BOHULO MONGO OLONGIA 9:24 - KITABI HABARI MOPIOHE

²⁴ Huta to ambahu huliaalio Bele lo Eeya hetilambula lei Salomo lapatao̒ dilelio, deu̒yito-yito tipuusili li olongia lo Masiri, malo limbato lonto kota lei Dauda ode bele biluloa̒ li olongia ubilongu lei Salomo olio.

BOHULO MONGO OLONGIA 9:24 ပူးပေါင်းရင်းမြစ်များ

OLUO LO SAMUEL 5:7

Tei Dauda loloi̒ya mao̒ to tahidudua̒ olio, “Wolo woluo tewe taa u molonuo̒ to taulo Yebus tutuuwauwa debo odelo wau̒ molonuo̒ olimongolio? Wolo malo odito lonui̒o tilinggula tio ohilaa daa̒ momate olimongolio mate-mateelo mao̒? Wonu odito, tuwotolo molibaya tanggi lotaluhu wau tuhuwalo tahi peenggoa wau pitoo̒ u olonuu̒uu̒ boito.” (Uitolo sababuulio tau loloi̒ya, “Taa pitoo̒ wau taa penggo diila mowali tumuwota ode Bele lo Eeya.”) Tei Dauda loo̒ lambatao̒ biintengi lo Sion wau hiluloa̒lio. Tio longunte mao̒ Sion boito “Kota lei Dauda”. Kota boito bilongulio topalito biintengi boito, tumulalo mao̒ monto ambahu tiimuru lohuludu u pilopo lenggelio mola wolo huta.

BOHULO MONGO OLONGIA 11:27

Wumbutio mola botie hikaayati pasali pilomintaa̒ tingolo lei Yerobeam. Tou̒ huta to ambahu huliaalio Bele lo Eeya donggo hetambulalo, wau dingingo meeseli lokota donggo hepoo̒piohulo,

BOHULO MONGO OLONGIA 3:1

Tei Salomo lopowali mao̒ Masiri waitio wolo lonika oli puusili li olongia lo Masiri. Ti Puusili boito dilelo lei Salomo ode kota lei Dauda u lotibiluloa̒ teto dilumutu bele biluloa̒ saaha li olongia li olongia wau Bele lo Eeya wau biintengi topalito Yerusalemu yilapato bilongulio.

BOHULO MONGO OLONGIA 7:8

Tambati biluloa̒ lei Salomo pilohutu debo odelo huhuu-dunguwalo wewolio wau odungga to palepelo wewo towulea lo Balai Bubutoo̒. Duo̒lo dilelio, deu̒yito-yito ti puusili li olongia lo Masiri, pilomongula lei Salomo olo hudungu u tutuuwauwa.

OLUO TAWARI 32:5

Lapatao̒ ti olongia helo poo̒tohetao̒ biintengi lokota wolo lopoo̒piohe dingingo meeselilio, helo potihulo mola momoo-nalawaalo toitaatio wau lomongu dingingo meeseli wewo to bulemengio. Wewolio mao̒ leeto tio helo poo̒pioheo̒ dingingo meeselio, ubilongu toitaato huta tilambula to ambahu tiimuru ambahu deedelo kota Yerusalemu. Tio olo helei̒hutu dadaata daa̒ totobuo̒ wau porisai.

OLUO TAWARI 8:11

Tei Salomo lopo limbata mota dilelio, deu̒yito-yito tipuusili li olongia lo Masiri, lonto Kota lei Dauda ode bele u bilongu olio. Sababu to pokiilangi mola lei Salomo, “Dileu̒ diila mowali motibiluloa̒ tobele biluloa̒ saaha li olongia Dauda, olongia lo Isirai̒lu, sababu ngoa̒amila tambati tou̒toonu Bulua Daantia boito pee̒enta pilopodutu mao̒ yito tambati umantali.”