BOHULO SEMUEL 10:2 - KITABI HABARI MOPIOHE

² Lapatao̒ yio̒ mololaa mao̒ todulahee botie yio̒ mamodunggaya wolo talolai̒ duulota totili lokuubulu li Rahel to Zelzah tomadala Benyamin. Timongolio mamoloi̒ya mai olemu odie. Kokoo-lodaiyalo u helolohumu boito matilantu mao̒. Botia tipaapamu diilalo molawalo tomimbihu bibii-natangiyalo boito, bo hemohintu malolaalaaita wolo umusi pohutuolio u moo̒dungga olemu.”

BOHULO SEMUEL 10:2 ပူးပေါင်းရင်းမြစ်များ

ILOOWALI 35:16

Lapatao̒ uito tei Yako wau polemboa̒lio lololaa mao̒ Betel. Tou̒ timongolio donggo molamingao̒ lonto Eprata, malei dungga saaa̒tilio ti Rahel u motutu. Bo walai̒o boito mototolo potutuolio mai.

ILOOWALI 48:7

Wau̒ lohutu mao̒ sua̒li boito odeli Rahel tiilamu. To delomo wuwalingiu̒ mai lonto Mesopotamia, tiilamu yilate tohuta lo Kanaa̒n diila molamingo monto Eprata.” (Masaatia Eprata otaawa odelo Betlehemu.)

YEREMIA 31:15

Eeya lotahuda mai, “To Rama dungo-dungohei suala hilimuta, wau totoonulalo lapali u tilumoodu sababu usuusa u yilanggube lopalato hilao. Hiliyonga li Rahel mongo walai̒o, tio diila mohuto liyangolo sababu timongolio madiduuluo.

BOHULO SEMUEL 10:16

Tei Saul lolametao̒, “Tio lopoo̒taa mai deu̒ bibii-natangiyalo boito mailodungga.” Bo tei Saul diila lohungguli mao̒ ode pou̒wamaalio deu̒ tio mapiludui̒o lei Semuel lowali olongia.