BOHULO SEMUEL 10:3 - KITABI HABARI MOPIOHE

³ Tei Semuel luli loloi̒ya mao̒, “Monteeto yio̒ mopo tolonga lononao̒ demola bungo lo ayu tambati lo ibaadati to Tabar. Mola teto yio̒ mamo dunggaya wolo mongo lolai toulota tadonggo dulu-dulunga ode Betel u mopodewo bake ode Allahu Taa̒ala. Ngotaalio delodelo totolu walao̒ batade, ngotaalio poli delodelo tolobotu roti, wau ngotaalio poli delodelo bututu walito tuatuango angguru.

BOHULO SEMUEL 10:3 ပူးပေါင်းရင်းမြစ်များ

ILOOWALI 28:19

Tambati boito ilunteelio Betel (Muloololio mai tanggulio Lus).

ILOOWALI 28:22

Wau watotia mamongohi mao̒ ode Eeya ngotayade mopulu monto totoonulalo hitua-tuawua uilohi mai lo Eeya olo watotia. Botu poe̒ela u pilotihulao̒ lo watotia botie mamowali tambati polubowalo ode Eeya.”

ILOOWALI 35:1

Todulahee tuwau Allahu Taa̒ala lotahuda mai odelei Yako, “Wau̒lo Allahu Taa̒ala talo pobilohei batanga to olemu tou̒ yio̒ lolahi lonto oli kaakamu Esau. Hua̒a ponao̒lo ode Betel. Poti biluloo̒lo mota teto wau potihula mao̒ mesba tuwau ola-U̒.”

JABURU 89:12

Hulungo wau dunia yito miliki lo Eeya, dunia wau totoonulalo tuangio pilowali mai lo Eeya.

YEREMIA 32:8

Lapatao̒ tiluhata debo odelo u mapilo tahuda mai lo Eeya, malonao̒ mai tei Hanamee̒l odelaatia to palepelo bele bililoa̒ saaha li olongia, wau lohile alihu watia motali hutalio. Sababu uito watia yakini deu̒ Eeya otu-otutuulo mao̒ malo tahuda mai odelaatia.

IMAAMATI 1:10

Wonu u podewolo himba tuwau meaalo batade, binatangi boito musi ulai̒ wau diila o tailolio.

IMAAMATI 23:13

Duo̒lo bake lou̒ aalo podewowa mao̒ dulokilo labu u ilulau wolo winulo jaitun. Boolo bake boito moo̒sanangi hilaa lo Eeya. Pee̒-pee̒enta woleeto podewowa mao̒ olo ngoliiteri taluhu lo angguru.

IMAAMATI 3:12

Wonu u podewolo batade tuwau, taa umopodewo mao̒ musi modelo mota ode Kema lo Eeya.

IMAAMATI 3:6

Wonu u podewolo duo̒lo bake lo polodame boito himba tuwau meaalo batade, binatangi boito mowali ulai̒, mowali bilango, bo diila mowali o tailolio.

IMAAMATI 7:13

Ngopohia mao̒ leeto musi podewolo olo roti u pohutuwola momake ragi.

YOSUA 19:12

Pilito sipatana to ambahu tiimuru tumula mao̒ monto Sarid dulu-dulunga ode sipatana lo Khislot-Tabor, tulusi ode Dobrat, lapatao̒ mobotula mola ode Yapia.

YOSUA 19:22

Sipatana limongolio modedetao̒ Tabor, Sahajima, Bet-Semes, tulusi lopulita to Dutulaa Yordan. Madala limongolio boito hamahama to wolomo kota wau kakaa-mbunguwalo topalitio.

MONGO HAKIMU 20:18

Suludadu umati lo Isirai̒lu boito lonao̒ mola ode tambati potabiyalo to Betel, wau helohintu ode Allahu Taa̒ala, “Yaa Eeya, ambunguolo suku toonu towolota lo mongowatotia tamusi bohu-bohulio mola moluhu tau lei Benyamin?” Eeya lotahuda mai, “Suku Yehuda.”

MONGO HAKIMU 20:27

Tou̒ boito Bulua Daantia lo Allahu Taa̒ala woluo to Betel, wau tei Pinehas walae̒e Eleajar, wombu lei Haruna otuugasi odelo iimamu. Yi malohintu umati lo Isirai̒lu ode Eeya, “Yaa Eeya, ambunguolo wolo mongowatotia mamusi muli monao̒ mola moluhu mongo wutato lo mongowatotia tau-tauwalo lei Banyamin boito, meaambo wajibulio mongowatotia mopohuheli mao̒ popaatea botie?” Eeya lotahuda mai, “Tuhuwalo timongolio! Loombu Wau̒ mamongohi mai u moo̒haama toli mongoli.”

MONGO HAKIMU 4:12

Lolamemeta tou̒ tei Sisera loo̒dungohe deu̒ tei Barak malonao̒ mola ode Hui̒dee Tabor,

MONGO HAKIMU 4:6

Tou̒ dulahee tuwau tio lopoa̒hu tau lotiangai olei Barak, walae̒e Abinoam, lonto kota Kedesi tomadala Naputali. Lapatao̒ tio loloi̒ya mao̒ odelei Barak, “Uti-utieelo palenta mai lo Eeya, Allahu Taa̒ala lo Isirai̒lu, olemu: ‘Ambua mao̒ mopulu lolihu lota mongo lolai̒ lonto suku Naputali wau Jebulon, wau delowalo mola timongolio ode Hui̒dee Tabor.

MONGO HAKIMU 8:18

Lapatao̒ uito tei Gideon lohintu mao̒ odelei Zebah wolei Salmuna, “Woloolo mola baya lotau-tauwalo tahe pilate limongoli yila-yilateelo mao̒ to Tabor boito?” Tei Zebah wolei Salmuna lolametao̒, “Timongolio ngoa̒amilalo mohaamawa wolemu, debo odelo wali lotahi bangusawa.”

BOHULO SEMUEL 10:4

Timongolio mamongohi salamu olemu wau yio̒ mawohialio dulobotu roti umusi tolimoomu.