BOHULO SEMUEL 27:9 - KITABI HABARI MOPIOHE

⁹ Tio lomate yila-yilateelo mao̒ ngoa̒amila mongo lolai̒ wau mongobua wau helo lambato himba, sapi, kolodai, unta, tumbao̒ pakeyangi olo. Lapatao̒ tio luli lohualinga wau mota lotaalua wolei Akhis.

BOHULO SEMUEL 27:9 ပူးပေါင်းရင်းမြစ်များ

ILOOWALI 16:7

Malai̒kati lo Eeya maloo̒ dungga oli Hagar totili butu lo taluhu tohuta datahu wau luasi udelita, to dalalo udulu-dulunga ode huta datahu wau luasi udelita lo Sur.

ILOOWALI 25:18

Waliilio mola bilu-biluloa̒ to wolota lomadala Hawila wau Syur to ambahu tiimuru lo Masiri ode mantahu Asyur. Timongolio hitumula lobua̒ wolo wali mai lei Abraham uwewo.

AYUBA 1:3

Wewolio mao̒ leeto tio owato dadaata, pitu lolihu himba, tolo lihu unta, ngolihu sapi, wau limo lohetuto kolodai. Limbui̒o mao̒, tio yito taa ulaba-labaalo kaya to wolota lo ulipu tomadala wimbihu Tiimuru.

PILOTIMUA̒TA 15:22

Lapatao̒ tei Musa lodelo bangusa lo Isirai̒lu lonto Gelaga lotidulunga ode huta udatahu wau luasi udelita lo Syur. Ngotilonggadu tolo hui mola timongolio hinao̒wa loli huta datahu wau luasi udelita diila loo̒dungga taluhu.

YOSUA 6:21

Ngoa̒amila taa todelomo kota boito, panggola wau muda, taabua wau talolai̒, pilatelio yila-yilateelo mao̒ wolo wamilo. Ngoa̒amila bibiahu sapi, himba wau kolodai olo pilatelio yila-yilateelo mao̒.

BOHULO SEMUEL 15:3

Oditolio, ponao̒lo wau tuhuwalo taulo Amalek wau antulua mao̒ ngoa̒amila miliki limongolio. Diili mao̒ tolai penu boli wolo wambai̒o; pateaalo mate-meteelo mao̒ ngoa̒amila mongo lolai̒, mongobua, tau̒kekeei̒ wau tau̒nge; wau olo sapi, himba, unta wau kolodai.”

BOHULO SEMUEL 15:7

Lapatao̒ uito tei Saul helo paatea wolo taulo Amalek, lopoo̒laaheo̒ olimongolio to ngohilayaa̒ lo dalalo lonto Hawila demola Syur to ambahu tiimuru lo Masiri.

BOHULO SEMUEL 15:8

Ngoilanggubu ulipu wau suludadu lo Amalek hepilate lei Saul yila-yilateelo mao̒. Bo tei Agag olongia taulo Amalek yilau̒pio lei Saul wau suludadulio lapatao̒ yilulia mao̒ tumutumulo, odito olo himba wau sapi ulaba-labaalo mopiohe, walao̒ sapi wau walao̒ himba u hilingohe daa̒, wau totoonulalo hitua-tuawua u ohalaga; bo bibiahe udiila ohuna wau diila ohalaga wambai̒o u pilopo binasa.