BOHULO SEMUEL 3:2 - KITABI HABARI MOPIOHE

² Tou̒ huilo tuwau, tei Eli tamaa panggola daa̒ wau wimbideo̒ pitoa̒a boito, donggo tuutuluhu to huwaliilio,

BOHULO SEMUEL 3:2 ပူးပေါင်းရင်းမြစ်များ

ILOOWALI 27:1

Todulahee tuwau, tou̒ tei Isihaka mapanggola wau pitoo̒ olo, tiliangio mai tei Esau, walai̒o tamohuhula, lapatao̒ loloi̒ya mao̒ olio, “Walau̒uu̒!” “Joo, Paapa,” tametao̒ lei Esau.

ILOOWALI 48:10

Tei Yako diila moo̒onto lou̒ mopatato sababu mapanggola wau matolio mailambulo. Tei Yusu lopodudulao̒ mongo walai̒o boito odelei Yako, wau tio malo ngoo̒de wau lodiilao̒ olimongolio.

ILOOWALI 48:19

Boti paapalio diila lololimo, ualio mao̒, “Otaawau̒, walau̒uu̒, otaawau̒. Tei Manasye mamowali udaa̒ mola kawasaalio wau tawali-yaliilio mai mamowali bangusa udaa̒ olo. Bo tawali-yaliilio malebe udaa̒ mola kawasaalio wolio, wau wali mai lo tawali-yaliilio boito mamowali babaa-ngusawalo udaa̒.”

BOHULO MONGO OLONGIA 14:4

Yi malonao̒ dile lei Yerobeam ode bele li Nabi Ahia to Silo. Ti Nabi boito diilalo moo̒onto sababu tio mapanggola daa̒.

JABURU 90:10

Tembo tutumulo mongowatotia bo pitu lopulu lotaunu, wonu mongowatotia molotolo, walu lopulu lotaunu mola. Bo wambao̒ osuukali wau podutolo u hemotapu lo mongowatotia; lapatio mao̒ tutumulo u limbulimbu, mongowatotia mooli lomola.

TAMOO-HUTUBAWA 12:3

Polotodumu humuhelo wau diilalo moo̒ duo̒la. Oa̒atumu u motoheto mamoe̒etu lou̒ diila o lotolo. Dungitumu diila wimu-wimumuto u monguntapo ua̒alo. Matomu pulauwolo tilinggula mopowali diila boti mobaango bibilohu.

BOHULO SEMUEL 2:22

Tei Eli mapanggola daa̒. Tio mololaalaaita hemoo̒ dungohe dudulohu tomimbihu pii̒li lomongo walai̒o to taulo Isirai̒lu. Otaawa lei Eli olo deu̒ mongo walai̒o boito hemotuluhe wolo mongobua tahe otuugasia totalu lohuhebu Kema Owoluo lo Eeya.

BOHULO SEMUEL 4:15

Tutuulio tutu tei Eli matio lopulaa walu lotaunu umululio wau tio bolo ngopee̒ mola pitoo̒.