BOHULO SEMUEL 13:3 - KITABI HABARI MOPIOHE

³ Lapatao̒ tei Yonatan lomate yila-yilateelo mao̒ eyaanggu lo Pilistin tato Gibea, wau bangusa lo Pilistin loo̒dungohe pasali losua̒li boito. Lapatao̒ tei Saul lei̒ potingohe mola torompeti to ngoilanggubu lipu u lotianga taulo Ibrani alihu momaju mopaatea.

BOHULO SEMUEL 13:3 ပူးပေါင်းရင်းမြစ်များ

OLUO LO SAMUEL 2:28

Lapatao̒ tei Yoab malohiipa mola torompeti odelo tuoto to tahidudua̒ olio alihu mohuheli mohilapita taulo Isirai̒lu, yi malo huhelilo mola popaatea boito.

OLUO LO SAMUEL 20:1

To kota Gilgal woluo ngotaalio tamoo-tolonggaloa tai̒lunte Seba. Tio walae̒e Bikri, lonto suku Benyamin. Tou̒ tei Dauda wolo tahi tunuhe olio lonao̒ mai, tei Seba lohiipa mola torompeti wau longiibodu, “Ito diila owumbuta wolei Dauda. Pongola ito modudua̒ wolio? Wuu taulo Isirai̒lu, ntali ito mohualingolo!”

YESAYA 10:29

Timongolio malo libaya to pobalangalo wau lotitihui to Geba! Ulipu lokota Rama hilumuhelo, wau ulipu lo Gibea, kota li Olongia Saulu, malo polahi batanga.

JAKARIA 14:10

Ngoilanggubu lipu monto Geba totilayo demola Rimon to huliaalio, mamowali datahu. Bo Yerusalemu mabihe-biheela molanggato, lebe molanggato wolo huta topalitio; kota boito mamolauasi monto Huhebu Hulubangi Benyamin tunggula ode Huhebu Hulubangi Tutulio, deu̒yito-yito tambati hulubangi Bohulio wau monto Monala Hananel tunggula ode tambati pomitodelo angguru miliki li olongia.

MONGO HAKIMU 3:27

Lolamemeta tou̒ leidungga mola odelipu hihui̒-hui̒dea lo Epraim, tio malohiipa torompeti u lotingai taulo Isirai̒lu motuuhua. Timongolio lonao̒ mai lapatao̒ tio malodelo olimongolio lotuhuta mola lonto madala hihui̒-hui̒dea boito.

MONGO HAKIMU 6:34

Bo tei Gideon kiluwaasa Rohullah, tilinggula tio malohiipa mola torompeti u lotiangai tau-tauwalo kaumu Abiejer alihu mopanggala wolio.

BOHULO SEMUEL 10:5

Lapatao̒ uito yio̒ musi monao̒ mola ode huludu lo Allahu Taa̒ala to Gibea, tambati pilo tikemawa taulo Pilistin. To huhebu potuwotalo ode kota yio̒ mamolaawode wolo ngopoa̒mbua nabi u molaahei monto huludu pobakeyalo. Timongolio mongelu-ngelungo wau hiwuwa-wuwaatia̒, hemoitohe gambusi, rabana tulali wau kocapi.

BOHULO SEMUEL 13:16

Odi-odeelo mola tei Saul wolei Yonatan walai̒o talolai̒, wau tahidudua̒ olimongolio helo tikema to Geba tomadala lei Benyamin; hiambola taulo Pilistin helo tikema to Mikhmas.