BOHULO MONGO OLONGIA 8:47 - KITABI HABARI MOPIOHE

⁴⁷ pohileaala dua̒ Eeya modungohe dua̒ limongolio. Wonu bolo tolipu boito timongolio mololaa mao̒ duduu-sawaalo limongolio, wau modua̒ mola ode Eeya sambela motolongaku mao̒ deu̒ timongolio mailodusa wau helohutu u moleeto, ambunguolo dungohilo mai dua̒ limongolio, yaa Eeya.

BOHULO MONGO OLONGIA 8:47 ပူးပေါင်းရင်းမြစ်များ

BOHULO MONGO OLONGIA 8:33

Wonu bolo umati lo Eeya Isirai̒lu olaahe lo mumuu-suulio sababu timongolio ilodusa, tulusi timongolio muli mohualinga ode Eeya wau mohurumati to Eeya odelo Eeya, lapatao̒ monao̒ mai ode bele poi̒baadatialo botie wau modua̒ mola momolohone ambungu ode Eeya,

OLUO TAWARI 6:37

pohileaala dua̒ Eeya modungohe dua̒ limongolio. Wonu tolipu boito timongolio mamololaa mao̒ duduu-sawaalo limongolio, wau modua̒ mola ode Eeya lou̒ mongaku mola deu̒ timongolio mai̒lodusa wau helohutu u moleeto, ambunguolo dungohilo mai dua̒ limongolio boito, yaa Eeyaau̒.

JABURU 106:6

Mongowatotia mai̒lodusa debo odelo loluuhuru lo mongowatotia; mongowatotia malohutu u moleeto wau helomaahe palenta.

YEHESKIEL 16:61

Yio̒ mamoo̒ eela mola to ngoa̒amila huhutuumu wau molaasa moolito tou̒ mongo wutatumu muli powalingo-U̒ mai ode olemu. Timongolio mapowaliyo-U̒ mai debo odelo mongo walau̒mu, eleponu sua̒li boito diila leituwoto todelomo daantia-U̒ wolemu.

YEHESKIEL 16:63

Wau̒ mamomaa̒apu mai ngoa̒amila totalaamu, bo yio̒ diila tamowali molipatao̒ wau yio̒ mamolaasa moolito u moloi̒ya penu boli wolo wambai̒o. Wau̒ Eeya Taa Laba-labaalo molanggato malo tahuda mai.”

YEHESKIEL 18:28

Tio malo ngalati totoonulalo huhutuulio tulusi lohuheli lohutu dusa. Lou̒ odito tio diila taamate, bo debo tumutumulo.

HAGAI 1:7

Wolo timongoli diila mongalati, yilongola sua̒li boito lotoduo?

JAKARIA 10:9

Eleponu poloo̒opo-U̒ timongolio ode huungo babaa-ngusawalo, timongolio maadebo moe̒ela ola-U̒ mola teto. Timongolio mamoa̒ahu, odito olo mongo walai̒o wau mamo hualingo pee̒-pee̒enta ode lipulio.

JAKARIA 12:10

Lapatao̒ wali mai lei Dauda boli ulipu lo Yerusalemu mahiya-U̒ hilao u motohilaa motolia̒ngo wau motohilaa modua̒. Timongolio mamoo̒onto olio tamaa ngilamo limongolio wau hiliyongolio debo odelo taa lohiliyongao̒ opopate lo walai̒o bo tuwa-tuwaulo. Timongolio mahumoyongo wolo mooloolo daa̒, debo odelo taa u mai̒loolia lowalao̒ tamohuhula daa̒.

BOHULO SEMUEL 7:6

Lapatao̒ malo ambuwa timongolio ngoa̒amila to Mispa. Timongolio helo luuntu taluhu tulusi loluangao̒ odelo podewo ode Eeya, lapatao̒ timongolio lopuasa ngohilayao̒ dulahee boito. Uali mongolio, “Amiaatia mailodusa to Eeya.” (To Mispa boito tei Semuel malo poo̒lapato ngoa̒amila palakala hulinggila taulo Isirai̒lu.)