BOHULO SEMUEL 5:9 - KITABI HABARI MOPIOHE

⁹ Bo tou̒ bulua boito leidungga mota odito, Eeya lohukuumani mai kota boito olo wau helo potoodei tolonggalo ulaba-labaalo udaa̒alio. Ulipu lo kota boito, mopio tahi muudawa meaambo tahi panggolawa hilukuumani lo Eeya wolo himunggu-munggula ulobutu to wawai̒ mongolio.

BOHULO SEMUEL 5:9 ပူးပေါင်းရင်းမြစ်များ

JABURU 78:66

Eeya helomate lopotouli laawani-Lio, wau lopoo̒laaheo̒ olimongolio u ohiheo-hiheolo mao̒.

AMOS 5:19

Owowoluwoalio debo odelo taa u mopolahi batanga monto singa, bo lodunggaya wolo boruangi. Meaalo debo odelo taa u lohualingao̒ ode bele wau lotitumudu wolo uluu̒lio ode dingingo meeseli, lapatao̒ tilopango lotulidu!

TINGULI 2:15

Eeya lololalaaita loluwali olimongolio tunggula pulitio timongolio ngoa̒amila binasa.

BOHULO SEMUEL 12:15

Bolii̒o mao̒, wonu timongoli diila modungohe to Eeya, tumbao̒ moluwali palentaa-Lio, tantu timongoli wau olongia limongoli matuwalia lo Eeya.

BOHULO SEMUEL 5:10

Lapatao̒ Bulua Daantia boito dilepitio mota ode Ekron, kota lo Pilistin uwewo poli. Tou̒ leidungga mota odito bulua boito, ulipulio tilonggo watio̒, uali mongolio, “Bulua Daantia lo Allahu Taa̒ala lo Isirai̒lu madilelolio mai odia u momate olanto ngoa̒amila mate-mateelo mao̒.”

BOHULO SEMUEL 5:11

Sababu uito timongolio helo tiangai ngoa̒amila olongia lo Pilistin alihu motia̒mbu, tulusi loloi̒ya mao̒, “Powalingalo mota Bulua Daantia lo Allahu Taa̒ala lo Isirai̒lu boito ode tambatilio bohu-bohulio mai alihu diila pateelio ito wau ngaalaa̒nto mate-mateelo mao̒.” To ngoilanggubu kota helo toduo tolonggalo sababu Allahu Taa̒ala lohukuumani mai ulipulio wolo laba-labaalo buheetio.

BOHULO SEMUEL 5:6

Lapatao̒ Eeya helo hukuumani mai ulipu lo Asdod wau madala topalitio wolo himunggu-munggula to wawai̒ mongolio.

BOHULO SEMUEL 6:11

Lapatao̒ Bulua Daantia boito pilopotae̒lio mola ode yitaato goloba, wau olo kasi u hetuanga udu hulawa wau tiruuwani u himunggu-munggula boito.

BOHULO SEMUEL 7:13

Odieelo mola taulo Pilistin ilolaahelio. Eeya diilalo lopoluasi olimongolio tumuwota ode madala lo Isirai̒lu, ngotilonggadu tei Semuel donggo tumu-tumulo.