BOHULO SEMUEL 4:2 - KITABI HABARI MOPIOHE

² Suludadu lo Pilistin lolumula loluhu, wau lapatao̒ popaatea donggo pohupohutu wolo laba-labaalo, suludadu lo Isirai̒lu ilolaahelio wau tanu wopato lihu lota tailate to tambati lo popaatea boito.

BOHULO SEMUEL 4:2 ပူးပေါင်းရင်းမြစ်များ

HIYONGO MOPOILAALO SUUSA 3:40

Mopiohulo ito motulete tutumulunto, wau muli mohualinga ode Eeya Allahu Taa̒ala tosologa. Duloolo ito momuo̒ hilao wau modua̒ mola,

IMAAMATI 26:37

Timongoli matumeteo̒ wau meiteduo̒ to ngotaalio ode taweewo, eleponu diaaluo tahemo hilapita. Wau timongoli diila tamambo moluwali mumuu-suwaalo limongoli.

YIA̒APO 14:45

Yi taulo Amalek wau taulo Kanaa̒n tabilu-biluloa̒ mola teto maloluhu wau lopo olaaheo̒ totao-tauwalo Isirai̒lu wau helo hilapita olimongolio demola Horma.

YOSUA 7:12

Uitolo sababuulio timongolio diila moo̒ taahangi motaalua wolo musu. Timongolio pilate tilumouli lomusu sababu timongolio lohihilao olo madilehua hukuumani u pobinasaalo. Wau̒ madiilalo pee̒-pee̒enta woli mongoli, wonu babaa-langiyalo udiila mowali hamaalo boito diipo pilopo binaasa mao̒.

BOHULO SEMUEL 17:21

Suludadu lo Pilistin wau suludadu lo Isirai̒lu tinggai lotataalua wau lotidapa-dapato u motuuhua.

BOHULO SEMUEL 17:8

Tei Goliat lohuheli tulusi malo ngiibodeo̒ to suludadu lo Isirai̒lu, “Wolo u donggo hepohutuo limongoli tewe? Wolo timongoli ohilaa mopaatea? Wau̒ ngotaalio lo Pilistin, wuu mongo wato lei Saul! Tulaotilo ngotaalio towoloto limongoli tabuheli molaahei u mopaatea moluwali olau̒.

BOHULO SEMUEL 4:1

To maasa boito taulo Pilistin lotiangai motia̒mbu ngoilanggubu suludadulio moluhu Isirai̒lu; sababu uito suludadu lo Isirai̒lu malomaju ode tambati lo popaatea; timongolio lotikema totili lo Eben-Haejer, hiambola suludadu lo Pilistin helo tikema to Apek.

BOHULO SEMUEL 4:10

Lapatao̒ malopaatea taulo Pilistin wolo laba-labaalo daa̒ wau helo poo̒laaheo̒ suludadu lo Isirai̒lu. Taulo Isirai̒lu tilumetea̒ ode kemalio ngota-ngota. Otutu udaa̒ ololaahe boito: tilinggula tolopulu lolihu lota pajule lo Isirai̒lu tailate.

BOHULO SEMUEL 4:3

Tou̒ labito suludadu taa ilolaahelio luli lohualingai ode pilo tikemawa, mongo tau̒wa lo Isirai̒lu loloi̒ya mao̒, “Tingga mailongola Eeya helo poluli mao̒ olaanto ilolaahe taulo Pilistin todulahee botie? Dulo ito mola mohama Bulua Daantia lo Eeya lonto Silo, wau deloonto mai odia, alihu Eeya mamo tulungi mao̒ olanto wau mopoa̒ahu olanto monto musu.”