BOHULO MONGO OLONGIA 8:9 - KITABI HABARI MOPIOHE

⁹ To delomo Bulua Daantia boito diaaluo penu boli u hitua-tuawua ngopohia botu mohelu duluo. Boboo-tuwaalo boito mapilopo tuwotio mao̒ teto lei Musa to Hui̒dee Sinai, tou̒ Eeya lohutu daantia wolo bangusa lo Isirai̒lu towakutu timongolio todelomo nonao̒ limongolio lonto Masiri ode lipu lo Kanaa̒n.

BOHULO MONGO OLONGIA 8:9 ပူးပေါင်းရင်းမြစ်များ

BOHULO MONGO OLONGIA 8:21

To delomo Bele lo Eeya boito mapilo dapatou̒ tambati ode Bulua Daantia u tuatuanga botu daantia towolota lo Eeya wolo loluuhurunto tou̒ Eeya lodelo olimongolio yilumualao̒ lonto Masiri.”

OLUO TAWARI 5:10

Todelomo Bulua Daantia boito diaaluo penu boli u hitua-tuawua ngopohia botu dulo pita. Boboo-tuwaala boito mapilo tuwotao̒ lei Musa teto to Hui̒dee Sinai, tou̒ Eeya helohutu mai daantia wolo bangusa lo Isirai̒lu todelomo nonao̒ limongolio lonto Masiri ode lipu lo Kanaa̒n.

OLUO TAWARI 5:9

Ayu pomulihelo boito hayahayao̒ daa̒ tilunggula huhuudio oontonga monto talu lo Huwali Leidaa̒ Laba-labaalo mantali, bo diila oontonga monto bulemengio. (Tunggula todulahee botia aa̒a-yuwaalo boito donggo woluo teto.)

PILOTIMUA̒TA 13:21

Tou̒ dulahu Eeya lonao̒ totalu limongolio todelomo wolihi heengo wau tou̒ hui Tio mulomulo woli mongolio todelomo wolihi tulu u mopotunu mao̒ dalalo. Lou̒ odito timongolio mowali monao̒ hui wau dulahu.

PILOTIMUA̒TA 14:24

Tou̒ dulahee mamobutu mai Eeya lomilohei lonto wolihi tulu wau wolihi heengo ode suludadu lo Masiri wau helopo pupuuyoo̒to.

PILOTIMUA̒TA 16:10

Tou̒ tei Haruna donggo hemobisala mao̒ ode limongolio ngoa̒amila, timongolio helo milohe mota ode huta udatahu wau luasi udelita wau debolo tinelo Eeya maa iloontonga mola todelomo heengo.

PILOTIMUA̒TA 16:33

Tei Musa loloi̒ya mao̒ odelei Haruna, “Hamaalo mao̒ ulonga tuwau, wau tuangi mao̒ ngoi̒diilio manna dulo liiteri wau podutua mao̒ totalu lo Eeya u tahuwolo ode waliinto mai.”

PILOTIMUA̒TA 25:16

Lapatao̒ todelomo bulua boito musi dutuwomu mao̒ botu duluo wolo papaa-lentaalo u mawohi-U̒ mai olemu.

PILOTIMUA̒TA 25:21

Dutua mao̒ dulobotu todelomo bulua boito wau popohulia mao̒ tau̒bio toitaatio.

PILOTIMUA̒TA 40:20

Lapatao̒ duuduluo botulio boito pilopo tuwotio ode delomo Bulua Daantia. Lapatao̒ tei Musa lopohuli mao̒ tau̒bu Bulua boito wau lopo tuwotao̒ ayu pohuluhelio ode delomo patedalio.

YEHESKIEL 10:4

Tinelo molilingga u tuotio owoluo lo Eeya lotinelai lonto mamaa-lai̒katiyalo opolipio̒ boito wau lolimbata ode huhebu potuwotalo Bele lo Eeya, tilinggula palepelio lowali lobaango-baangolo mao̒.

IMAAMATI 16:2

tahudaa-Lio, “Potunggula mao̒ odelei Haruna wutatumu, deu̒ bo tou̒ wakutu utantu-tantu tio mowali tumuwotao̒ ode Huwali Leidaa̒ Laba Mantali ubilua̒ lopodehu, sababu teteetolo Wau̒ mamopo bilohei batanga-U̒ todelomo heengo toitaato tau̒bu lo Bulua Daantia. Wonu tei Haruna molambanga palenta boito, yi tio maamate.

YIA̒APO 17:10

Lapatao̒ Eeya lotahuda mai odelei Musa, “Muli podutua mao̒ tunggudee Haruna totalu lo Bulua Daantia. Tunggudu boito musi tahuwola odelo poe̒ela ode taulo Isirai̒lu tamotohilaa momalakala boito deu̒ timongolio maamate wonu timongolio diila mohuheli mobiihu.”

YIA̒APO 9:15

Todulahee Kema lo Eeya pilopo tihulo, malo tuhutai heengo wau lohenggubeo̒ Kema boito. Tou̒ hui demola dimodupo heengo boito oontonga debo odelo tulu.

TINGULI 31:26

“Hamaawa mao̒ buku Butoo̒ lo Allahu Taa̒ala botie, wau podutua mao̒ to ambahu Bulua Daantia lo Eeya Allahu Taa̒ala limongoli, alihu debo woluo mota teto odelo ososakusi to bangusa boito.

TINGULI 4:13

Mola teto Tio lopo malalumu mai olemu wolo umusi pohutuo limongoli u moe̒elao̒ daantia u pilohutu-Lio mai woli mongoli. Mopuulo Palenta u matilula-Dio tobotu dulo pita boito musi pohutuo mao̒ limongoli.

IBRANI 9:4

Todelomo huwali leidaa̒ boito woluo mesba upilohutu lonto hulawa u pomobuwalo dupa, wau woluo olo Bulua Daantia u ngoa̒amilalo woluwolude wolo hulawa. Todelomo Bulua boito woluo ulongo hulawa tuatuanga roti maana, tunggudu lei Haruna umaa ilotumbingo, wau dulo pita botulei uitaatio tulatulade mopulo palenta monto Allahu Taa̒ala.

WAHI 15:8

Yi Bele lo Allahu Taa̒ala boito lopolu wolo poloo̒ lonto odudaa̒ wau kawasa lo Allahu Taa̒ala. Wau ngotilonggadu opitu baala udilelo lo opitu malai̒kati boito diipo lopulito, yi diaaluo penu boli ngotaa mao̒ tamoo̒ tuwoto ode delomo Bele lo Allahu Taa̒ala.