BOHULO MONGO OLONGIA 8:34 - KITABI HABARI MOPIOHE

³⁴ pohileaala dua̒ Eeya modungohe olimongolio tosologa. Pohileaala dua̒ Eeya mongambungu mai dusa umati lo Eeya botie, wau modelo olimongolio muli mohualinga ode lipu u mailudu mai lo Eeya ode loluuhuru limongolio.

BOHULO MONGO OLONGIA 8:34 ပူးပေါင်းရင်းမြစ်များ

ILOOWALI 13:15

Mawohi-U̒ mai olemu wau ode waliimu mola ngoa̒amila huta u iloontongamu boito alihu mowali hakuumu ohiheo-hiheolo mao̒.

BOHULO MONGO OLONGIA 8:33

Wonu bolo umati lo Eeya Isirai̒lu olaahe lo mumuu-suulio sababu timongolio ilodusa, tulusi timongolio muli mohualinga ode Eeya wau mohurumati to Eeya odelo Eeya, lapatao̒ monao̒ mai ode bele poi̒baadatialo botie wau modua̒ mola momolohone ambungu ode Eeya,

BOHULO MONGO OLONGIA 8:35

Wonu bolo umati lo Eeya ilodusa to Eeya wau Eeya mohukuumani mai olimongolio wolo diila mopo tuhutai didi, lapatao̒ timongolio molilihu monto dusa limongolio wau mohurumati to Eeya odelo Eeya, tulusi motitalu mai ode bele poi̒baadatialo botie wau modua̒ mola ode Eeya,

JABURU 106:46

Eeya lohutu mai olimongolio tilolia̒ngo lo ngoa̒amila taa u lolawala olimongolio.

JABURU 106:47

Poa̒ahuwalo mai mongowatotia, yaa Eeya Allahu Taa̒ala lo mongowatotia, ambuwalo mongowatotia monto wolota babaa-ngusawalo, alihu mongowatotia moo̒sukuru wau momuji mola tanggulo Eeya u mantali.

JABURU 85:2

Eeya motuhatawa tohuta lo Eeya, yaa Eeya, owowoluwoa lo Isirai̒lu mapilo ponguli lo Eeya.

PILOTIMUA̒TA 6:8

Ngoa̒amila tahuli lo Eeya boito pilopo tunggulao̒ lei Musa ode bangusa lo Isirai̒lu, bo timongolio diila mohuto momandungi olei Musa, sababu polowato udiila omanusia boito malohutu olimongolio heilooli halapani.

YEREMIA 31:27

Wau̒, Eeya, motahuda mai deu̒ mamei dungga wakutuulio lipu lo Isirai̒lu wau Yehuda poo̒o-poluwo-U̒ wolo manusia wau binatangi.

YEREMIA 32:37

Wau̒ mamongambu mai bangusa botie monto totoonulalo lipu tambati limongolio pilopo bubuua̒laa-U̒ sababu omulukaa-U̒ daa̒ olimongolio. Timongolio mamuli deloo-U̒ mai ode tambati botie wau motibiluloa̒ tewe wolo aamani.

DANIALI 9:12

Eeya lohutu mai tiluhaata debo odelo u mapilo danti mai lo Eeya ode mongowatotia wau ode tahi kawasawa lo mongowatotia. Yerusalemu maa hilukuumani lo Eeya lebe moo̒ohuu̒ wolo kota penu boli tou̒toonu todunia botie.

DANIALI 9:19

Oo Eeya, dungohilo mai mongowatotia, wau ambungua mai mongowatotia, poo̒tuota mai mongowatotia wau hua̒a pohutualo mai! Diila mao̒ pohiiheo, alihu otaawa lotaa ngoa̒amila deu̒ Eeyaalo Allahu Taa̒ala. Sababu Yerusalemu wau umati lo Eeya yito miliki lo Eeya utolo-tolomodu.”

DANIALI 9:25

Tuladeelo wau pahamualo utie: Poo̒opitu piu̒wa pitu lotaunu mola mamopaluto, tumulalo mai tou̒ yilualio palenta u muli momongu Yerusalemu, tunggula meidungga mai ngotaalio tau̒wa tatulaoto lo Allahu Taa̒ala. Ngotilonggadu poo̒opitu piu̒wa wolomo pulaa dulo taunu mola dadaa-lalaala wau bibii-ntengiyalo lo Yerusalemu mamuli bongulolo, bo tou̒ boito polupolu lou̒ suukali.

AMOS 7:2

Bubuu-litaalo boito ngopee̒ lopoo̒pulita ngoa̒amila pipii-lomuwalo tohuta. Lapatao̒ watia loloi̒ya, “Eeya Taa Laba-labaalo molanggato, ambungualo mai umati lo Eeya! Timongolio odito kikiio̒ wau molulupuhu, diila pongalo aakali timongolio moo̒ taahangi?”

TINGULI 30:1

“Botia timongoli mowali molulaotao̒ towolota lobalakati wau laa̒anati debo odelo u tilombangai lowatia ode limongoli. Wonu timongoli maloo̒laasa ngoa̒amila polodutolo boito wau tumumula towolota lo babaa-ngusawalo deli tambati limongoli pilopo bubuu-ayaawa lo Eeya Allahu Taa̒ala limongoli, yi timongoli mamoe̒ela mola to tulaoto uilohi mai lowatia olimongoli.

TINGULI 30:4

Eleponu timongoli mopulepe penu boli ode utoonulalo mao̒ to ngoilanggubu dunia, Eeya Allahu Taa̒ala limongoli mamongambu olimongoli wau muli modelo olimongoli.

YOSUA 21:43

Odi-odieelo mola Eeya helongohi mai ode umati lo Isirai̒lu ngoilanggubu huta u mapilo danti-Lio wolo tadia odeli nenemoya limongolio. Lapatao̒ lotihuloa̒ao̒ tolipu boito, umati lo Isirai̒lu malo titatapu mola teto.