BOHULO SEMUEL 3:9 - KITABI HABARI MOPIOHE

⁹ Sababu uito tio loloi̒ya mao̒ odelei Semuel, “Muli mota potuluhuulo, wau wonu yio̒ muli tiango-Lio polelea mao̒, ‘Ambunguolo potahudalo mai, Eeya, wato-Mu mamo dungoheo̒.’ ” Lapatao̒ tei Semuel maluli lonao̒ mota ode tambati potuluhelio.

BOHULO SEMUEL 3:9 ပူးပေါင်းရင်းမြစ်များ

PILOTIMUA̒TA 20:19

Uali mongolio odelei Musa, “Yio̒lo wambao̒ tamo bisala mai to olami, ami mamo dungoheo̒; bo diila mao̒ Allahu Taa̒ala tamo bisala mai to olami, de ami mate.”

YESAYA 6:8

Lapatao̒ watia loo̒dungohe suala lo Eeya lotahuda, “Tatoonu tamaa laolo-U̒? Tatoonu tamaa mowali moodeloa habarinto?” Watia lolametao̒, “Botie watotia. Laolaalo watotia!”

JABURU 85:8

Pobilohelo mai deu̒ Eeya debo momonu, yaa Eeya, wohiyalo mai mongowatotia osalaamati monto Eeya.

WUNGGULI LOMONGO RASULU 9:6

Bo botia pobongulo wau tuwotolo ode kota, mota teto mapo tahuda-U̒ mai olemu wolo umusi pohutuwomu.”

DANIALI 10:19

Tio loloi̒ya, “Allahu Taa̒ala momonu olemu, sababu uito diila mao̒ polawalo meaambo moohe, ntali, powaliilo!” Tou̒ Tio donggo hemobisala mai losua̒li boito, watia molaasa lebe hemo lotolai poli wau loloi̒ya mao̒, “Toduwolo mobisala, Tuani. Ti Tuani maloo̒ lotoolai olaatia.”

BOHULO SEMUEL 3:8

U otolulio Eeya lotianga olei Semuel; tulusi lobongulo mola tei Semuel wau mota lodunggaya wolei Eli wau loloi̒ya, “O wolo Paaa̒? Yilongola ti Paaa̒ lotianga olaatia?” Tou̒ boitolo mola tei Eli malo ngalati deu̒ Eeyaalo tahemo tianga towalao̒ boito.

BOHULO SEMUEL 3:10

Lapatao̒ malonao̒ mai Eeya, wau tilimihulao̒ to tambati boito wau luli lotianga, “Semuel, Semuel!” Wau tei Semuel lolametao̒, “Ambunguolo potahudalo mai, Eeya, wato-Mu mamo dungoheo̒.”

YOSUA 5:14

“Diila tamani, wau olo diila laawani,” tametao̒ lotau boito. “Wau̒ lonao̒ mai odia odelo eyaanggu suludadu lo Eeya.” Loo̒dungohe uito tei Yosua hua̒a losujudulo mola wau lolubo tau boito. Lapatao̒ tei Yosua loloi̒ya mao̒, “Watotia botie wato li Tuani. Wolo u mowali pohutuo lo watotia odeli Tuani?”

JABURU 85:9

Watia ohilaa modungohe tahuda lo Eeya Allahu Taa̒ala; Eeya lodanti mai osalaamati to olanto, umati-Lio, asali ito diilalo mohutu dusa.