BOHULO SEMUEL 17:4 - KITABI HABARI MOPIOHE

⁴ Yi ngotaalio tamoolato daa̒ moloohulua tai̒lunte Goliat, lonto kota Gat, yilumualai lonto pilo tikemawa lo Pilistin u lotehengi taulo Isirai̒lu. Langgatio tanu tolo meeteri,

BOHULO SEMUEL 17:4 ပူးပေါင်းရင်းမြစ်များ

BOHULO TAWARI 11:23

Tio pee̒enta olo lomate yila-yilateelo mao̒ ngotaalio lo Masiri taleidaa̒ pohuwawaa̒lio; langgatio lebe lou̒ dulo meeteri. Tau boito otingolo totobuo̒ udamanga daa̒, bo tei Benaya lotaalua wolio wolo ayu pongokoo̒. Totobuo̒ uwoluo to uluu̒ taulo Masiri boito yilahulio tulusi pilomakelio u lomate tau boito yila-yilateelo mao̒.

AMOS 2:9

Eleponu odito, wuu umati-U̒, duo̒lo olimongolilo Wau̒ mopobinasa mai taulo Amori tahi langgata debo odelo bungo lowoohu wau motoheeto debo odelo bungo lo terpentin.

TINGULI 3:11

Ti Olongia Og yito taulo Repaim tapulitio. Bulua lo milatelio pilohutu lonto botu, hayai̒o wopato meeteri wau tanggalio ngopee̒ dulo meeteri lodudua̒ tuuu̒du u tilantulio mao̒. Tunggula botia donggo mowali oontonga to Raba, kota taulo Amon.)

YOSUA 11:22

Diaaluo penu boli ngotaa mao̒ lonto bangusa lo Enak tai̒lo labita tolipu lo Isirai̒lu, bo to Gasa, Gat, wau Asdod donggo woluo.

BOHULO SEMUEL 17:23

Bo tou̒ tio donggo hemobisala woli mongolio, tei Goliat lomaju ode talu wau helo tehengi taulo Isirai̒lu, debo odelo ubiaasa hepo hutuolio. Tei Dauda olo loo̒dungohe tataa-heyaalo lo teehengilio boito.

BOHULO SEMUEL 17:3

Odi-odieelo mola baliisani taulo Pilistin maa tilimihula tohuludu tuwau wau baliisani taulo Isirai̒lu tohuludu uwewo, wau to wolotalio olumbaya tuwau.

BOHULO SEMUEL 17:5

wau tio pakepake heelemu tombaha wau boo̒ lo popaatea lonto tombaha u buhetio tanu limo lopulaa pitu lokilo.

BOHULO SEMUEL 27:4

Tou̒ tei Saul loo̒dungohe deu̒ tei Dauda malolahi ode Gat, yi tio diilalo lotolopani moheu̒pa olio.