BOHULO SEMUEL 1:9 - KITABI HABARI MOPIOHE

^9-10 Tou̒ dulahee tuwau lapatio mao̒ timongolio lolamelo to Bele lo Eeya to Silo, ti Hana tilimihulao̒ lonto meja hepolamelalo. To saaa̒ti boito ti Iimamu Eli tawoluo olo to Bele lo Eeya, donggo hulohuloa̒ to kaderalio totili lohuhebu. Wolo susuukali daa̒ ti Hana malodua̒ ode Eeya sambela hiyohiyongo.

BOHULO SEMUEL 1:9 ပူးပေါင်းရင်းမြစ်များ

OLUO LO SAMUEL 7:2

Yi malo loi̒ya ti olongia odeli Nabi Natan, “Bilohi, wau̒ botie bilu-biluloa̒ tobele biluloa̒ saaha li olongia u pilohutu lonto ayu woohu lo Libanon, lebe-lebe pomao̒ Bulua Daantia lo Allahu Taa̒ala bo tilahulio todelomo kema wambao̒!”

JABURU 27:4

Bo tuwau u pohile lo watotia to Eeya, bo uti-utieelo u otohilaa lowatotia: motipoo̒oyo to Bele lo Eeya ngotupa lo tutumulo watotia, u molaasa mao̒ u mopiohe monto Eeya wau momolohone potuhata lo Eeya.

JABURU 29:9

Suala lo Eeya helo polotau̒lo bubuu-ngowalo ayu beraangani, wau helopo duduulahu duduu-ngowaalo to oa̒ayua; sambela to Bele lo Eeya umati hipo ngiibode meengahu, “Pujialo mola Eeya!”

JABURU 5:7

Pobinasa lo Eeya tau-tauwalo tao̒hilaa mohimbulo, tamoo himbuloa wau tamoomatea mate-mateelo mao̒ hebilohe lo Eeya dupa-dupaapa.

PILOTIMUA̒TA 21:6

yi tituanilio musi modelo mao̒ olio ode tambati poi̒baadatialo. Mola teto wato boito ahuli mao̒ timihula motidenela tohuhebu meaalo towolihi lohuhebu tambati poi̒baadatialo, wau ti tituanilio musi molooa̒ao̒ bulonga lowato boito. Yi tio mamowali watolio ngotupa lo tutumulio.

BOHULO SEMUEL 3:15

Lapatao̒ uito tei Semuel luli leitululuhu, wau tou̒ dumodupio mola tio malobongu wau lomuo̒ mao̒ huhuu-hebuwalo Bele lo Eeya. Tio moohe mopoo̒taa mao̒ bibilohe boito odelei Eli,

BOHULO SEMUEL 3:3

wau tei Semuel lotuluhe totili lo Bulua Daantia lo Eeya, todelomo Kema Mantali. Tou̒ dulahee diipo lobutu mai wau tohe donggo lei̒lei̒ita,

BOHULO SEMUEL 4:13

Tei Eli, tailoohe daa̒ hemo mikiilangi mola, osalaamati Bulua Daantia lo Eeya, donggo hulohuluo̒ to kadera tobiihu dalalo, sambela hemotolo eelao̒. Tou̒ tau boito lopohabari mao̒ habari lotau Isirai̒lu ilohamaalio, ngoilanggubu ulipu lokota hilumoyonga loo̒ohuu̒.