BOHULO MONGO OLONGIA 8:20 - KITABI HABARI MOPIOHE

²⁰ Botia Eeya malo eelai danti-Lio. Wau̒ malowali olongia lo Isirai̒lu lobuulota woliyamau̒, wau wau̒ malo mongu bele ode tambati poi̒baadatiyala ode Eeya, Allahu Taa̒ala lo Isirai̒lu.

BOHULO MONGO OLONGIA 8:20 ပူးပေါင်းရင်းမြစ်များ

OLUO LO SAMUEL 7:12

De, wonu mamei dungga opopatemu, wau yio̒ lobungo to pilolobungalio loluuhurumu, yi ngotaalio monto walau̒mu talolai̒ mapuduo̒-U̒ mowali olongia. Tiolo tamaa mopotihulao̒ bele ola-U̒. Yilaidialio mapoo̒ toheeto-U̒ wau u ohiheo-hiheolo mao̒ ngotaalio lo waliilio mola mamo malenta odelo olongia.

BOHULO MONGO OLONGIA 1:48

wau lodua̒, ‘Ilopujialo mola Eeya, yaa Eeya, Allahu Taa̒ala tahe tuboo umati lo Isirai̒lu. Todulahee botie ngotaalio lowali mai lowatotia mapiluduo̒ lowatotia lowali olongia lobuulota wolo watotia. Wau Eeya malo poluasi mai olo watotia tilumumulo u losakusi mao̒ olio!’ ”

BOHULO MONGO OLONGIA 8:15

Tio loloi̒ya, “Muloololio mai Eeya malodanti ode liyamo watotia Dauda odie, ‘Anggadu Wau̒ lodelo umati-U̒ yilumualao̒ lonto Masiri diaaluo penu boli tuwau mao̒ kota u tilulaotu-U̒ lowali tambati tou̒toonu u musi pomongulalo bele duo̒lo tambati poi̒baadatiala ola-U̒. Bo yio̒, Dauda, tilulaotu-U̒ u mopoa̒hu mao̒ umati-U̒.’ Ilopujialo mola Eeya Allahu Taa̒ala lo Isirai̒lu tamalo eelai danti-Lio boito!”

NEHEMIA 9:8

Ilodungga lo Eeya tio tatapu wau molotolo lo hilao to Eeya wau modungohu. Lapatao̒ pilohutu mai lo Eeya wolio daantia u mototoheto. Huta lo Kanaa̒n, Het wau Amori, huta lo Perisi, Yebus wau Girgasi, ngoa̒amila boito mawohi mai lo Eeya olio; odelo tambati potibiluloa̒ lo ngoilanggubu waliilio mai. Lapatao̒ piloo̒polu mai lo Eeya, danti boito to olio, sababu Eeya aadili wau tatapu wau molotolo hilao.

JABURU 138:2

Watotia mosujudu ode ambahu Bele lo Eeya u mantali sambela momuji mola tanggulo Eeya, sababu Eeya tatapu wau molotolo hilao wau laito momonu. Eeya lebe mopou̒daa̒ danti lo Eeya wolo huhaama lotau pasali batanga lo Eeya.

YESAYA 9:7

Eeya malo podehu mai hukumani to yilaidia lo Isirai̒lu.

YEHESKIEL 12:25

Wau̒, Eeya Taa Laba-labaalo molanggato mamotahuda mai ode bangusa lo Isirai̒lu, wau ngoa̒amila u potahuda-U̒ mai tantuulo mao̒ mamotoduo, lou̒ diilalo lohu-lohuduolo. Dungohilo, wuu kaumu tamoo-malakalawa! To maasa lo tutumulumu maponao̒o-U̒ ngoa̒amila u pomalenta-U̒ mai olemu. Wau̒, Eeya Taa Laba-labaalo molanggato malo tahuda mai.”

YEHESKIEL 37:14

Wau̒ mamopo hiipao̒ napasi ode delomo wawaai̒ mongolio u mopotumulai olimongolio, lapatao̒ timongolio poluasiyo-U̒ motibiluloa̒ to lipulio lohihilao. Yi otaawalo limongolio deu̒ Wau̒ulo Eeya. Wau̒ Eeya malo tahuda mai wau tantuulo maponao̒ mao̒.”

MIKHA 7:20

Ode umati lo Eeya, wali mai lei Abraham wolei Yako, Eeya mamo pobilohei otatapu wau olootolo hilao lo Eeya wau ponu lo Eeya udiila eenggadelio boito debo odelo u pilodanti mai lo Eeya ode loluuhuru lo mongowatotia muloololio daa̒.

WUNGGULI LOMONGO RASULU 7:47

Bo tei Salomoolo tama lomongu bele lo Allahu Taa̒ala.

ROMA 4:21

Tio palacaya daa̒ deu̒ Allahu Taa̒ala mowali mohutu wolo umapilo dantia-Lio mai.

PILIPI 1:6

Allahu Taa̒ala lohihilao talo lumula kalaja u mopiohe boito olimongoli, wau watia yakini Tio mamopo tolonga mola kalaja boito dilumutu aahua todulahee ti Isa Almasi muli meidungga mai.

YOSUA 21:45

Eeya moe̒elai timii̒du danti-Lio to umati lo Isirai̒lu; diaaluo penu boli tuwau mao̒ udiila ileelaa-Lio mai.