BOHULO MONGO OLONGIA 8:27 - KITABI HABARI MOPIOHE

²⁷ Bo, Yaa Allahu Taa̒ala, ambunguolo tingga otutu Eeya ohilaa motibiluloa̒ todunia botie? Penu boli hulungo ngoilanggubulo mao̒ diila tuheeto tanggalio ode Eeya, tidiyolo mao̒ bele poi̒baadatiala u bilongu lowatotia botie!

BOHULO MONGO OLONGIA 8:27 ပူးပေါင်းရင်းမြစ်များ

OLUO TAWARI 2:5

Otohilaa lowatia alihu Bele lo Eeya u mabongulo lowatia boito debo odelo bele uleidaa̒, sababu Allahu Taa̒ala lamiaatia lebe mao̒ udaa wolo ila u penuboli to utoonulalo mao̒.

OLUO TAWARI 2:6

Bo tutuulio tutu diaaluo penu boli ngotaa mao̒ tamambo momongu bele ode Allahu Taa̒ala, sababu ngoilanggubu baangio daa̒ diila tuheto udaa̒alio u mowali tambati potibiluloa̒-Lio. Oditolio, Bele lo Eeya u mowali bongulo mao̒ laatia boito ngoi̒dilio bo tambati u pomobuwalo dupa ode Allahu Taa̒ala!

OLUO TAWARI 6:18

Bo, yaa Allahu Taa̒ala, wolo otutuulo mao̒ Eeya motibiluloa̒ todunia botie towolota lomanusia? Hulungo ngoilanggubulo mao̒ diila tuheeto luasilio ode Eeya, tidiyolo mao̒ bele poi̒baadatiala u bilongu lowatotia botie!

JABURU 113:4

Eeya okawasa to ngoilanggubu bangusa, odudaa̒ lo Eeya mongilaboto hulungo.

JABURU 148:4

Pujiaalo mola Eeya, wuu hulungo u laba-labaalo molanggato, pujiaalo mola Eeya, wuu taluhu toitaato hulungo!

JABURU 68:33

Polahuwalo mola ode Allahu Taa̒ala, wuu ngoa̒amila yiladia, polahuwalo mola puji poloi̒laalo momuji ode Eeya,

YESAYA 66:1

Eeya lotahuda mai, “Hulungo yito tambati huhuloa̒a-U̒, wau dunia potidutaa̒ lo oa̒atu-U̒. Oditolio bele debo odelo woloolo mola u ohilaa bongulomu ola-U̒, wau tambati woloolo mola u potihulomu mowali potibiluloa̒a-U̒?

YEREMIA 23:24

Diaaluo penu boli ngotaa mao̒ tamowali moluuo̒ batangalio monto bibilohu-U̒, sababu Wau̒ woluo penu boli tou̒toonu: tosologa wau todunia.

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

WUNGGULI LOMONGO RASULU 17:24

Allahu Taa̒ala tamalo powali mai dunia botie wolo totoonulalo tuangio, Tiolo Eeya lohulungo wau dunia. Tio diila bilu-biluloa̒ todelomo bebee-leyaalo lobui̒ u pilohutu lomanusia.

2 KORINTUS 12:2

Otaawa lowatia taulo Nasara ngota tou̒ mopulaa pato lotaunu yilalu mao̒ bilinta-I̒o ode tambati pulito langgatio tosologa. (Diila otaawa lowatia wolo batangalio otu-otutuulo mao̒ leibintaa̒ mola meaalo uito bo tuwaulio lobibilohu – Allahu Taa̒ala wambao̒ tamotota.)

2 KORINTUS 6:16

Wolo wumbutalio towolota Bele lo Eeya wolo bele lo balaahala? Ito botie Bele lo Eeya, deu̒ito-yito Allahu Taa̒ala tatumu-tumulo. Allahu Taa̒ala lohihilao lotahuda, “Wau̒ mamo tibiluloa̒ tohuungi mongolio, wau tumumulo pee̒-pee̒enta woli mongolio. Wau̒ mamowali Allahu Taa̒ala limongolio, wau timongolio mamowali umati-U̒.

TINGULI 10:14

Eeya Allahu Taa̒ala limongoli motolo miliki hulungo ulaba-labaalo molanggato; dunia olo milikii-Lio wolo totoonulalo uwoluo toitaatio.

1 YAHYA 3:1

Bilohi mao̒ malo odito ponu lo Allahu Taa̒ala olanto, tilinggula ito ilaku-Lio odelo mongo wala-I̒o. Wau memangi ito yito mongo walao̒ Allahu Taa̒ala. Uitolo sababuulio dunia u moleeto botie diila motota olanto, sababu dunia diila motota lo Allahu Taa̒ala.