BOHULO SEMUEL 10:9 - KITABI HABARI MOPIOHE

⁹ Lolamemeto lapatao̒ tei Saul lololaa mao̒ olei Semuel, tei Saul lololimo watade bohu lonto Allahu Taa̒ala. Wau totoonulalo sua̒li u piloo̒taa lei Semuel olio olo lotoduo mai todulahee boitolo.

BOHULO SEMUEL 10:9 ပူးပေါင်းရင်းမြစ်များ

YEHESKIEL 36:26

Yi timongoli mahiya-U̒ mai hale u bohu wau pikiilangi u bohu. Hilaamu u debo odelo toheeto botu boito matuloa̒a-U̒ mai wolo hilao u modungohe.

MARKUSI 14:16

Lapatao̒ taduulota tahidudua̒ li Isa boito malonao̒ ode kota. Mola teto timongolio loo̒dungga mola ngoa̒amilalo lutuuu̒de debo odelo u mapilo tahuda li Isa. Lapatao̒ timongolio olo malo podapato ua̒alo Paska.

MONGO HAKIMU 6:21

Lapatao̒ malai̒kati lo Eeya boito lohudu mao̒ uluu̒lio lapatao̒ wolo huudu ayu u donggo dihudihu olio tilenggulio tapu wau roti boito. Botu boito yilumai̒ta tulusi lopobu yilaahu lomola tapu wau roti boito. Lapatao̒ yilooli lomola malai̒kati boito.

MONGO HAKIMU 7:11

De yio̒ mamoo̒ dungoheo̒ wolo u hebisalaa lomusu, wau sua̒li boito mamopowali olemu buheli moluhu.” Lapatao̒ malonao̒ tei Gideon wolei Pura, ode pilo tikemawa lomusu.

BOHULO SEMUEL 16:13

Lolamemeto tei Semuel lohama winulo jaitun boito wau lomudua̒ olei Dauda wolo upacala powinulo totalu lomongo hulangio. To saaa̒ti boitolo tei Dauda kiluwaasa mai Rohullah. Tumulalo mai todulahee boito wau lololaalaaita mola Rohu lo Eeya pee̒-pee̒enta wolio. Lapatao̒ malo hualingo tei Samuel ode Rama.

BOHULO SEMUEL 2:35

Lapatao̒ Wau̒ maa molulaoto iimamu tau̒ tatapu wau molotolo hilao to ola-U̒ wau tamohutu mao̒ wolo upilo malentaa-U̒ olio. To olioolo mawohi-U̒ mai wali u laito mamotuugasi odelo iimamu totalu lomongo olongia tatilulaotu-U̒.