BOHULO MONGO OLONGIA 9:6 - KITABI HABARI MOPIOHE

⁶ Bo wonu yio̒ meaalo walimu mola momulemenga ola-U̒ wau diila modungohe totoonulalo butoo̒ wau palentaa-U̒ wau yio̒ molubo ila-ila wewo,

BOHULO MONGO OLONGIA 9:6 ပူးပေါင်းရင်းမြစ်များ

OLUO MONGO OLONGIA 18:12

Samaria lodehu sababu taulo Isirai̒lu diila helo dungohe to Eeya, Allahu Taa̒ala limongolio. Timongolio diilalo loe̒ela mola daantia u pilohutu mai lo Eeya woli mongolio, wau timongolio helo lambanga ngoa̒amila palenta lei Musa, wato-Lio. Timongolio diila lohuto lodungohe wau diila lohuto loduduo̒.

OLUO MONGO OLONGIA 22:17

Timongolio malo lolaa mao̒ ola-U̒ wau helo podewo bake ode ila-ila wewo. Ngoa̒amila u hepilohutu limongolio loo̒toodei omulukaa-U̒. Wau̒ lomuluka mai ode Yerusalemu, wau omulukaa-U̒ diila mowali poo̒oleelo.

BOHULO TAWARI 28:9

Lapatao̒ odelei Salomo, tei Dauda loloi̒ya mao̒, “Walau̒uu̒, patutilio Allahu Taa̒ala tahe tuboo liyamamu, akuwimu mao̒ odelo Allahu Taa̒alamu. Yio̒ musi motiwato to Eeya wolo hilaa ihilasi wau iloheela lohilao. Sababu otaawa lo Eeya ngoa̒amila pikiilangi wau otohilaa lo hilaanto. Wonu yio̒ mololohe to Eeya, Eeya maa odunggamu, bo wonu yio̒ mololaa mao̒ to Eeya, Eeya mamo potouli olemu u ohiheo-hiheolo mao̒.

OLUO TAWARI 15:2

tilinggula tio lonao̒ lodunggaya woli Olongia Asa, wau loloi̒ya mao̒, “Wuu Olongia Asa, wau ngoilanggubu ulipu lo Yehuda wau Benyamin! Dungohilo mai! Eeya modudula woli mongoli wonu timongoli modudula wolo Eeya. Wonu timongoli mohile mola potuhata to Eeya, Eeya mamongohi mai. Bo wonu timongoli diila momandungi to Eeya, yi Eeya olo diila momandungi mai olimongoli.

JABURU 89:30

Tambati huhulo̒a li olongialio mapoduuluwa-U̒ ngotilonggadu hulungo woluo toitaato dunia, wawaalia mola walao̒ wombulio mamoti huloa̒ao̒.

JABURU 89:31

Bo wonu waliilio mola molambanga butoo̒o-U̒, wau diila tumumulo modudua̒ palentaa-U̒,

JABURU 89:32

wonu timongolio diila momandungi u matilantu-U̒ mai wau momalonga wuu̒du-U̒,

YEREMIA 26:4

Eeya lopoa̒hu olaatia moloi̒ya odie ode limongolio, “Wau̒, Eeya, malo poa̒hu alihu timongoli modungohe to Olau̒ wau moponao̒ ngoa̒amila butoo̒ u mailohi-U̒ mai olemu.

HIYONGO MOPOILAALO SUUSA 1:8

Yerusalemu lopokootolo batanga lohihilao wolo helohutu dusa dadaata u moo̒olonuo̒. Ngoa̒amila tamuloololio mai hemomasisi olio, botia hemohina olio sababu loo̒onto olio laalaala. Tio lopotoodu pongolaasa suusa wolo longaibu, sababu mai̒loolia lobaya.

BOHULO SEMUEL 15:11

“Wau̒ lolee̒e malo mudua̒ olei Saul lowali olongia, sababu tio malohei lonto ola-U̒, wau diila helo ponao̒ palentaa-U̒.” Tei Semuel masiluukali, wau ilo-iloonua tio helo poi̒laalo suusa to Eeya.

BOHULO SEMUEL 2:30

Wau̒ Eeya Allahu Taa̒ala lo Isirai̒lu, muloololio mai malodanti mai, deu̒ ngaalaa̒mu wau malagaamu mamomaya to ola-U̒ odelo iimamu u ohiheo-hiheolo mao̒. Bo botia Wau̒ diilalo mokahandaki sua̒li boito! Sababu tamo hurumati ola-U̒, mahurumatio-U̒ bo tamohina ola-U̒, mahinaa-U̒.