BOHULO SEMUEL 17:7 - KITABI HABARI MOPIOHE

⁷ Diihima lo totobui̒o debo odelo udaa̒ lo ayu to pakaakasi hepo heowala, wau mato lo totobui̒o tanu pitu lokilo buheetio. Ngotaalio lopajule lonao̒ leimulo totalulio delodelo porisailio.

BOHULO SEMUEL 17:7 ပူးပေါင်းရင်းမြစ်များ

OLUO LO SAMUEL 21:16

Yi malonao̒ mai ngotaalio rakisasa tai̒lunte Yisbi-Benob. Totobui̒o pilohutu lonto polunggu buheetio tanu tolo kilo wau ngoputu. Tio olo delodelo wamilo bohu, wau tio yakini mamoo̒ pate olei Dauda mate-mateelo mao̒.

OLUO LO SAMUEL 21:19

To delomo popaatea wewo wolo taulo Pilistin to Gob, tei Elhanan walae̒e Yair lonto Betlehemu loo̒pate yila-yilateelo mao̒ olei Goliat lonto Gat. Didihuma lo totobuo̒ lei Goliat boito debo odelo udaa̒ lo ayu pakaakasi pohewo.

BOHULO TAWARI 11:23

Tio pee̒enta olo lomate yila-yilateelo mao̒ ngotaalio lo Masiri taleidaa̒ pohuwawaa̒lio; langgatio lebe lou̒ dulo meeteri. Tau boito otingolo totobuo̒ udamanga daa̒, bo tei Benaya lotaalua wolio wolo ayu pongokoo̒. Totobuo̒ uwoluo to uluu̒ taulo Masiri boito yilahulio tulusi pilomakelio u lomate tau boito yila-yilateelo mao̒.

BOHULO TAWARI 20:5

To delomo popaatea wewo helo luwali taulo Pilistin, tei Elhanan walae̒e Yair lomate yila-yilateelo mao̒ olei Lahmi wutatei Goliat taulo Gat. Diihuma totobuo̒ lei Lahmi boito odelo udaa̒ lo ayu pakaakasi poheowaalo.

BOHULO SEMUEL 17:41

Dengolo saaa̒ti mola lapatio mao̒ tei Goliat tamiluloa lo tamoodeloa porisailio, malonao̒ lohimbideo̒ olei Dauda.