BOHULO MONGO OLONGIA 8:57 - KITABI HABARI MOPIOHE

⁵⁷ Pohileaala dua̒ Eeya Allahu Taa̒alanto pee̒-pee̒enta wolanto debo odelo Eeya pee̒-pee̒enta wolo loluuhurunto. Pohileaala dua̒ Eeya diila mololaa olanto.

BOHULO MONGO OLONGIA 8:57 ပူးပေါင်းရင်းမြစ်များ

BOHULO TAWARI 28:9

Lapatao̒ odelei Salomo, tei Dauda loloi̒ya mao̒, “Walau̒uu̒, patutilio Allahu Taa̒ala tahe tuboo liyamamu, akuwimu mao̒ odelo Allahu Taa̒alamu. Yio̒ musi motiwato to Eeya wolo hilaa ihilasi wau iloheela lohilao. Sababu otaawa lo Eeya ngoa̒amila pikiilangi wau otohilaa lo hilaanto. Wonu yio̒ mololohe to Eeya, Eeya maa odunggamu, bo wonu yio̒ mololaa mao̒ to Eeya, Eeya mamo potouli olemu u ohiheo-hiheolo mao̒.

JABURU 46:11

Tahudaa-Lio, “Pohuheliyalo mopaatea; ototai mao̒, Wau̒ botie Allahu Taa̒ala, Wau̒ udaa̒ towolota lo babaa-ngusawalo, udaa̒ to ngoilanggubu dunia.”

JABURU 46:7

Allahu Taa̒ala Moti bulonggodu, yi dunia moa̒antulu motoyopu; babaa-ngusawalo mogeegeri, yiyii-laidiyalo mololohubu.

YESAYA 41:10

Diila mao̒ oohe, sababu Wau̒ wolemu, diila mao̒ polawalo, sababu Wau̒ Allahu Taa̒alamu. Yio̒ mapoo̒o lotolu-U̒ wau tulungiya-U̒, deloo-U̒ wolo uluu̒uu̒-U̒ upolu-polutuo̒.

YESAYA 8:10

Pohutuwalo ranjana, bo ngoa̒amilalo madiila momata. Pohamaalo putuusani bo diila ohunalio, sababu Allahu Taa̒ala pee̒-pee̒enta wolaami.

MATIUSI 1:23

“Tadulahu ngota mao̒mbodaa̒ wau mopotutu mai talolai̒ kikiia̒ ngota. Tau̒kikiia̒ boito mau̒nteelio ‘Immanuel’.” (Immanuel bahasa lo Ibrani u bolilio mao̒, “Allahu Taa̒ala mai wolanto”).

MATIUSI 28:20

Ajaalia mao̒ timongolio modungohe ngoa̒amila u mapilo malenta-U̒ mai olimongoli. Wau eelai mao̒ Wau̒ malaito pee̒-pee̒enta woli mongoli demola pulito lojamani.” 116

ROMA 8:31

Wolo umowali loi̒yanto botia pasali lou̒ ngoa̒amilalo boito? Wonu Allahu Taa̒ala motiwambao̒ ode olanto, tatoonu tamowali moluwali olanto?

TINGULI 31:17

Wonu uito motoduo mai, omulukaa-U̒ mamo walihuhu toli mongolio. Timongolio matolaa-U̒ wau pobinasaa-U̒. Dadaata baala moo̒tihela hapato mamolemba olimongolio lapatao̒ timongolio mamongalati mao̒ deu̒ ngoa̒amila boito motoduo sababu Wau̒, Allahu Taa̒ala limongolio, diilalo pee̒-pee̒enta woli mongolio.

TINGULI 31:6

Mamusi timongoli ohilaa molotolo wau buheli! Diila mao̒ oohe toli mongolio, sababu Eeya Allahu Taa̒ala limongoli lohihilao tamaa motulungi mai olimongoli. Tio diila tamopo kikiio̒ hilao meaalo mololaa mao̒ olimongoli.”

TINGULI 31:8

Eeya lohihilao tamodelo wau motulungi mai olemu. Tio diila tamopo kikiio̒ hilao meaalo mololaa mao̒ olemu. Sababu uito diila mao̒ oohe meaalo molawalo.”

IBRANI 13:5

Diila mao̒ tutumulumu okawasa lou̒ motolia̒ngo todoi, bo mamusi timongoli olulia lohilao lou̒ wolo uwoluo toli mongoli. Sababu Allahu Taa̒ala malo tahuda, “Wau̒ diila tamo poluli meaalo mamololaa mao̒ olemu.”

YOSUA 1:5

Penu boli ngotaa mao̒ diaaluo tamambo mopoo̒laaheo̒ olemu, Yosua, ngotupa lo tutumulumu. Sababu Wau̒ malaito pee̒-pee̒enta wolemu debo odelo Wau̒ omoo̒omolu pee̒-pee̒enta wolei Musa.

YOSUA 1:9

Eelai mao̒, Wau̒ malo malentai olemu alihu yio̒ tio̒otutua yakini wau buheli! Diila mao̒ oohe meaalo diila botie o sumaangati, sababu Wau̒ Eeya Allahu Taa̒alamu pee̒-pee̒enta wolemu penu boli ode utoonu ponao̒wamu.”

YOSUA 24:23

“Wonu odito, yinggilalo ila-ila lo babaa-ngusawalo wewo u woluo toli mongoli boito,” ualei Yosua, “wau podantilo deu̒ timongoli matatapu wau molotolo hilao to Eeya, Allahu Taa̒ala lo Isirai̒lu.”

BOHULO SEMUEL 12:22

Eeya malotadia mai, deu̒ Tio diila tamololaa olimongoli sababu Tio malolantu mai u mopowali mao̒ olimongoli umati-Lio lohihilao.