BOHULO MONGO OLONGIA 8:3 - KITABI HABARI MOPIOHE

³ Tou̒ ngoa̒amila tau̒wa boito lotia̒mbu mai, yi mongo iimamu malo mintaa̒a Bulua Daantia boito,

BOHULO MONGO OLONGIA 8:3 ပူးပေါင်းရင်းမြစ်များ

OLUO LO SAMUEL 6:12

Tei Dauda loo̒dungohe deu̒ Eeya helo balakati mai ngaalaa̒ lei Obed-Edom wau tilolahepaalo milikiilio sababu Bulua Daantia boito. Yi tio malonao̒ ode bele lei Obed-Edom, wau lohama Bulua boito lopo limbatao̒ ode Yerusalemu wolo lameyangi daa̒.

BOHULO MONGO OLONGIA 8:6

Lapatao̒ uito mongo iimamu malodelo Bulua Daantia boito ode delomo Bele lo Eeya wau lopodutu mao̒ towalungo bubuu-iyaalo malaikati opolipio̒ todelomo Huwali Leidaa̒ Laba-labaalo mantali.

BOHULO TAWARI 15:2

Tei Dauda loloi̒ya mao̒, “Bo taulo Lewi tamowali momintaa̒a Bulua Daantia lo Eeya, sababu timongoliolo tatilulaoto Eeya u momota Bulua boito wau motiwato to o-Lio u ohiheo-hiheolo mao̒.”

YIA̒APO 4:15

Eeya lotahuda odelei Musa wolei Haruna, “Tou̒ timongoli momonggari mao̒ kema, tei Haruna wau mongo walai̒o musi tumuwotao̒ ode delomo Kema-U̒ wau molau̒beo̒ ngoa̒amila balangi wau powimumuto uwoluo mota teto. Bolo lapatao̒ uito, tau-tauwalo Kehat mowali monao̒ mai momota mao̒. Bo timongolio diila mowali momilohe, mohimbideo̒ meaalo modedeta babaa-langiyalo boito, sababu mapilohetu ode ola-U̒. Wonu timongolio debo mohutu mao̒, timongolio maamate. Oditolio, alihu tau-tauwalo Kehat diila mao̒ oluluta monto suku Lewi, tei Haruna wau mongo walai̒o musi mongohi mao̒ tuugasi ngota-ngota towolota limongolio wolo umusi deloo limongolio. Ui-uitolo tuugasi taulo Kehat tou̒ Kema-U̒ polimbatolo. Tei Eleajar, walae̒e Haruna, tatihu-tihula to ngoilanggubu lo Kema-U̒, winulo tohe, totabu, bake lopale u pohinta tatapu, winulo upacala wau ngoa̒amila uwoluo todelomo Kema-U̒.”

YIA̒APO 7:9

Bo tau-tauwalo Kehat diila mololimo goroba meaalo sapi monto olei Musa, sababu babaa-langiyalo mantali umowali tihula limongolio, musi potaa limongolio toitaato bingungo.

TINGULI 31:9

Lapatao̒ tei Musa loluladeo̒ butoo̒ lo Eeya Allahu Taa̒ala wau yilohilio ode mongo iimamu lo Lewi tatiluugasia u mongulusi Bulua Daantia, wau ode mongo tau̒wa lo Isirai̒lu.

YOSUA 3:3

wau helongohi mao̒ palenta botie ode umati lo Isirai̒lu, “Wonu bolo timongoli moo̒onto mongo iimamu potapotaa Bulua Daantia lo Eeya Allahu Taa̒ala limongoli, mamusi timongoli momonggato mololaa mao̒ tambati pilo tikemawa botie. Dudui̒ilo Bulua boito,

YOSUA 3:6

Lapatao̒ tei Yosua lomalentao̒ tomongo iimamu alihu momintao̒ Bulua Daantia boito tulusi momonggato motimulo wolo umati lo Isirai̒lu. Timongolio olo helo ponao̒ palenta lei Yosua boito.

YOSUA 4:9

To huungo Yordan boito olo, tei Yosua helo powudu mao̒ botu mopulaa duluo boito pasipasi totambati pilotihulaa lomongo iimamu tahi potaala Bulua Daantia boito. (Boboo-tuwaalo boito donggo woluo mota teto tunggula botia.)

YOSUA 6:6

Yi tei Yosua lotiangai tomongo iimamu, wau loloi̒ya mao̒, “Bintaa̒alo Bulua Daantia boito; pitulota towolota limongoli musi monao̒ totalulio sambela hideloa torompeti.”