BOHULO MONGO OLONGIA 9:7 - KITABI HABARI MOPIOHE

⁷ yi Wau̒ mamopo hinggi umati-U̒ Isirai̒lu monto lipu u mailohiu̒ mai ode limongolio. Wau̒ olo mamololaa bele botie u matilantu mao̒ lowali tambati poi̒baadatialo ode ola-U̒. To utoonulalo mao̒ taulo Isirai̒lu mahinaalio wau poi̒ii̒yalio.

BOHULO MONGO OLONGIA 9:7 ပူးပေါင်းရင်းမြစ်များ

BOHULO MONGO OLONGIA 9:3

Eeya lotahuda mai olio, “Dua̒amu madilungohe-U̒, wau woleeto bele u bilongumu botie poi̒laalo-U̒ mai mowali tambati tolomodu u poi̒baadatialo ode Olau̒ ohiheo-hiheolo mao̒. Wau̒ malaito mopoo̒tuoto wau modaha tambati botie.

OLUO MONGO OLONGIA 25:21

tomadala Hamat. Mola teto timongolio hesilii-kisaalio wau pilatelio yila-yilateelo mao̒. Odi-odieelo mola tau-tauwalo Yehuda hebilintai̒o lonto lipu limongolio wau dilelolio ode polayahu.

OLUO MONGO OLONGIA 25:9

Tei Nebujaradan helomobu Bele lo Eeya, bele biluloa̒ saaha li olongia, wau ngoa̒amila bele lo tahimuloa lo ulipu to Yerusalemu.

OLUO TAWARI 36:19

Tio helo polohubeo̒ dingingo meeseli lo Yerusalemu, wau lomobu kota boito, leituwoto Bele lo Eeya wau ngoa̒amila bele biluloa̒ saaha li olongia wolo babaa-langiyalo ohalaga udonggo woluo todelomo bebee-leyaalo biluloa̒ saaha li olongia boito.

OLUO TAWARI 7:20

yi Wau̒ mamopo lualao̒ olimongoli monto lipu u mailohi-U̒ mai olemu. Wau̒ olo mamololaa mao̒ bele botie u matilantu-U̒ mai lowali tambati poi̒baadatialo ola-U̒. To utoonulalo mao̒ bele botie hinaalio wau poi̒ii̒yalio.

JABURU 44:14

Pilowali lo Eeya amiaatia pilohentea̒ lomongo tiheede timongolio hipodali-dalilia wolo loi̒ya wau hipoi̒ii̒ya to olamiaatia.

JABURU 44:15

Pilowali lo Eeya amiaatia hipodalilia lo babaa-ngusawalo; timongolio hitahalilia lo lunggongo sambela hemohina olamiaatia.

JABURU 69:11

Watotia hilumoyongo wau lopuasa, bo timongolio helohina olo watotia.

YESAYA 65:15

Tau-tauwalo tahe tilulaotu-U̒ mamomake tanggulumu odelo laa̒anati: ‘Pohileaala dua̒ Eeya Taa Laba-labaalo molanggato momate olimongoli mate-mateelo mao̒ debo odelo timongolio!’ Bo taa u modungohe to Olau̒ mawohiya-U̒ mai tanggula bohu.

YEREMIA 24:9

Wau̒ mamopo topotala mai olimongolio odito rupalio tilinggula totoonulalo bangusa to ngoilanggubu dunia mamoohe. Penu boli tou̒toonu timongolio mapobua̒yaa-U̒, timongolio mahenteo̒lio, wau poi̒ii̒yalio boli hinaalio. Tangguli mongolio mapomake odelo laa̒anati.

YEREMIA 25:9

‘Wau̒ mamotiangai ngoa̒amila bangusa monto tilayo, wau olo wato-U̒, tei Nebukadnejar olongia lo Babel. Timongolio maa̒mbuwo-U̒ u mopaatea moluwali Yehuda wau ulipulio boli ngoa̒amila bangusa to palitio. Bangusa lo Yehuda wolo babaa-ngusawalo to tiheedio mapobinasaa-U̒ wau poluli-U̒ mao̒ moa̒ntulu u ohiheolo mao̒. Tau-tauwalo tamoo̒onto mao̒oheaalo wau molaasa timihela hapato. Wau̒, Eeya, malo tahuda mai.

YEREMIA 26:18

“Tou̒ tei Hiskia lowali olongia lo Yehuda, ti Nabi Mikha lonto Moresyet lopo tunggulai ode ulipu loi̒ya botie lonto Eeya Taa Laba-labaalo kawasa, ‘Sion mapadeo̒lio debo odelo halabolu, Yerusalemu mamowali huntua lotuodu, wau huludu Bele lo Eeya mamowali oa̒ayua.’

YEREMIA 26:6

Wonu timongoli debo diila mohuto modungohu, yi bele poi̒baa-datiyalo botie mapohutuwo-U̒ mai debo odelo Silo, tilinggula totoonulalo bangusa todunia momake tanggulo kota lo Yerusalemu botie odelo laa̒anati.”

YEREMIA 44:8

Yilongola timongoli helohutu susuu-aliyaalo uloo̒ muluka ola-U̒? Timongoli lonao̒ mai wau lotibiluloa̒ to Masiri, lipu u deli olimongoli boito, lapatao̒ timongoli helolubo balaahala wau lopodewo bake ode dedeewaalo lipu boito! Wolo timongoli motohilaa mongantulu batangamu lohihilao alihu timongoli hinaalio lo totoonulalo bangusa todunia wau tanggulumu pamakelio odelo laa̒anati?

YEREMIA 52:13

Tei Nebujaradan helomobu Bele lo Eeya, bele biluloa̒ saaha li olongia, wau ngoa̒amila bele lotaa himuloa lo ulipu to Yerusalemu.

HIYONGO MOPOILAALO SUUSA 1:8

Yerusalemu lopokootolo batanga lohihilao wolo helohutu dusa dadaata u moo̒olonuo̒. Ngoa̒amila tamuloololio mai hemomasisi olio, botia hemohina olio sababu loo̒onto olio laalaala. Tio lopotoodu pongolaasa suusa wolo longaibu, sababu mai̒loolia lobaya.

HIYONGO MOPOILAALO SUUSA 2:17

Eeya maloponao̒ lo aanjamu-Lio u muloololio mai u pilatuju wau pilopo eelai lo Eeya ode olanto. Ito ilantulu lo Eeya lou̒ diila odehu hilao, musu piloo̒haama yilohi lo Eeya u loo̒haama. Eeya lohutu olimongolio leengahe moo̒onto odudehunto.

YEHESKIEL 24:21

mopo tunggulai tahuli boite ode limongoli: Timongoli hemopo mangga olootolo Bele lo Eeya. Timongoli ohilaa molontongao̒ wau mobiiloheo̒, bo Eeya mamopo kootolo mai Belee-Lio. Wau popoo-ngawaa̒lo lo ngaalaa̒mu tadonggo muda, talei tolaa to Yerusalemu, mapateelio mate-mateelo mao̒ todelomo popaatea.

YEHESKIEL 5:15

Wonu Wau̒ muluka wau laba-labaalo muluka olemu boli mohukuumani mai olemu, ngoa̒amila bangusa to palitumu mamolaasa timihela hapato. Timongolio mamohantia olemu wau mojijio̒ mooonto olemu

HOSEA 9:3

Timongoli, wuu bangusa lo Isirai̒lu, diila taatatapu motibiluloa̒ tohuta uilohi lo Eeya ode olemu. Timongoli musi mohualinga ode Masiri, wau musi molamela ua̒alo halamu to Asyur.

YOEL 2:17

Ahuliilo mongo iimamu tahi pomayawa to Eeya, humoyongo towolota lomesba wau sulambe totalu, sambela moloi̒ya, “Ponuwalo mai umati lo Eeya, yaa Eeya; diila mao̒ polulia miliki lo Eeya mowali o aibu,” tilinggula babaa-ngusawalo wewo mopodalili wau moloi̒ya, “Tou̒toonu Allahu Taa̒ala limongolio?”

MIKHA 3:12

Sababu ololeetumu boito, Sion mapadeo̒lio debo odelo halabolu, Yerusalemu mamowali huntua lotuodu, wau huludu Bele lo Eeya mamowali huta u datahu wau luasi u pilobutua lo aa̒a-yuwaalo kekeei̒.

MATIUSI 23:38

Sababu uito Allahu Taa̒ala diilalo pee̒-pee̒enta wolemu.

MATIUSI 24:2

Ti Isa lotahuda mao̒ ode limongolio, “Wolo timongoli moo̒onto mota ngoa̒amilalo boito? Ototai mao̒, diaaluo penu boli botu ngobotu monto huhuu-dunguwaalo boito mameitolaa susuusungi to tambatilio. Ngoa̒amilalo mapo lohubuwolo.”

LUKASI 21:24

Woluo tamaa pateelio lobanggo mate-mateelo mao̒, woluo olo tamaa deloolio odelo tatilawalo ode lilii-puwaalo lotau; wau tau-tauwalo tadiila motota lo Allahu Taa̒ala mamo dutadutaa̒a Yerusalemu tunggula mopulito wakutuulio u matilantu lo Eeya ode limongolio.”

TINGULI 28:37

To lilii-puwaalo tambati limongoli pilopo bubuu-ayaawa lo Eeya, tau-tauwalo matimihela hapato moo̒onto olimongoli; timongoli mahente-henteo̒lio wau poi̒ii̒ya limongolio.

TINGULI 4:26

Potala hulungo wau dunia todulahee botie mowali sakusi deu̒ wonu timongoli diila modungoheo̒ olaatia, timongoli mahua̒a mooli monto huta u potibiluloa̒ limongoli to ngotuali lo Dutulaa Yordan boito. Timongoli diila tamohiheo motibiluloa̒ mota teto; timongoli mapo binasaalo sama-samaata.

YOSUA 23:16

Wonu bolo timongoli molambanga daantia u mapiloa̒hu olimongoli lo Eeya Allahu Taa̒ala imongoli alihu dungohelo, wau timongoli mota moi̒baadati to ii̒i-lawaalo wewo wau molubo mao̒ ii̒i-lawaalo boito, yi Eeya mamo muluka, wau mohukuumani mai olimongoli. To delomo wakutu u ngoi̒ntalo mola timongoli mabinaasa monto lipu u mopiohe botie, uilohi mai lo Eeya ode limongoli.”

BOHULO SEMUEL 15:11

“Wau̒ lolee̒e malo mudua̒ olei Saul lowali olongia, sababu tio malohei lonto ola-U̒, wau diila helo ponao̒ palentaa-U̒.” Tei Semuel masiluukali, wau ilo-iloonua tio helo poi̒laalo suusa to Eeya.