BOHULO MONGO OLONGIA 8:24 - KITABI HABARI MOPIOHE

²⁴ Eeya malo eelai danti lo Eeya odeliyamo lowatotia Dauda. Wolo u pilodanti mai lo Eeya boito mapilo ponao̒ lowatotia todulahee botie.

BOHULO MONGO OLONGIA 8:24 ပူးပေါင်းရင်းမြစ်များ

OLUO LO SAMUEL 7:12

De, wonu mamei dungga opopatemu, wau yio̒ lobungo to pilolobungalio loluuhurumu, yi ngotaalio monto walau̒mu talolai̒ mapuduo̒-U̒ mowali olongia. Tiolo tamaa mopotihulao̒ bele ola-U̒. Yilaidialio mapoo̒ toheeto-U̒ wau u ohiheo-hiheolo mao̒ ngotaalio lo waliilio mola mamo malenta odelo olongia.

OLUO LO SAMUEL 7:16

Yio̒ malaito o wali mola, wau Wau̒ mamohutu mai yilaidiamu motaahangia ohihieo-hiheolo mao̒. U ohihieo-hiheolo mao̒ ngotaalio monto walimu mola mamomalenta odelo olongia.’ ”

BOHULO MONGO OLONGIA 8:15

Tio loloi̒ya, “Muloololio mai Eeya malodanti ode liyamo watotia Dauda odie, ‘Anggadu Wau̒ lodelo umati-U̒ yilumualao̒ lonto Masiri diaaluo penu boli tuwau mao̒ kota u tilulaotu-U̒ lowali tambati tou̒toonu u musi pomongulalo bele duo̒lo tambati poi̒baadatiala ola-U̒. Bo yio̒, Dauda, tilulaotu-U̒ u mopoa̒hu mao̒ umati-U̒.’ Ilopujialo mola Eeya Allahu Taa̒ala lo Isirai̒lu tamalo eelai danti-Lio boito!”

BOHULO MONGO OLONGIA 8:23

wau lodua̒, “Yaa Eeya, Allahu Taa̒ala lo Isirai̒lu! To hulungo meaambo todunia diaaluo tadebo odelo Eeya! Eeya loe̒elai danti lo Eeya wau helo poi̒laalo ponu lo Eeya ode umati lo Eeya tadebo molotolo hilao wau modungohe wolo lealeaatu lohilao to Eeya.

BOHULO MONGO OLONGIA 8:25

Eeya olo malodanti mai oliyamo lo watotia deu̒ wonu waliilio mola tio̒otutua modungohe to Eeya debo odelo tio, yi mawoluo mai laito ngotaalio monto waliilio tamowali olongia to Isirai̒lu. Botia, yaa Eeya Allahu Taa̒ala lo Isirai̒lu, ambunguolo eelailo mai olo ngoa̒amila u mapilo danti lo Eeya odeliyamo lo watotia Dauda, wato lo Eeya boito.

JABURU 138:2

Watotia mosujudu ode ambahu Bele lo Eeya u mantali sambela momuji mola tanggulo Eeya, sababu Eeya tatapu wau molotolo hilao wau laito momonu. Eeya lebe mopou̒daa̒ danti lo Eeya wolo huhaama lotau pasali batanga lo Eeya.

YOSUA 21:45

Eeya moe̒elai timii̒du danti-Lio to umati lo Isirai̒lu; diaaluo penu boli tuwau mao̒ udiila ileelaa-Lio mai.

MONGO HAKIMU 13:11

Tei Manoah hua̒a lodudua̒a to dilelio. Tio lohimbideo̒ tau boito wau lohintu mao̒, “Mati Tuani talodelo mai habari ode dile lowatia?” “Otutu,” tametio mao̒.