BOHULO MONGO OLONGIA 9:3 - KITABI HABARI MOPIOHE

³ Eeya lotahuda mai olio, “Dua̒amu madilungohe-U̒, wau woleeto bele u bilongumu botie poi̒laalo-U̒ mai mowali tambati tolomodu u poi̒baadatialo ode Olau̒ ohiheo-hiheolo mao̒. Wau̒ malaito mopoo̒tuoto wau modaha tambati botie.

BOHULO MONGO OLONGIA 9:3 ပူးပေါင်းရင်းမြစ်များ

BOHULO MONGO OLONGIA 8:29

Pohileaala dua̒ hui wau dulahu Eeya moduo̒lai bele botie u matilulaoto Eeya odelo tambati poi̒baadatiala ode Eeya. Pohileaala dua̒ monto tambati potibiluloa̒ lo Eeya tosologa Eeya modungohei wau mongambungu watotia wau umati lo Eeya wonu bolo mongowatotia motitalu mai ode bele botie wau modua̒ mola ode Eeya.

OLUO MONGO OLONGIA 20:5

odelei Hiskia, olongia umati lo Eeya, wau lopo tunggulao̒ tahuli botie, “Wau̒, Eeya, Allahu Taa̒ala tahe tuboo lei Dauda loluuhurumu, malo dungohe dua̒amu wau loo̒onto ponumu. Wau̒ mamo poo̒luli mai olemu; ngoonu mola yio̒ mamonao̒ mota ode Bele-U̒.

OLUO MONGO OLONGIA 21:7

Hitua-hituawua debo odelo tuoto li Dewi Asyera dilutulio todelomo Bele lo Eeya, lebe-lebe pomao̒ tomimbihu tambati boito Eeya malo tahuda mai odelei Dauda wau Salomo walai̒o talolai̒ odie, “Bele-U̒ wau kota lo Yerusalemu botie, umaat ilulaotu-U̒ mai towolota lomadala opulaa dulo suku lo Isirai̒lu, deu̒yito-yito tambati u tilantu-U̒ odelo tambati poi̒baadatiala to ola-U̒.

OLUO TAWARI 33:7

Bui̒ balaahala dilutulio todelomo Bele lo Eeya, lebe lebe pomao̒ tomimbihu tambati boito Allahu Taa̒ala malo tahuda mai odelei Dauda wolei Salomo walai̒o talolai̒, “Bele-U̒ to Yerusalemu botie, umaa tilulaotu-U̒ towolota lo mopulaa duluo madala lo suku Isirai̒lu, deu̒yito-yito tambati u tilantu-U̒ mai odelo tambati poi̒baadatiala ola-U̒ u ohiheo-hiheolo mao̒.

OLUO TAWARI 6:40

Botia, yaa Allahu Taa̒ala lowatotia, poo̒tuotalo mai mongowatotia wau dungohilo mai duduu-awaalo u pilopo tunggulo lo mongowatotia ode Eeya monto tambati botie.

ESRA 6:12

Pohileaala dua̒ Allahu Taa̒ala tamalo lulaotao̒ Yerusalemu odelo tambati polubowalo Eeya, mopobinasa mao̒ timii̒du olongia meaalo bangusa tabuheeli molambanga palenta botie wau tamo himontala mongaantulu Bele lo Eeya to Yerusalemu boito. Wau̒, Darius, malongohi palenta botie. Ponao̒walo lou̒ mopio-piohulo mao̒.”

JABURU 10:17

Yaa Eeya, Eeya modungohe dua̒ lotaa hina wau hemo poo̒lotolai hilaa limongolio.

JABURU 116:1

Watia ilohilao to Eeya, sababu Eeya lodungohe olaatia wau hemo poo̒tuotai polohone lowatia.

JABURU 34:17

Bo taa u hemohutu umoleeto tilehengia-Lio; wonu timongolio mate, timongolio hua̒a olipata.

JABURU 65:3

Sababu Eeyaalo tamo pomata mai dua̒; ngoa̒amila tau monao̒ mai ode Eeya sababu mai̒lodusa.

JABURU 66:19

Bo Allahu Taa̒ala malo dungohei olaatia, Eeya helo poo̒tuotai polohone lowatia.

PILOTIMUA̒TA 20:11

To delomo wolomo hui mola, Wau̒, Eeya, helo powali mai dunia, hulungo, deheto, wau totoonulalo uwoluo todelomio, bo todulahee u opitulio Wau̒ lohuheli. Uitolo sababuulio Wau̒, Eeya lobalakati mai dulahu Saabati wau lopo tolomodu mao̒ duo̒lo batanga-U̒.

PILOTIMUA̒TA 29:44

Wau̒ mamo powali mao̒ Kema wau mesba boito mantali. Tei Haruna wau mongo walai̒o mapohetu-U̒ mao̒ wolo tawewo alihu timongolio momaya ola-U̒ odelo iimamu.

YEREMIA 15:1

Eeya lotahuda mai odelaatia, “Wau̒ diila tamomonu mai bangusa botie, penu boli tei Musa wolei Semuel timihulao̒ tewe u momolohone odehu hilaa-U̒ ode limongolio. Ahuli mao̒ bangusa botie monao̒, Wau̒ diila mohuto momilohe olimongolio!

YEREMIA 7:10

Lapatao̒ ngoa̒amila boito hepilohutu limongoli, timongoli lonao̒ mai lotaalua wola-U̒ teea to Bele-U̒ lohihilao, wau loloi̒ya, ‘Amiaatia aamani!’ Lapatao̒ timongoli helo tolonga mola huhutu limongoli u kootolo boito.

DANIALI 9:23

Tou̒ yio̒ lolumula lomolohone mola ode Allahu Taa̒ala, Eeya lolametai. Wau̒ lonao̒ mai mopo tunggulao̒ uito sababu Eeya momonu olemu. Naa, dungohiilo mopio-piohulo mao̒ tou̒ wau̒ donggo hemo tombangai boli lo bibilohe boito.

MATIUSI 6:9

Oditolio podua̒alo mola odie, ‘Allahu Taa̒ala lo mongowatotia to Sologa: Eeyaalo Allahu Taa̒ala tabo Tuwa-tuwaulo. Pohileaala dua̒ Eeya tuboolo wau hulumatiolo.

YAHYA 11:42

Otaawa lowatia ti Paapa laito modungohei olaatia, bo watia moloi̒ya mao̒ utie, ode tau-tauwalo tawoluo teea; alihu timongolio palacaya deu̒ boti Paapalo talolao mai olaatia.”

WUNGGULI LOMONGO RASULU 10:31

Tio malo loi̒ya, ‘Kornelius! Allahu Taa̒ala malo lolimo dua̒mu wau loe̒elai omuura lohilaamu.

TINGULI 11:12

Eeya Allahu Taa̒ala limongoli mamolaala lipu boito wau modaha mao̒ ngohilayaa̒ lotaunu.

TINGULI 12:11

Lapatao̒ Eeya Allahu Taa̒ala limongoli mamolulaoto tambati tuwau tou̒toonu Tio musi tuboolo. Odito motaalo umusi ponao̒wa limongoli modelo mota ngoa̒amila u mapilo malenta-U̒ mai, deu̒yito-yito bake yilalango wau babaa-keyaalo wewo, dewo ngotayade mopulu wau dewo poheetu u pilodanti limongoli ode Eeya.

TINGULI 12:21

Wonu tambati u tilulaotao̒ lo Eeya Allahu Taa̒ala limongoli laba-labaalo molaminga monto tambati limongoli, timongoli mowali mongolotao̒ sapi tuwau, himba meaalo batade uwohi mai lo Eeya ode limongoli, wau molamelao̒ tapulio totambati limongoli wolo hilahilaa limongoli, debo odelo u mailoi̒ya mai lowatia olimongoli.

TINGULI 12:5

Monto ngoilanggubu madala susuu-kuwaalo Isirai̒lu, Eeya Allahu Taa̒ala limongoli malulaotao̒ tambati tuwau alihu bangusanto mowali monao̒ mai ode talu-Lio wau molubo o-Lio.

TINGULI 16:11

Totalu lo Eeya Allahu Taa̒ala limongoli, totambati u tilulao-Tio, timongoli musi motiwengahu pee̒-pee̒enta wolo mongo walai̒ mongoli, mongo wato limongoli wau taulo Lewi, tau deli, walao̒ tadidu otiilo otiyamo wau mongo janda tabilu-biluloa̒ to kokoo-tawaalo limongoli.

1 YAHYA 5:14

Wau ito buheli motaalua wolo Allahu Taa̒ala sababu ito yakini Tio modungohe dua̒anto, wonu ito mohile penu boli wolo u motuuu̒de wolo kahandaki-Lio.