BOHULO SEMUEL 19:2 - KITABI HABARI MOPIOHE

² sababu uito tio loloi̒ya mao̒ olio, “Ti Paapau̒ hemo tolopani u momate-mateelo mao̒ olemu; oditolio poo̒dahailo mao̒! Loombu mola dumodupo potituuo̒lo to tambati tuwau udiila otaawa lotau, wau poti biluloo̒lo teto.

BOHULO SEMUEL 19:2 ပူးပေါင်းရင်းမြစ်များ

JABURU 16:3

Hehurumatio lowatotia tau-tauwalo tahi mantalia tolipu botie; ilohilaa lowatotia yito motitolaa pee̒-pee̒enta woli mongolio.

POHUMAYA 17:17

Sahabati ngota laito tatapu wau molotolo hilao to sahabati, bo ngotaalio lo wutato modudua̒ momanta usuusa.

WUNGGULI LOMONGO RASULU 23:16

Bo walao̒ lowutatio taabua lei Paulus loo̒dungohu patuju lo woomboa boito. Yi tio malonao̒ ode Malakasi wau lopoo̒taa sua̒li boito olei Paulus.

WUNGGULI LOMONGO RASULU 9:24

Bo patuju limongolio boito ilotahualio. Hui wau dulahu timongolio hipohimawa tohuhebu hulubangi lokota u momate olio mate-mateelo mao̒.

BOHULO SEMUEL 19:1

Tei Saul loloi̒ya mao̒ odelei Yonatan walai̒o talolai̒, wau ode ngoa̒amila pogaweelio deu̒ tio ohilaa momate-mateelo mao̒ olei Dauda. Bo tei Yonatan motolia̒nga daa̒ olei Dauda,

BOHULO SEMUEL 19:3

Wau̒ mamonao̒ mola ode huta datahu wau luasi pee̒-pee̒enta woli Paapau̒ wau timihulao̒ totili lotambati pilo tituua̒mu boito. Lapatao̒ wau̒ mamobisala mao̒ woli Paapau̒ tomimbihu makusudu li Paapau̒ to olemu, wau haasili lo bibiisalawa boito de mapoo̒taau̒ mai olemu.”

BOHULO SEMUEL 20:2

Tametao̒ lei Yonatan, “Diila mao̒ poloi̒ya odito! Domi Eeya, yio̒ diila tapateelio mate-mateelo mao̒. Ti Paapau̒ laito hemopoo̒taa mai olau̒ ngoa̒amila lanjanaalio, mopio upolohuna daa̒, meaambo udiila. Oditolio diila pongalo aakali ti Paapau̒ momuli makusuduulio boito olau̒. Sababu uito, wolo uiloi̒yaamu boito diila otutu!”

BOHULO SEMUEL 20:5

Tei Dauda lolametao̒, “Odie, loombu yito Potihunggu lo Hulalo Bohu, wau patutilio wau̒ molamela pee̒-pee̒enta woli baginda. Bo wonu yio̒ akolo, wau̒ mamonao̒ wau motituuo̒ tohuta datahu wau luasi tunggula ngoonu lou̒ hui.