BOHULO MONGO OLONGIA 8:12 - KITABI HABARI MOPIOHE

¹² Oditolio malodua̒ mola tei Salomo, ualio mao̒, “Eeyaalo talo potambati mato lodulahu tohulungo, yaa Eeya. Bo Eeya lebe ohilaa motibiluloa̒ todelomo odio̒lomo heengo.

BOHULO MONGO OLONGIA 8:12 ပူးပေါင်းရင်းမြစ်များ

OLUO LO SAMUEL 22:10

Hulungo bilutao̒ Eeya, lapatao̒ lotuhutoolo mai Eeya, wolo heengo modio̒lomo to walungo oa̒ato lo Eeya.

BOHULO MONGO OLONGIA 8:11

Heengo boito hei̒nta-intaawa lo odudaa̒ owoluo lo Eeya tilinggula mongo iimamu boito diilalo loo̒ tuwotao̒ u loponao̒ lotuugasi limongolio.

NEHEMIA 8:5

Tomele tambati lei Esra tihutihula boito lebe molanggatao̒ wolo tau-tauwalo boito, tilinggula timongolio ngoa̒amila loo̒onto olio. Lolamemetao̒ tio lomuo̒ mola buku boito, timongolio ngoa̒amila tilimihulo.

JABURU 97:2

Eeya pilalita lo heengo wau u modio̒lomo; ua̒adili wau butoo̒ yito wapidu lo pamalentaa-Lio.

PILOTIMUA̒TA 20:21

Bo tau-tauwalo boito debo hitihula helo tilaminga mota, wau bo tei Musa wambao̒ talo himbideo̒ heengo modio̒lomo totambati owoluwo lo Allahu Taa̒ala.

YESAYA 45:15

Allahu Taa̒ala tamopoa̒ahu mai Isirai̒lu yito Allahu Taa̒ala tamoluuo̒ batanga.

IMAAMATI 16:2

tahudaa-Lio, “Potunggula mao̒ odelei Haruna wutatumu, deu̒ bo tou̒ wakutu utantu-tantu tio mowali tumuwotao̒ ode Huwali Leidaa̒ Laba Mantali ubilua̒ lopodehu, sababu teteetolo Wau̒ mamopo bilohei batanga-U̒ todelomo heengo toitaato tau̒bu lo Bulua Daantia. Wonu tei Haruna molambanga palenta boito, yi tio maamate.

TINGULI 4:11

Wunggulia mao̒ ode mongo walai̒ mongoli woloolo mola timongoli lonao̒ mai wau tilimihula tobungo lohui̒dee u yilanggubei lopoloo̒ modio̒lomo debo odelo heengo mohulodu wau tululio lei̒-lei̒ita demola hulungo.

TINGULI 5:22

Ui-uitolo palenta uilohi mai lo Eeya ode limongoli tou̒ timongoli hia̒mbua tohui̒dee. Tou̒ Tio lotahuda mai wolo suala lobulonggodu lonto tulu wau heengo u mohulodu, Tio longohi mai papaa-lentawalo boito, wau diila taweewo. Lapatao̒ Tio loluladeo̒ tobotulei dulo pita wau longohi mai ode olau̒.”

IBRANI 12:18

Mongo wutato diila mai motaalua lou̒ hitua-tuawua debo odelo utilalua lobangusa Isirai̒lu omoo̒omolu. Timongolio lotaalua wolo hitua-tuawua u mowali tontalolo, deu̒ito-yito Hui̒de Sinai wolo tululio uhinta-hintalabu; timongolio lotaalua wolo modio̒lomo, diila boti motilango wau dutalo;