BOHULO SEMUEL 20:2 - KITABI HABARI MOPIOHE

² Tametao̒ lei Yonatan, “Diila mao̒ poloi̒ya odito! Domi Eeya, yio̒ diila tapateelio mate-mateelo mao̒. Ti Paapau̒ laito hemopoo̒taa mai olau̒ ngoa̒amila lanjanaalio, mopio upolohuna daa̒, meaambo udiila. Oditolio diila pongalo aakali ti Paapau̒ momuli makusuduulio boito olau̒. Sababu uito, wolo uiloi̒yaamu boito diila otutu!”

BOHULO SEMUEL 20:2 ပူးပေါင်းရင်းမြစ်များ

ILOOWALI 44:7

Tametao̒ limongolio ode olio, “Wolo makusudu li Tuani? Amiaatia motadia mai deu̒ amiaatia diila helohutu odito!

JABURU 40:6

Yaa Eeya, malo odito daatalio huhutu lo Eeya ode mongowatotia, yaa Eeya Allahu Taa̒ala lowatotia, Eeya diila tao̒ bandingilio! Dadaatalo mao̒ ranjana lo Eeya u moo̒linggolabu ode mongowatotia diila pongalo aakali wungguliolo ngoa̒amilalo.

POHUMAYA 29:24

Taa u moheehea̒ mokalaja wolo tamootao̒wa, boliilio molonua̒ batanga lohihilao. Wonu tio diila tuua̒ao̒-tuua̒ao̒ to bubutoo̒, tio madehualio hukuumani. Bo wonu tio motipoo̒yo wambai̒o, tio mao̒tuhata laa̒anati lo Allahu Taa̒ala.

YESAYA 50:5

Eeya longohi mai olaatia ilohuhaama; watia diila lomalakala meaambo lotouli lonto Eeya.

LUKASI 20:16

Matantu tio monao̒ mai wau momate-mateelo mao̒ to tahi pokalajawa ilengi boito, tulusi mongohi ilengi boito to tahi pokalajawa wewo.” Loo̒dungohe uito, maloloi̒ya tau-tauwala odeli Isa, “Sama-samaata diila!”

YAHYA 15:15

Timongoli diilalo tanggula-U̒ wato, sababu wato diila motota wolo u hekalaja lituanilio. Timongoli tanggula-U̒ mai sahabati, sababu ngoa̒amila u dilungohe-U̒ lonto li Paapa-U̒, mapiloo̒taa-U̒ mai olimongoli.

YAHYA 17:8

Mapilo tunggulao̒ lo Watia olimongolio tahuda u pilotahuda mai li Paapa olaa-Tia; wau timongolio malo lolimo mao̒. Otaawa limongolio deu̒ Watia otu-otutuulo mao̒ dungga-dungga mai lonto li Paapa wau timongolio palacaya deu̒ ti Paapaalo tamalolao mai olaa-Tia.

YOSUA 22:29

Poyakinilo, ami diila mohuto moluwali to Eeya meaalo mohuheli motiwato to EEYA lou̒ moduhengao̒ mesba wewo ode bake yilalango meaalo bake lopale meaalo ode dewo, hiambola mesba lo Eeya Allahu Taa̒alanto mawoluo totalu lo Kema Owoluwoa lo Eeya.”

YOSUA 24:16

Yi umati lo Isirai̒lu boito lolametao̒, “Ami sama-samaata diila tamololaa to Eeya u motiwato to ila-ila wewo!

BOHULO SEMUEL 14:45

Bo ulipu loloi̒ya odelei Saul, “Wolo mamusi hukuu-maniyola mate tei Yonatan? Lebe-lebe pomao̒ tiolo talo potoduo mai ohohaama daa̒ botie? Diila! Ami modanti mai domi Eeya tatumu-tumulo, deu̒ tei Yonatan diila mowali oolia lohuwoo̒ polo tulungi boli ngopata mao̒ monto lunggongio. Sababu wolo ponu lo Eeyaalo tio maloo̒ haama todulahee botie.” Odie-odieelo mola tei Yonatan piloa̒ahu lo ulipu lonto hukuumani mate.

BOHULO SEMUEL 20:1

Yi malolahi tei Dauda lonto Nayot membideo̒ lo Rama wau mola lodunggaya wolei Yonatan, lapatao̒ lohintu mao̒, “Wolo totalau̒? Ololeeto wolo u mapilohutuu̒ wau wolo dusaau̒ toli Paapamu tilinggula tio ohilaa momate olau̒ mate-mateelo mao̒?”

BOHULO SEMUEL 20:12

Lapatao̒ tei Yonatan loloi̒ya mao̒ odelei Dauda, “Pohileaala dua̒ Eeya, Allahu Taa̒ala lo Isirai̒lu mowali sakusi olanto! Loombu mola dimodupo meaambo ngoonu tanu towakutu debo odelo masaatia botie, wau̒ mamo tolopani u molapu mao̒ tuango hilaa li paapau̒. Wonu tio o siikapu mopiohe olemu, mapoleleu̒ mai olemu.

BOHULO SEMUEL 20:3

Tei Dauda lolametao̒, “Otaawa tutu li Paapamu deu̒ yio̒ motolia̒nga olau̒. Oditolio tantulo mao̒ tio diila mohuto mopoo̒taa mao̒ sua̒li boito olemu alihu yio̒ diila mao̒ suukali. Penu boli woloolo mola olo, domi Eeya tatumu tumulo, tutuulio tutu tutumuluu̒ debo odelo putito tohuudio lotunge!”

BOHULO SEMUEL 9:15

Tutuulio tutu ngohui tou̒ dipo-dipolulio uito Eeya longohi mai tahuli odelei Semuel odie,