BOHULO SEMUEL 2:2 - KITABI HABARI MOPIOHE

² Diaaluo tamantali debo odelo Eeya! Bo Tio tamowali mongohi mai poloduo̒lo.

BOHULO SEMUEL 2:2 ပူးပေါင်းရင်းမြစ်များ

OLUO LO SAMUEL 22:3

Eeya debo odelo biintengi u motoheeto tambati potiduo̒la lowatotia. Allahu Taa̒ala lowatotia debo odelo hui̒dee botu, tambati potiwolunga lowatotia. Debo odelo porisai Eeya lolau̒bei olo watotia, wau lodaha olo watotia alihu aamani laito.

OLUO LO SAMUEL 22:32

Sababu bo Eeyaalo Allahu Taa̒ala; Allahu Taa̒ala wambao̒ taa u moduulua olaanto.

OLUO LO SAMUEL 7:22

Eeya otutu udaa̒, yaa Eeya Allahu Taa̒ala! Bo Eeyaalo Allahu Taa̒ala, diaaluo tamo tutuuwauwa wolo Eeya. Aambunguolo otaawa lo mongowatotia sua̒li boito sababu mapiloo̒taa mai lo Eeya anggadu muloololio mai.

BOHULO MONGO OLONGIA 8:23

wau lodua̒, “Yaa Eeya, Allahu Taa̒ala lo Isirai̒lu! To hulungo meaambo todunia diaaluo tadebo odelo Eeya! Eeya loe̒elai danti lo Eeya wau helo poi̒laalo ponu lo Eeya ode umati lo Eeya tadebo molotolo hilao wau modungohe wolo lealeaatu lohilao to Eeya.

JABURU 111:9

Eeya lolopato umati-Lio wau lohutu daantia ohiheo-hiheolo mao̒ woli mongolio. Tiolo Eeya tamantali tamolotolo boli buheli daa̒!

JABURU 18:2

Ilohilaa lo watotia to Eeya, yaa Eeya, Eeyaalo olootolo watotia.

JABURU 18:31

Huhutu lo Allahu Taa̒ala ngoa̒amilalo wimu-wimumuto danti lo Eeya mowali yakiniyalo. Eeya debo odelo porisai ode ngoa̒amila tamo tiduo̒la to Eeya.

JABURU 71:19

Yaa Allahu Taa̒ala, oa̒adili lo Eeya ngoilanggato hulungo; odito udaa̒alio totoonulalo huhutu lo Eeya; yi tatoonu tamoo̒ baaya to Eeya?

JABURU 71:3

Powaliilo duo̒lo watotia odelo hui̒dee botu tambati potibiluloa̒ lowatotia, u gaambangi o aata lowatotia laito. Sababu Eeya malolantu mai u mopoa̒ahu olo watotia, Eeyaalo tambati potiduo̒la wau potiwolungo lowatotia.

JABURU 73:25

Tatoonu tamilikia lowatia tosologa ngopohia Eeya? Wewolio mao̒ lo Eeya diaaluo u ilohilaa lowatia todunia.

JABURU 86:8

Yaa Eeya, diaaluo pujaaa̒ni debo odelo Eeya, diaaluo tamohutu wolo u pilohutu mai lo Eeya.

JABURU 89:6

Sidangi lo sologawi momuji totoonulalo huhutu lo Eeya u moo̒linggolabu, wau mopolahu mola otatapu wau olootolo hilaa lo Eeya, yaa Eeya,

JABURU 89:8

Eeya hurumatiolio to wolota lo tahi mantalia, oohelio lebe lou̒ ngoa̒amila to palito Eeya.

JABURU 99:3

Huiaalo mao̒ timongolio momuji tanggulo Eeya taluuhuru molamahu. Mantalilo mola Eeya!

JABURU 99:5

Polamahelo mola Eeya Allahu Taa̒alanto, posujudulo totalu lokadera huhuloa̒a-Lio. Mantalilo mola Eeya!

JABURU 99:9

Polameheelo mola Eeya Allahu Taa̒alanto, wau tubowalo Eeya tohulu-Dio u mantali, sababu mantalilo Eeya Allahu Taa̒alanto.

PILOTIMUA̒TA 15:11

Allahu Taa̒ala toonu tamowali mongilabotao̒ ole-Mu, yaa Eeya Taa Laba-labaalo molamahu wau mantali? Tatoonu tamowali mohutu u momoo̒-linggolabeyalo wau huhutu leidaa̒ debo odelo Eeya?

YESAYA 40:18

Oditolio wolo tatoonu yio̒ ohilaa mopo tutuuwauwa Allahu Taa̒ala? Tatoonu tolantobumu mohumayawa wolo Eeya?

YESAYA 44:6

Uti-utieelo tahuda mai lo Eeya Taa Laba-labaalo kawasa, Olongia wau tamoo-duo̒lawa Isirai̒lu, “Wau̒ Allahu Taa̒ala Taa Laba-labaalo tuwau, tabohulio wau tapulitio.

YESAYA 44:8

Bangusaa-U̒, diila mao̒ oohe meaambo ooheaalo; diila anggadu muloololio mai demai botia Wau̒ malo laamali mai wolo u yilowali? Timongolilo mongo sakusii-U̒. Tamoo-duo̒lawa uwewo diaaluo wau diila oonuhe-U̒.”

YESAYA 57:15

Sababu odieelo mola tahuda mai lo Allahu Taa̒ala Taa Laba-labaalo molanggato wau mantali, taa okawaasa u ohiheo-hiheolo mao̒, “Wau̒ bilubiluloa̒ to tambati u molanggato wau mantali, bo olo towolota lotau-tauwalo tahi dupapawa lohilao wau tamolee̒e to duduu-saalio, u moponguli sumaangati wau halapani limongolio.

YESAYA 6:3

Timongolio lotingalao̒ ngota timongota: “Mantali, mantali, mantali, Mantalilo mola Eeya Taa Laba-labaalo kawasa. Dunia lopolu lo owoluo-Lio u molamahu.”

YEREMIA 10:6

Eeya tamolamahu, Eeya diila obandingilio, tanggulo Eeya udaa̒ wau polupolu lo kawasa.

IMAAMATI 11:44

Wau̒lo Eeya Allahu Taa̒ala limongoli, sababu uito dahai mao̒ alihu timongoli debo mantali, sababu Wau̒ mantali.

IMAAMATI 11:45

Wau̒lo Eeya talodelo olimongoli yilumualai lonto Masiri, alihu Wau̒ mowali Allahu Taa̒ala limongoli. Mamusi timongoli mantali, sababu Wau̒ mantali.

IMAAMATI 19:2

lopo tunggulao̒ ode bangusa lo Isirai̒lu palenta botie, “Mamusi timongoli mantali, sababu Wau̒ Eeya Allahu Taa̒ala limongoli yito mantali.

ROMA 15:4

Ngoa̒amila u tulatulade todelomo Kitabi yito mongaajali olanto. Sababu pongaajali u tolimoonto monto Kitabi mopowali olanto sabali wau molotolo tilinggula ito mowali motiwunela to Allahu Taa̒ala.

ROMA 4:8

Potisanangilo tutu taa u totoonulalo dusalio diila pilohile wolo moo̒ohuu̒ lo Eeya!”

TINGULI 3:24

Yaa Eeyaa Taa Laba-labaalo molanggato, otaawa lowatotia deu̒ upilo bilohei lo Eeya olo watotia botie boheli debo odelo huhuu-tuwaalo Eeya uleidaa̒ wau moo̒linggolabe. Diaaa̒ ila wewo tohulungo meaalo todunia tadebo odelo Eeya u moo̒ hutu susuu-aliyaalo upolu-polutuo̒.

TINGULI 32:20

Tahudaa-Lio mao̒, ‘Wau̒ diilalo mohuto motulungi mai olimongolio; penu boli oontonga-U̒ woloolo mola pulitio mao̒ limongolio. Sababu bangusa boito baa̒ngiyolo wau sama-samaata diila tatapu wau molotolo hilao.

TINGULI 32:39

Bilohilo, Wau̒ Allahu Taa̒ala Taa Tuwa-tuwaulo, diaaluo Allahu Taa̒ala ngopohia Wau̒. Wau̒ momate-mateelo mao̒ wau mopotumulo, momali wau mopoo̒luli mao̒. Wonu Wau̒ mopohutu mai, diaaluo penu boli ngotaa mao̒ tamowali moluwali.

TINGULI 32:4

Eeya Tamoo-duulua olemu tamolotolo boli buheli, ilomata-Lio ngoa̒amilalo wimu-wimumuto, wau ngoa̒amila dala-Lio aadili. Allahu Taa̒ala limongoli tatapu wau molotolo hilao, diaaluo udiila juujulu to Olio, Tio hemohutu mai u mopiohe wau otutu.

TINGULI 4:35

Ngoa̒amila boito pilobilohei lo Eeya ode limongoli u mopobukuti mao̒ deu̒ bo Eeya boito Allahu Taa̒ala, wau diaaluo taweewo.

TINGULI 4:39

Sababu uito pototaalo lou̒ tau todulahee botie wau diila mao̒ lipata: Eeya tatuwa-tuwaulo Allahu Taa̒ala tohulungo wau todunia; diaaluo taweewo.

1 PETRUS 1:16

Todelomo Kitabi tulatulade, “Mamusi timongoli mantali, sababu Wau̒ mantali.”