BOHULO SEMUEL 26:4 - KITABI HABARI MOPIOHE

⁴ Lapatao̒ tio olo lolao taa u tilugasia motulete lou̒ poo̒-poo̒oyo, wau ilotaawalio lou̒ mopatato deu̒ tei Saul woluo teto.

BOHULO SEMUEL 26:4 ပူးပေါင်းရင်းမြစ်များ

MATIUSI 10:16

“Poo̒tuoti mao̒ utie: Wau̒ molao olimongoli debo odelo himba udiila olootolo ode huungo saligala u mongantau. Timongoli musi mopoo̒daha mao̒ debo odelo tulidu wau tulusi lohilao debo odelo bulungi poombo.

YOSUA 2:1

Lapatao̒ lonto polokemawa to Sitim, tei Yosua longutolia taa u motulete lou̒ poo̒-poo̒oyo taduulota ode Kanaa̒n. Taduulota boito pilei̒ tuletealio lipu lo Kanaa̒n wolo tua̒ao̒-tua̒ao̒ lebe-lebe daa̒ kota lo Yerikho. Yi malonao̒lo timongolio ode kota boito, wau lotihui to bele lotaabua ngota tasuuntali, tai̒lunte Rahab.

BOHULO SEMUEL 26:3

Tei Saul lotikema tobiihu dalalo membideo̒ lo Hui̒dee Hakhila boito. Tei Dauda tamola tohuta datahu u luasi daa̒ wau delita, loo̒dungohe deu̒ tei Saul lodudua̒i olio demai huta datahu u luasi daa̒ wau delita.

BOHULO SEMUEL 26:5

Wolo lolamemeto tei Dauda lonao̒ mota ode kema lei Saul wau mota teto ilodunggaalio kema tou̒toonu tei Saul tuutuluhu totili lei Abner walae̒e Ner. Kema lei Saul boito woluo tohuungio, hiambola suludadulio lotikema to palitio.