BOHULO SEMUEL 5:3 - KITABI HABARI MOPIOHE

³ Tou̒ ulipu lo Asdod loombulio mola didimodupo lonao̒ mai ode kuili boito, timongolio loo̒onto mao̒ deu̒ bui̒ lo Dagon boito malei padungo mola tohuta, totalu Bulua Daantia lo Eeya! Timongolio malomintaa̒a bui̒ boito wau lopo walingao̒ ode tambatilio.

BOHULO SEMUEL 5:3 ပူးပေါင်းရင်းမြစ်များ

BOHULO MONGO OLONGIA 18:26

Yi timongolio loluotao̒ sapi tuwau wau lopo dapato mao̒. Lapatao̒ uito timongolio malodua̒ ode Baa̒l tumulalo mao̒ dumodupo demola ngoputu lodulahu sambela hiwuwaatia̒, “Tameta mai ami, Baal!” Timongolio helohutu uito sambela tulusi hemongelu-ngelungo topalito mesba limongolio. Bo diaaluo totametio mai sama-samaata.

JABURU 115:7

Timongolio o uluu̒, bo diila moo̒ tontaalo, o oa̒ato, bo diila moo̒ nao̒, wau diaaluo suala u yilumualo monto bunggohulio.

JABURU 97:7

Ngoa̒amila taa u hipolubowa balaahala maa poo̒olitolio, tahemo pomangga babaa-langiyalo udiila ohuna; ngoa̒amila dewa mamo sujudu totalu lo Eeya.

PILOTIMUA̒TA 12:12

Tou̒ hui boito Wau̒ mamo lontale mota ngoilanggubu huta lo Masiri, wau momate mateelo mao̒ walao̒ talolai̒ mohuhula daa, mopio manusia, meaalo binatangi. Wau̒ mamo hukuumani mao̒ ngoa̒amila dewa to Masiri, sababu Wau̒lo Eeya.

YESAYA 19:1

Uti-utieelo tahuli pasali lo Masiri. Eeya meidungga ode Masiri tae̒tae̒e to heengo u molinggahu. Babaa-laahalaalo lo Masiri humuhela totalu-Lio wau tau-tauwalo Masiri ilokikiio̒ hilao.

YESAYA 40:20

Taa udiila mambo motali hulawa wau talaa̒, molulaoto ayu udiila gaambangi moruusa. Tio mololohe pani taa̒ahali u mohutu bui̒ udiila gaambangi moe̒tu.

YESAYA 41:7

Pani lo ayu mopolotolao̒ hilao pani lo hulawa, taa u hemopo dembela logamu wolo duuduo̒ momuji taa u hemodupa toitaato wumbato. Ualio mao̒, ‘Mopiohu tutu kalajaamu’; lapatao̒ piloo̒ toheetio wolo paku alihu diila moe̒etu.

YESAYA 46:7

Bui̒ boito pilakua wau pilopodutu to tambatilio, tio tihutihula teto wau diila mowali molimbato. Wonu tau odusa to olio, tio diila molameto, wau diila mopoa̒ahu olio monto osusaalio.

YEREMIA 10:8

Abaloolo wau mohulodu timongolio ngoa̒amila sababu dewalio bo ayu wambao̒, diila mowali mongaajali u ohuna.

JEPANYA 2:11

Eeya mamohutu olimongolio moohe. Eeya mamongantulu dedeewaalo to dunia. Lapatao̒ totoonulalo bangusa mamotabia ode Eeya, ngota-ngota tolipulio lohihilao.

MARKUSI 3:11

Wau tahe ilotuanga lorohu u moleeto, timii̒du moo̒onto o-Lio, tulusi wambao̒ hemo sujudu mola totalu-Lio wau hemo nguatia̒, “Yio̒olo Walao̒ Allahu Taa̒ala!”

BOHULO SEMUEL 6:1

Tou̒ Bulua Daantia lo Eeya woluo to Pilistin pitu lohula mola hiheolio,

BOHULO SEMUEL 6:5

Oditolio, timongoli musi mohutu mao̒ tiruuwani monto himunggu-munggula wau monto udu u donggo hemongamo to lipumu. Lou̒ odito timongoli mongohi hurumati ode Allahu Taa̒ala lo Isirai̒lu. Otanu Tio mamohuheli mohukuumani mai olimongoli, wau dedee-waalo wau huta limongoli.