BOHULO MONGO OLONGIA 8:51 - KITABI HABARI MOPIOHE

⁵¹ Timongolio yito umati lo Eeya lohihilao tamaa dilelo lo Eeya yilumualai lonto Masiri lipu tou̒toonu timongolio hesilii-kisaalio.

BOHULO MONGO OLONGIA 8:51 ပူးပေါင်းရင်းမြစ်များ

BOHULO MONGO OLONGIA 8:53

Eeya, yaa Eeya Allahu Taa̒ala, Eeya malo lulaotao̒ olimongolio towolota lo totoonulalo bangusa u lowali umati lo Eeya lohihilao, debo odelo u mapilo tahuda mai lo Eeya odeli mongolio lotimbulude to wato lo Eeya Musa, tou̒ Eeya lodelo loluuhuru lo mongowatotia yilumualao̒ lonto Masiri.”

OLUO TAWARI 6:39

yi monto biluloa̒ lo Eeya tosologa patutilio Eeya modungohei dua̒ limongolio wau momonu olimongolio. Ambungualo mai ngoa̒amila dusa umati lo Eeya botie.

NEHEMIA 1:10

Yaa Eeya, mongowatotia botie mongo wato lo Eeya umati lo Eeya lohihilao taa maa piloa̒ahu lo Eeya wolo kawasa wau olootolo Eeya upolu-polutuo̒.

JABURU 28:9

Poa̒ahuwalo mai umati lo Eeya, yaa Eeya, balakatialo tau-tauwalo miliki lo Eeya. Powalilo debo odelo ngotaalio loditi toli mongolio, wau dahailo timongolio u ohiheo-hiheolo mao̒.

YESAYA 48:10

Wau̒ motesi mai olemu todelomo tulu polodutolo, debo odelo talaa̒ pilobelesi todelomo tihengo tulu.

YESAYA 64:9

Oditolio diila mao̒ pomuluka wolo laba-labaalo, yaa Eeya, diilalo mao̒ toloe̒elai dusa lamiaatia; bilohilo mai amiaatia botie umati lo Eeya.

YEREMIA 11:4

Daantia boito mapilohutu-U̒ mai wolo loluuhuru limongolio tou̒ timongolio dilelo-U̒ yilumualai lonto Masiri, lipu debo odelo nalaka ode limongolio. Wau̒ lopoa̒hu olimongolio modungohe to Olau̒ wau moponao̒ totoonulalo u mapiloa̒hu-U̒ mai. Botia mapilo tahudaa-U̒ olo ode taulo Yehuda wau ulipu lo Yerusalemu deu̒ wonu timongolio modungohe to Olau̒, yi timongolio mamowali umati-U̒ wau Wau̒ Allahu Taa̒ala limongolio.

YEREMIA 51:19

Allahu Taa̒ala lei Yako diila debo odelo babaa-laahalaalo boito; Eeya tamoo-powalia totoonulalo u hitua-tuawua. Tanggu-Lio yito Eeya Taa Laba-labaalo kawasa; Eeya malo lulaoto Isirai̒lu lowali umati lo Eeya.

DANIALI 3:26

Lapatao̒ tei Nebukadnejar lohimbideo̒ huhebu tambati lotulu boito wau longiibodu, “Sadrakh, Mesakh wau Abednego, mongowato lo Allahu Taa̒ala Taa Laba-labaalo molanggato! Lualoolo mai monto tambati lotulu boito!” Yi maa yilumualai timongolio.

TINGULI 32:9

Bo wali mai lei Yako botie tilulaoto Eeya duo̒lo batanga-Lio lohihilao.

TINGULI 4:20

Bo timongoli yito bangusa tapilo aahu-Lio lonto Masiri, tambati limongoli helo dutolaa ulaba-labaalo. Timongoli dilelo-Lio mai yilumualao̒ lonto lipu boito, alihu mowali bangusaa-Lio masaatia botie.