BOHULO MONGO OLONGIA 9:9 - KITABI HABARI MOPIOHE

⁹ Lapatao̒ tau mamo lametao̒ odie, ‘Sababu timongolio helo lolaa mao̒ to Eeya, Allahu Taa̒ala limongolio, tamalo depita loluuhuru limongolio yilumualao̒ lonto Masiri. Timongolio helo lubo ila-ila wewo. Utolo sababuulio Eeya malo podungga mai baala botie ode limongolio.’ ”

BOHULO MONGO OLONGIA 9:9 ပူးပေါင်းရင်းမြစ်များ

BOHULO MONGO OLONGIA 18:18

“Watia diila tamoo-tolonggaloa,” loi̒ya mao̒ lei Elia, “bo ti Baginda lohihilao. Ti Baginda wau ngaalaa̒ li Bagindalo tamoo-tolonggaloa. Wolo helolubo babaa-laahalalo Baal, ti Baginda malo lambanga totoonulalo palenta lo Eeya.

OLUO MONGO OLONGIA 22:17

Timongolio malo lolaa mao̒ ola-U̒ wau helo podewo bake ode ila-ila wewo. Ngoa̒amila u hepilohutu limongolio loo̒toodei omulukaa-U̒. Wau̒ lomuluka mai ode Yerusalemu, wau omulukaa-U̒ diila mowali poo̒oleelo.

OLUO TAWARI 29:8

Lapatao̒ Eeya todelomo omulukaa-Lio helo hukuumani mai taulo Yehuda wau Yerusalemu. Otaawa limongoli ngoa̒amila donggo boli huhutu lo Eeya boito malohutu mai ngoa̒amila tau iloohea wautilumehela hapato.

OLUO TAWARI 7:22

Lapatao̒ tau mamo lametao̒, ‘Sababu timongolio malo lolaa mao̒ Eeya, Allahu Taa̒ala limongolio, tamalo depita loluuhuru limongolio yilumualai lonto Masiri. Timongolio helolubo wau lodanti lou̒ tatapu wau molotolo hilao to ila-ila wewo. Uitolo sababuulio Eeya lopodungga mai baala botie ode limongolio.’ ”

YEREMIA 2:19

Ololeetomu lohihilao helo hukuumani batangamu, yio̒ leisikisa sababu helo bulemenga ola-U̒, Allahu Taa̒alamu. Botia laasailo malo odito paa̒ato wau suukali lohilao wonu Wau̒ bulemengamu wau diila hurumatiyomu. Wau̒, Eeya Allahu Taa̒alamu malo tahuda mai; Wau̒ulo Eeya Allahu Taa̒ala Laba-labaalo molanggato wau Laba-labaalo kawasa.”

YEREMIA 22:8

Lapatao̒ uito dadaata tau deli mamolibaya teto wau mohintu ngota timongota yilongola Wau̒, Eeya, malohutu mai odito ode kota ugaaga boito.

YEREMIA 5:19

Bo wonu timongolio mohintu yilongola Wau̒ helohutu mai ngoa̒amilalo boito toli mongolio, polelea mao̒ wuu Yeremia, deu̒ debo odelo timongolio helo lolaa ola-U̒ tolipu limongolio lohihilao u lotiwato to dedeewaalo bangusa wewo, odito olo timongolio mamowali wato lotau-tauwalo deli tolipu wewo.”

YEREMIA 50:7

Timongolio tiluhu wau silikisa lo ngoa̒amila tamo dunggaya woli mongolio. Mumuu-suwaala lo umati-U̒ hemoloi̒ya, ‘Wolo upilo hutunto, diila tilaala, sababu tau-tauwalo boito mai̒lodusa to Eeya. Loluuhuru limongolio yakini to Eeya, oditolio patutilio timongolio olo tatapu wau molotolo hilao to Eeya.’

HIYONGO MOPOILAALO SUUSA 2:15

Ngoa̒amila tau u lumaodeo̒, mohenteo̒ olemu, sababu yio̒ malo aantulu ngoilanggubu lomao̒. Timongolio hitahalilia lo lunggongo wau hipo loi̒yawa, “Wolo mau̒ito kota ulaba-labaalo gaaga, kota hepomangga lodunia?”

TINGULI 29:23

Hahaa-labowaalo limongoli mamowali huta luasi daa̒ udelita tau̒-tau̒ubu waliirangi wau watingo. Hutalio diila mowali pomulowalo wau huo̒yoto diila mohuto mobutu mai mota teto. Lipu limongoli madebo odelo Sodom wau Gomora, Adma wau Jeboim u pilopo binasa lo Eeya tou̒ omulukaa-Lio wali-walihuhu.