BOHULO SEMUEL 4:3 - KITABI HABARI MOPIOHE

³ Tou̒ labito suludadu taa ilolaahelio luli lohualingai ode pilo tikemawa, mongo tau̒wa lo Isirai̒lu loloi̒ya mao̒, “Tingga mailongola Eeya helo poluli mao̒ olaanto ilolaahe taulo Pilistin todulahee botie? Dulo ito mola mohama Bulua Daantia lo Eeya lonto Silo, wau deloonto mai odia, alihu Eeya mamo tulungi mao̒ olanto wau mopoa̒ahu olanto monto musu.”

BOHULO SEMUEL 4:3 ပူးပေါင်းရင်းမြစ်များ

OLUO LO SAMUEL 15:25

Lapatao̒ loloi̒ya mao̒ ti olongia odeli Iimamu Jadok, “Powalingalo mota Bulua Daantia boito ode kota. Wonu Eeya aahudu olau̒, tantuulo mao̒ wau̒ mawohi-Lio mohualingai wau muli moo̒onto Bulua Daantia boito wolo tambati poti biluloa̒alio.

BOHULO TAWARI 17:1

Lapatao̒ ti Olongia Dauda lotitatapu tobele biluloa̒ saaha li olongialio, tou̒ dulahee tuwau tio lotiangai oli Nabi Natan wau loloi̒ya mao̒, “Bilohilo, wau̒ botie bilu-biluloa̒ tobele biluloa̒ saaha li olongia u pilohutu lonto ayu woohu lo Libanon, hiambola Bulua Daantia lo Eeya bo todelomo kema!”

JABURU 74:1

Lahu pangaajali lei Asap. Yaa Allahu Taa̒ala, wolo u ohiheolo mao̒ Eeya mololaa olamiaatia? Yilongola Eeya tulusi muluka to umati lo Eeya lohihilao?

JABURU 74:11

Yilongola Eeya diilalo motulungi mai olamiaatia? Yilongola Eeya diilalo momandungi mai olamiaatia?

YESAYA 50:1

Eeya lotahuda mai ode Isirai̒lu, “Wuu umati-U̒ Isirai̒lu, to lantobumu Wau̒ lopolontulo olemu debo odelo ngotaalio lodile talolai̒ lopolontulo dilelio? Wonu odito, tou̒toonu tuladu talakilio? To lantobumu Wau̒ lopotali olemu, debo odelo tiyamo ngota lopotali lowalai̒o ode tamootagia biloli? Diila! Yio̒ tilawolo wau pilolayahu, sababu dusa wau ololeetumu lohihilao!

YESAYA 58:3

Bangusa boito lohintu, “Wolo hunalio mopuasa wonu Eeya diila moo̒onto mai? Wolo hunalio ito motidupapa batanga wonu Eeya diila mopoo̒ tuotai?” Eeya lotahuda mai, “Tutuulio tutu, tou̒ timongoli donggo hipuasaawa, timongoli hemololohe untungi ode batangamu lohihilao wau hemohama untungi dadaata daa̒ totau-tauwalo tahe wuupamu.

YESAYA 59:1

Diila mao̒ polantobu deu̒ Eeya molulupuhe daa̒ u mopoa̒ahu olimongoli, meeaambo bungolo daa̒ u modungohe iibodumu.

YESAYA 59:2

Sababu ololeetumu wambai̒o, yi Eeya diila lodungohe tou̒ timongoli lodua̒ mola to Eeya. Duduu-sawaalo limongolilo u helo pohalahu olimongoli lonto Allahu Taa̒ala.

YEREMIA 3:16

Lapatao̒ wonu bolo timongoli mai̒lo duhenga mola dadaata tolipu botie, tau diilalo mao̒ mobisala pasali lo Bulua Daantia-U̒. Timongolio diila tamo mikiilangi meaambo muli moe̒ela mola, timongolio tumbao̒ diila tamomalalu mao̒ meaambo mohutu Bulua Daantia uwewo.

YEREMIA 7:4

Diila mao̒ yakinia to tamoo-himbuloa tahemoloi̒ya, ‘Ito aamani, sababu utie Bele lo Eeya!’

YIA̒APO 10:33

Lapatao̒ bangusa lo Isirai̒lu lololaa mao̒ Sinai, hui̒dee upiloti biluloa̒ lo Eeya, timongolio lononao̒ tolo hui mola hiheolio. Bulua Daantia lo Eeya laito delodelo meimulo woli mongolio u mololoheo̒ tambati potikemawa limongolio.

YIA̒APO 10:35

Timii̒du Bulua Daantia boito mabintao̒lo, tei Musa moloi̒ya, “Pobongulo, yaa Eeya, pobubuu-alaalo mao̒ musu lo Eeya tilinggula taa u molonuo̒ to Eeya mopolahi lobatanga.”

YIA̒APO 31:6

Tei Musa lopoa̒hu olimongolio mopaatea pee̒-pee̒enta wolei Pinehas walai̒ Iimamu Eleajar. Tei Pinehas helodelo uu̒u-pangowalo umantali wau totoo-rompetiyalo u longohi tutuu-otalo.

TINGULI 29:24

Yi ngoilanggubu dunia mamohintu, ‘Yilongola Eeya helohutu mai odito wolo lipu limongolio? Wolo sababuulio mailaba omulukaa-Lio boito?’

TINGULI 31:26

“Hamaawa mao̒ buku Butoo̒ lo Allahu Taa̒ala botie, wau podutua mao̒ to ambahu Bulua Daantia lo Eeya Allahu Taa̒ala limongoli, alihu debo woluo mota teto odelo ososakusi to bangusa boito.

2 TIMOTIUS 3:5

Eleponu dudelo lahiri, timongolio modudua̒ moponao̒ uwajibu to agama, bo diila mololimo tuwango monto agama boito lohihilao. Walahe mao̒ tau-tauwalo debo odelo uito.

IBRANI 9:4

Todelomo huwali leidaa̒ boito woluo mesba upilohutu lonto hulawa u pomobuwalo dupa, wau woluo olo Bulua Daantia u ngoa̒amilalo woluwolude wolo hulawa. Todelomo Bulua boito woluo ulongo hulawa tuatuanga roti maana, tunggudu lei Haruna umaa ilotumbingo, wau dulo pita botulei uitaatio tulatulade mopulo palenta monto Allahu Taa̒ala.

YOSUA 4:7

mamusi timongoli mopoo̒taa olimongolio deu̒ taluhu lo Dutulaa Yordan malobunto tou̒ Bulua Daantia lo Eeya dilelo lobalanga dutulaa boito. Boboo-tuwaalo boito malaito mopoe̒ela bangusa lo Isirai̒lu tou̒ wolo u helo toduo mai teewe.”

YOSUA 6:6

Yi tei Yosua lotiangai tomongo iimamu, wau loloi̒ya mao̒, “Bintaa̒alo Bulua Daantia boito; pitulota towolota limongoli musi monao̒ totalulio sambela hideloa torompeti.”

YOSUA 7:7

Tei Yosua loloi̒ya ode Eeya, “Oo Allahu Taa̒ala Eeyaau̒! Pongoola lo Eeya modelo olo mongowatotia demai ngotuali lo Yordan botie? Wolo mawuduo lo Eeya mongowatotia ode tau-tauwalo Amori? Alihu mongowatotia mate? Lebe mopioheo̒ mongowatotia motibiluloa̒ mola teto wambai̒o, to ngotuali lo Yordan!

YOSUA 7:8

Oo Eeyau̒! Musu maloluhu mai wau helomate tunggula tilumouli tau-tauwalo Isirai̒lu. Botia wolo u musi pohutuo lo watotia?

1 PETRUS 3:21

Naa, ilowali boito debo odelo pohumaya lo popolihu u masaatia botie mopoa̒ahu olimongoli. Popolihu botie diila tala tuwau lo upacala mopoo̒ belesi wawao̒ monto ngoa̒amila u hikootoloa, bo debo odelo dantimu to Allahu Taa̒ala monto hilaa u maloo̒tapu tinelo Eeya u mopiohu. Popolihu boito mopoa̒ahu olimongoli sababu ti Isa Almasi maluli tilumumulai lonto opopate,

YUDAS 1:5

Ngoa̒amilalo boito mailotaawa limongoli. Bo watia ohilaa mopoe̒elai olimongoli tomimbihu woloolo mola Eeya lopoa̒ahu umati lo Isirai̒lu lonto lipu lo Masiri, bo lapatio mao̒ helo pobinasa tau-tauwalo tadiila palacaya towolota limongolio.

BOHULO SEMUEL 1:24

Lapatao̒ tei Semuel yilopatio mao̒ totutu, tio dilepitio mola liilolio ode Bele lo Eeya to Silo. Tou̒ boito tio donggo kikiia̒ daa̒. Ti Hana lodelo mola olo sapi ulai̒ tuwau u o umulu tolo taunu, pale mopulu lokilo, wau bututu walito tuwau u polupolu tuatuanga angguru.

BOHULO SEMUEL 14:18

“Delowalo mai boo̒ li iimamu boito odia,” ualei Saul odeli Iimamu Ahia. (Todulahee boito tei Ahia malodelo boo̒ li iimamu boito totalu taulo Isirai̒lu.)

BOHULO SEMUEL 4:2

Suludadu lo Pilistin lolumula loluhu, wau lapatao̒ popaatea donggo pohupohutu wolo laba-labaalo, suludadu lo Isirai̒lu ilolaahelio wau tanu wopato lihu lota tailate to tambati lo popaatea boito.