BOHULO MONGO OLONGIA 8:23 - KITABI HABARI MOPIOHE

²³ wau lodua̒, “Yaa Eeya, Allahu Taa̒ala lo Isirai̒lu! To hulungo meaambo todunia diaaluo tadebo odelo Eeya! Eeya loe̒elai danti lo Eeya wau helo poi̒laalo ponu lo Eeya ode umati lo Eeya tadebo molotolo hilao wau modungohe wolo lealeaatu lohilao to Eeya.

BOHULO MONGO OLONGIA 8:23 ပူးပေါင်းရင်းမြစ်များ

ILOOWALI 17:1

Tou̒ tei Abram o umulu tio lopulaa tio lotaunu, Eeya lopo bilohei batanga-Lio wau lotahuda, “Wau̒lo Allahu Taa̒ala Taa Laba-labaalo kawasa. Podungohulo ola-U̒ wau pohutua mao̒ kahandaki-U̒ laito.

ILOOWALI 33:20

Lapatao̒ tio malo potihulo mesba mota teto wau longunte mao̒ “El, Allahu Taa̒ala lo Isirai̒lu”.

OLUO LO SAMUEL 7:22

Eeya otutu udaa̒, yaa Eeya Allahu Taa̒ala! Bo Eeyaalo Allahu Taa̒ala, diaaluo tamo tutuuwauwa wolo Eeya. Aambunguolo otaawa lo mongowatotia sua̒li boito sababu mapiloo̒taa mai lo Eeya anggadu muloololio mai.

BOHULO MONGO OLONGIA 2:4

Wonu yio̒ modungohe to Eeya, yi Eeya mamoe̒elai danti-Lio deu̒ waliiu̒ mola mamo malenta Isirai̒lu, asali timongolio wolo lealeaatu lohilao wau yiwa lealeaatu laito tatapu wau molotolo hilao modungohe totoonulalo palenta lo Eeya.

BOHULO MONGO OLONGIA 3:6

Tei Salomo malo lameto, “Yaa Eeya, Eeya malo pobilohei batanga deu̒ Eeya momonu daa̒ tiyamo lo watotia, Dauda, wato lo Eeya boito. Tio mopiohe, juujulu wau tatapu molotolo hilao to Eeya. Wau odelo pongakuwalo u wumbutio mola Eeya debo momonu olio. Eeya longohi mai olio walao̒ talolai̒ ngota u masaatia hemomalenta lobuulota wolio.

BOHULO MONGO OLONGIA 6:12

“Wonu yio̒ modungoheo̒ ngoa̒amila butoo̒ wau palentaa-U̒, yi Wau̒ mamopohutu mai olemu wolo umapilo danti-U̒ ode liyamamu Dauda.

BOHULO MONGO OLONGIA 8:24

Eeya malo eelai danti lo Eeya odeliyamo lowatotia Dauda. Wolo u pilodanti mai lo Eeya boito mapilo ponao̒ lowatotia todulahee botie.

OLUO MONGO OLONGIA 20:3

“Yaa Eeya, ambunguolo eelailo mai deu̒ watotia botie malo tiwato ode Eeya wolo tatapu wau molotolo hilao wau tio̒otutua belesi lohilao. Watotia laito hemo tolopani modudua̒ otohilaa lo Eeya.” Lapatao̒ tei Hiskia hilumoyongo wolo suukali lohilao.

ESRA 1:3

Pohileaala dua̒ Allahu Taa̒ala moduo̒lai olimongoli ngoa̒amilalo talowali umati-Lio. Timongoli musi mohualinga mola ode Yerusalemu wau muli momongu mao̒ Bele lo Eeya, Allahu Taa̒ala lo Isirai̒lu, Allahu Taa̒ala tabilu-biluloa̒ to Yerusalemu.

NEHEMIA 1:5

“Yaa Eeya Allahu Taa̒ala takawa-kawasa tosologa. Eeya Allahu Taa̒ala taa Udaa̒ wau mongo watotia motitalu ode Eeya wolo lealeaatu rasa woohe. Eeya debo molotolo hilao wau hemodihu danti lo Eeya totaa u motolia̒nga to Eeya wau modungohe palenta lo Eeya.

NEHEMIA 9:32

Yaa Allahu Taa̒ala, Allahu Taa̒ala lo mongowatotia tamolotolo! Allahu Taa̒ala taa udaa̒ wau laba-labaalo! Wolo tatapu wau molotolo hilao dilihuma lo Eeya dadaanti; totoonulalo danti lo Eeya piloo̒polu mai lo Eeya wau piloponao̒ lo Eeya. Tumulalo mai mongo olongia lo Asyur helodeehe olo mongowatotia demai botia, sikisaa u helo toduo mai to mongowatotia. Mongo olongia lo mongowatotia, iimamu, nabi wau tahimuloa lo ulipu, olo loluuhuru wau ulipu, masilikisa ngoa̒amila. Ambunguolo diila mao̒ lipata totoonulalo sikisa boito! Ambunguolo diila mao̒ poo̒olia monto pikiilangi lo Eeya!

JABURU 113:5

Tatoonu tadebo odelo Eeya Allahu Taa̒alanto? Eeya totambati huhuloa̒ li olongia ulailaio̒.

JABURU 35:10

Wolo lealeaatu lohilao watotia moloi̒ya, “Yaa Eeya, Eeya diila o bandingilio! Eeya lolopatai tamo lulupuhu monto tamolotolo, tamosikini wau dutodutolo monto tamoodehea olio.”

JABURU 86:8

Yaa Eeya, diaaluo pujaaa̒ni debo odelo Eeya, diaaluo tamohutu wolo u pilohutu mai lo Eeya.

PILOTIMUA̒TA 15:11

Allahu Taa̒ala toonu tamowali mongilabotao̒ ole-Mu, yaa Eeya Taa Laba-labaalo molamahu wau mantali? Tatoonu tamowali mohutu u momoo̒-linggolabeyalo wau huhutu leidaa̒ debo odelo Eeya?

PILOTIMUA̒TA 3:15

Pohabaria mao̒ olimongolio olo deu̒ Wau̒, Eeya, Allahu Taa̒ala nenemoya limongolio, Allahu Taa̒ala lei Abraham, Isihaka wolei Yako, talolao olemu ode limongolio. Wau̒lo Eeya, ui-uitolo tanggulu-U̒ u ohiheo-hiheolo mao̒. Ui-uitolo tanggulu-U̒ duo̒lo ngoa̒amila bangusa wawaalia mola.

YESAYA 40:18

Oditolio wolo tatoonu yio̒ ohilaa mopo tutuuwauwa Allahu Taa̒ala? Tatoonu tolantobumu mohumayawa wolo Eeya?

YESAYA 40:25

Tatoonu talontobumu mohumayawa wolo Allahu Taa̒ala Taa Laba-labaalo mantali? Wolo tatoonu yio̒ ohilaa mopo tutuuwauwa to Eeya?

YEREMIA 10:16

Allahu Taa̒ala lei Yako diila debo odelo babaa-laahalaalo boito; Eeya talopowali mai totoonulalo u hitua-tuawua. Tanggu-Lio yito Eeya Taa Laba-labaalo kawasa; Eeya malo lulaotai Isirai̒lu lowali umati-Lio.

YEREMIA 10:6

Eeya tamolamahu, Eeya diila obandingilio, tanggulo Eeya udaa̒ wau polupolu lo kawasa.

DANIALI 9:4

Totoonulalo dusa lobangusa lowatia hei̒laku lowatia to Eeya Allahu Taa̒ala lowatia. Loi̒ya lowatia, “Eeya Allahu Taa̒ala, Eeya udaa̒, wau mongowatotia mohulumati to Eeya. Eeya laito moe̒ela mai daantia lo Eeya wau hemo pobilohei ponu lo Eeya udiila opulitio ode limongolio tamo tolia̒nga to Eeya wau hemohutu wolo u pomalentai lo Eeya.

LUKASI 1:72

U mopobilohei omura lohilaa-Lio ode loluhurunto, danti-Lio u mantali boito mapomataa-Lio mai.

TINGULI 7:12

“Wonu timongoli mopoo̒tuoto totoonulalo palenta boito, wau mohutu mao̒ wolo tatapu wau molotolo hilao, yi Eeya Allahu Taa̒ala limongoli olo matatapu wau molotolo hilao to daantia u pilohutu-Lio mai woli mongoli. Tio mamopo bilohei ponu-Lio utatapu olimongoli, debo odelo u pilodanti-Lio mai ode loluuhuru limongoli.

TINGULI 7:9

Eelai mao̒ deu̒ Eeya Allahu Taa̒ala limongoli yito tatuwa-tuwaulo Allahu Taa̒ala, wau Tio Allahu Taa̒ala utatapu wau molotolo hilao. Eeya mopoo̒polu dantilio wau mopobilohei ponu-Lio utatapu tunggula ngolihu mola wali ode taa u motolia̒nga o-Lio wau modungohe totoonulalo palentaa-Lio.

BOHULO SEMUEL 2:2

Diaaluo tamantali debo odelo Eeya! Bo Tio tamowali mongohi mai poloduo̒lo.