒ala tamongohi mai putuusani.

YESAYA 55:7

Maamusi taa moleeto mopoo̒piohu tutumulio, wau molomelo dalalo pikiilangilio. Huliilo mao̒ tio muli mohualinga ode Eeya, alihu moo̒toduo odehu hilaa lo Eeya. Maamusi tio mopalinga ode Allahu Taa̒alanto, sababu Eeya mongambungu mai wolo muura lohilao.

YEREMIA 24:7

Wau̒ mamongohi ode limongolio hilaa u mongalati deu̒ wau̒ulo Eeya. Yi timongolio mamowali umati-U̒, wau Wau̒ mowali Allahu Taa̒ala limongolio, sababu timongolio mamuli mohualingai ode Olau̒ wolo lealeaatu lohilao.

YEREMIA 36:3

Tanu taulo Yehuda mamohuheli mohutu u moleeto wonu bolo timongolio moo̒dungohe pasali lo ngoa̒amila baala u mapodunggaa-U̒ ode limongolio.”

YEREMIA 4:1

Eeya lotahuda mai, “Umati lo Isirai̒lu, wonu timongoli ohilaa mohualinga, pohualingolo mai ode Olau̒. Tapilapo ngoa̒amila balaahala u diila otohilaa-U̒ boito, wau potatapulo wau molotolo hilao to Olau̒.

YEHESKIEL 14:6

Poo̒taa mao̒ olo ode tau lo Isirai̒lu deu̒ Wau̒, Eeya Taa Laba-labaalo molanggato lotahuda mai ode limongolio, ‘Polilihulo monto duduu-sawaalo limongoli, wau tolailo mao̒ babaa-laahalaalo limongoli u moo̒lonuo̒ boito.’

YEHESKIEL 18:31

Pohuhelia mao̒ totoonulalo u moleeto u hepohutuo limongoli wau huliilo mao̒ hilao wau pikiilangimu mowali bohu. Yilongola timongoli musi mate?

HOSEA 14:1

Samaria musi hukuu-maniyolo sababu lomintaa̒ tingolo loluwali ola-U̒. Ulipulio maamate todelomo popaatea; mongo walai̒o unge malihitolio, wau mongobua tahi ombodaa̒wa butao̒ lio ombongio.”

MATIUSI 15:8

‘Odie mola tahuda lo Allahu Taa̒ala: Tau-tauwala boito bo hipo lubowa ola-U̒ wolo loi̒ya, bo hilaa limongolio molaminga monto ola-U̒.

MATIUSI 4:10

Ti Isa lolametao̒, “Pohinggi mao̒ yio̒, wuu Tamoo-heingawa ode dusa! Todelomo Kitabi tulatulade: Tubowa mola Allahu Taa̒ala Eeyaamu, wau pomayaalo to Eeya wambao̒!”

MATIUSI 6:24

“Diaaluo penu boli ngota mao̒ tamowali mokalaja ode tuani duulota. Sababu tio maalebe motolia̒ngo ngotaalio wolo tawewo. Meaalo tio maalebe tatapu wau molotolo hilao toli tuani ngota wolo tawewo. Odito olo wolimongoli. Timongoli diila mowali mokalaja duo̒lo Allahu Taa̒ala wau duo̒lo halata upango olo.

LUKASI 4:8

Ti Isa lolametao̒, “Todelomo Kitabi tulatuladu, ‘Tubowa mola Allahu Taa̒ala Eeyamu wau bayailo Eeya wambai̒o.’ ”

YAHYA 4:24

Sababu Allahu Taa̒ala boito Rohu, wau bo wolo kawasa lo Rohullah tau-tauwalo moo̒tubo li Paapa odelo woloolo mola Tio woluo.”

TINGULI 10:20

Hulumatiaalo Eeya Allahu Taa̒ala limongoli wau poi̒baadatilo to Olio wamabo̒. Mamusi timongoli tatapu wau molotolo hilao to Olio wau motadia domi tanggu-Lio wambao̒.

TINGULI 13:4

Taa u debo odelo uito musi hukuu-maniyolo mate, sababu ohilaa mopolapalo olimongoli monto dalala upilo malentai lo Eeya Allahu Taa̒ala limongoli ode limongoli. Tio yito tau moleeto sababu mopoa̒hu olimongoli momalakala to Eeya Allahu Taa̒ala limongoli talo lopato olimongoli lonto Masiri, tambati limongoli pilowatolio. Oditolio tio musi pateelo mate-mateelo mao̒, alihu u moleeto boito podiaaluwolo. Bo timongoli mamusi modudua̒a to Eeya Allahu Taa̒ala limongoli wau mohulumati Olio; podungohulo to Olio wau pohutua mao̒ ngoa̒amila palentaa-Lio. Poti tatapulo debo molotolo hilao wau motiwato to Olio wambao̒.

TINGULI 4:29

Lapatao̒ timongoli mamololohe to Eeya Allahu Taa̒ala limongoli, wau wonu timongoli mololoheo̒ o-Lio wolo lealeaatu lohilaa limongoli, timongoli mamoo̒ dungga o-Lio.

TINGULI 6:13

Hulumatia mao̒ Eeya, Allahu Taa̒ala limongoli, wau potaa̒alukulo wau hulumatiyalo Tio Olio wambao̒, wau wonu timongoli motadia, yi pohutua mao̒ uito domi tanggu-Lio wambao̒.

YOSUA 13:31

Wumbutio mola tuwotuwoto olo ngotayade duluo madala lo Gilead, wau Asytarot wau Edrei, deu̒yito-yito oluo tiilo lokota tomadala okokawasa li Olongia Og to Basan. Ngoilanggubu lipu boito yiludulio mao̒ ode ngotayade duluo ngaalaa̒-ngaalaa̒walo wali lei Makhir, walae̒e Manasye.

YOSUA 24:14

“Oditolio,” ualei Yosua wumbutio mola, “hulumatiyalo Eeya. Potiwatolo to Eeya wolo ihilasi boli tatapu wau molotolo hilao. Yinggila mao̒ ila-ila wewo u hetilubo linenemoyaamu muloololio mai to Mesopotamia wau Masiri. Potiwatolo bo to Eeya wambao̒.

YOSUA 24:23

“Wonu odito, yinggilalo ila-ila lo babaa-ngusawalo wewo u woluo toli mongoli boito,” ualei Yosua, “wau podantilo deu̒ timongoli matatapu wau molotolo hilao to Eeya, Allahu Taa̒ala lo Isirai̒lu.”

MONGO HAKIMU 10:16

Lapatao̒ timongolio malolapi ngoa̒amila bui̒ baalahala, lapatao̒ lolubo Allahu Taa̒ala. Yi Allahu Taa̒ala olo malodehu hilaa-Lio loo̒onto olimongolio todelomo suusa.

MONGO HAKIMU 10:6

Umati lo Isirai̒lu luli ilodusa poli to Eeya. Timongolio diila lomandungi Eeya wau diilalo lolubo o-Lio. Timongolio helolubo bubuu-iyaalo Baal wau Asytoret, wau bubuu-iyaalo bangusa lo Siria, Sidon, Moab, Amon wau Filistin.

MONGO HAKIMU 2:11

Lapatao̒ taulo Isirai̒lu mai̒lodusa to Eeya. Timongolio diilalo helolubo to Eeya, Allahu Taa̒ala linenemoya limongolio, deu̒yito-yito Allahu Taa̒ala tamalodelo olimongolio yilumualao̒ lonto Masiri. Timongolio lolumula helolubo Baal wau Asytoret boli dedeewaalo u hetuboo lo babaa-ngusawalo topalito limongolio. Yi Eeya lomuluka olimongolio wau helo poluli mao̒ polemboa̒ loluhu wau lolambata olimongolio. Timongolio diilalo okawasa helo taalua wolo mumuu-suuwaalo topalito limongolio.

BOHULO SEMUEL 31:10

Lapatao̒ boo̒ lo popaatea lei Saul boito tilahu limongolio todelomo kuili lo dewi Asytoret, wau wawaai̒o pilakulio to dingingo meeseli lokota Bet-Sean.