BOHULO SEMUEL 2:9 - KITABI HABARI MOPIOHE

⁹ Taa tatapu wau molotolo hilao laito aamani todelomo poloduo̒lo Eeya. Bo tau moleeto moa̒ntulu wau binasa todelomo udiila botie mobaango wau modio̒loma daa̒. Lotolo hihilao diila mowali pomangga, olootolo manusia diila mongohi ohohaama.

BOHULO SEMUEL 2:9 ပူးပေါင်းရင်းမြစ်များ

AYUBA 18:18

Monto mobaango tio pilolontulo ode delomo u modio̒lomo; monto dunia lotaa tumutumulo tio pilolontulo.

AYUBA 40:13

Lobungaalo timongolio ngoa̒amila todelomo peaahuo̒; ulungaalo timongolio todelomo dunia lotaa mate.

AYUBA 5:16

Botia o halaapani poli totaa diila owolo-wolo. Wau taa moleeto motipoo̒yo wolo ngolihu bahasa, sababu tunggi-Lio mapilo poo̒yongao̒ lo Allahu Taa̒ala.

AYUBA 5:24

Yio̒ maa̒amani motibiluloa̒ to kemamu; wau wonu palakisaamu hihiimbamu, ngoa̒amilalo loa̒ahu, diila iliilangi penu boli tuwau mao̒.

JABURU 1:6

Sababu taa modungohe deloolio wau duo̒la lo Eeya, bo taa moleeto dulu-dulunga ode obobinasa.

JABURU 105:37

Lapatao̒ bangusa lo Isirai̒lu dilepito Eeya yilumualao̒, timongolio helodelo hulawa wau talaa̒; ngoa̒amilalo hiseehatia wau hilootola.

JABURU 121:3

Eeya diila tamo poluli olemu modehu, tamoo-duo̒lawa olemu laito hemodaha.

JABURU 121:5

Eeya mamodaha mai olemu, Eeya totilimu u moduo̒la olemu.

JABURU 121:8

Eeya moduo̒lai olemu tou̒ yio̒ meidungga wau monao̒, botia wau ohiheo-hiheolo mao̒.

JABURU 145:20

Eeya moduo̒lai timii̒du taa u motolia̒ngo to Eeya, bo taa moleeto pobinasa lo Eeya.

JABURU 31:17

Pohileelo dua̒ Eeya motuhatawa towato lo Eeya; poa̒ahuwalo mai watotia sababu ponu lo Eeya.

JABURU 37:28

Sababu Eeya momonu to huhutu u mopiohu wau aadili, taa utatapu wolo molotolo hilao to Eeya diila poluli lo Eeya iloloihia. Eeya moduo̒lai olimongolio tunggula ohiheo-hiheolo mao̒, bo waliilio mai lotaa moleeto mapoo̒ pulitolo.

JABURU 94:18

Tou̒ watia hemo mikiilangi mola deu̒ watia mamodehu, ponu lo Eeya, yaa Eeya, helohutu mai olaatia tilimihula moloheto.

JABURU 97:10

Wuu timongoli tai̒lohilao to Eeya, lonui̒lo u moleeto! Sababu moduo̒lai tutumulo umati-Lio, Eeya molopata olimongolio monto kawasa lotaa momaahu palenta.

POHUMAYA 16:9

Manusia mowali mohutu lanjana, bo Allahu Taa̒ala tamolantu mai dalalo tutumulio.

POHUMAYA 2:8

Eeya modaha totau-tauwalo tahi pohutua aadili, wau moduo̒lai olimongolio tahipo tolia̒nga o-Lio.

POHUMAYA 3:26

Eeya mamodaha olemu. Eeya diila tamopoluli olemu meilotoo̒ ode delomo otuhata loimbulo.

TAMOO-HUTUBAWA 5:17

Yi malo ngalatilo wau̒ deu̒ u mopiohe daa̒ olaanto yito molamelo, mongilu wau molamitao̒ tilapulo kalajaanto ngotilonggadu tutumulo limbu uilohi mai lo Allahu Taa̒ala olanto; uitoolo paladunto.

TAMOO-HUTUBAWA 9:11

Todunia botie woluo poli u iloontongau̒: polobaalia diila laito ohaama lotaa u tumeteo̒ moo̒huu̒, polotuuhua diila laito ohaama lotaa u molotolo. Taa molinepo diila laito moo̒tapu popeehu. Wau taa motoloo̒ diila laito moo̒toduo okokaya. Wau olo tahi aahalia diila laito mowali masa-masaahuru. Sababu penu boli tatoonu wambai̒o mowali odungga lopalaladu marapo.

YESAYA 27:3

Wau̒, Eeya, tamodaha mao̒; timii̒du wakutu hebuhuta-U̒ mao̒, hui wau dulahu hedilaaha-U̒ mao̒, alihu diaaluo tamomuyu.

YESAYA 47:5

Eeya lotahuda mai ode Babel, “Potipoo̒yolo, wau tuwotolo ode delomo u modio̒lomo. Yio̒ diilalo otanggula ‘Olongia taabua lo yiyii-laidiyalo.’

YEREMIA 8:14

“Yilongola ito diila mohutu wolo-wolo?” ualo umati lo Allahu Taa̒ala. “Dulo ito pee̒-pee̒enta molimbato ode kokoo-tawaalo obiintengi, huliilo mao̒ ito mate mola teto. Eeya Allahu Taa̒alanto malolantu mai deu̒ ito musi binasa. Eeya malongohi mai olanto peedi u yilumolo sababu ito odusa to Eeya.

YEREMIA 9:23

Eeya lotahuda mai, “Taa aaripu diila mowali meengahu sababu otinepio, taa molotolo sababu olootololio, wau taa kaya sababu okokayalio.

NAHUM 1:8

Debo odelo taluhee ulaba-labaalo udaa̒ moloo̒po, ilantulu-Lio mumuusuu-Lio. Timongolio tabuheli moluwali o-Lio tilota-I̒o wolo mautu tunggula binaasa.

JEPANYA 1:15

Dulahee boito dulahee lo omuluka, oweepita wau osuusa, dulahee ololoohubu wau poloa̒antulu, dulahee u modio̒lomo wau owowoluwoa diila boti motilango, dulahee u monto modio̒lomowa wau diila mobango.

JAKARIA 4:6

Malai̒kati boito lopoa̒hu olaatia lopo tunggulao̒ odelei Jerubabel tahuli botie, “Diila wolo olootolo suludadu wau diila olo wolo olootolumu lohihilao yio̒ mao̒tilapulo, bo wolo rohu-U̒.

YIA̒APO 6:24

Hinta Eeya mobalakati wau molaala olimongoli.

MATIUSI 8:12

Lebe-lebe pomao̒ tau-tauwalo tawajibulio mowali umati lo Allahu Taa̒ala mapomahulo ode u modio̒lomo to bulemengio. Mota teto timongolio mahumoyongo wau modutolo.”

ROMA 3:19

Botia bolo ilotaawanto deu̒ ngoa̒amila u tulatulade todelomo butoo̒ agama lo Yahudi, deu̒ito-yito duo̒lo tau-tauwala tawoluo towalungo pamalenta lobutoo̒ boito. Lou̒ odito diaaluo penu boli ngotaa mao̒ tamoo̒ wohi alaasani wolo-wolo poli wau ngoilanggubu dunia mowali pohile wolo moo̒ohuu̒ lo Allahu Taa̒ala.

TINGULI 33:3

Otutu, Eeya momonu bangusaa-Lio Tio moduo̒lai ngoa̒amila taa u mowali milikii-Lio. Dulo ito mosujudu totalu lo oa̒a-Tio wau modungohe papaa-lentaa-Lio.

1 PETRUS 1:5

Ngoa̒amilalo boito yito ode limongoli sababu timongoli palacaya to Allahu Taa̒ala. Yi timongoli dilaha-Lio wolo kawasa lo Allahu Taa̒ala alihu timongoli mololimo oa̒ahu udapa-dapato poilaaloolo de topulito lojamani.

2 PETRUS 2:17

Guguu-ruwaalo paluti boito yito debo odelo butu lotaluhu u mohengu, wau debo odelo wambulo u hiliipa lodupoto huloyongo. Allahu Taa̒ala malo podapato olimongolio tambati tuwau u modio̒loma tutu.

YUDAS 1:1

Mongo wutato tamaa tiliango wau tapilonua daa̒ lo Allahu Taa̒ala ti Paapa, wau dilaaha duo̒li Isa Almasi. Odelo wato li Isa Almasi watia – Yudas – wutatee Yakobus,

YUDAS 1:13

Tutuuwauwa debo odelo buo̒olo moo̒huu̒ daa̒ todeheto mopotoodei putii̒o, odito olo timongolio mopoo̒ putio̒ totoonulalo huhutu u moo̒olito. Timongolio yito debo odelo bibii-natangiyalo u helonao̒ ode utoonulalo mao̒ udiila otatapua poti biluloa̒alo umaa pilopo dapato tambatilio lo Allahu Taa̒ala todelomo dio̒lomo ulaba-labaalo moo̒tihela hapato u ohiheo-hiheolo mao̒.

YUDAS 1:3

Mongo wutato tao̒toliango! Watia tio̒otutua omakusudu moluladei tulade ode limongoli tomimbihu oa̒ahu upee̒-pee̒enta mai̒lo laasanto. Bo botia watia molaasa ilowuntula u monaseehati mai olimongoli wolo tulade botie alihu timongoli tulusi mohipate duo̒lo iimani u mapee̒enta yilohi mai lo Allahu Taa̒ala u ohiheo-hiheolo mao̒ ode umati-Lio.

BOHULO SEMUEL 25:26

Allahu Taa̒ala malo ngabuto oli Tuani lowatotia motuli wau momate-mateelo mao̒ mumuu-suwaalo li Tuani. Wau botia Tuani lowatotia, domi Eeya tatumu-tumulo, watotia motadia mai, bolo potala paladu lo ngoa̒amila musu li Tuani lowatotia wau timii̒du taa ohilaa mopo topotala oli Tuani lowatotia tutuuwauwa debo odelo paladu lei Nabal.