BOHULO MONGO OLONGIA 7:8 - KITABI HABARI MOPIOHE

⁸ Tambati biluloa̒ lei Salomo pilohutu debo odelo huhuu-dunguwalo wewolio wau odungga to palepelo wewo towulea lo Balai Bubutoo̒. Duo̒lo dilelio, deu̒yito-yito ti puusili li olongia lo Masiri, pilomongula lei Salomo olo hudungu u tutuuwauwa.

BOHULO MONGO OLONGIA 7:8 ပူးပေါင်းရင်းမြစ်များ

BOHULO MONGO OLONGIA 3:1

Tei Salomo lopowali mao̒ Masiri waitio wolo lonika oli puusili li olongia lo Masiri. Ti Puusili boito dilelo lei Salomo ode kota lei Dauda u lotibiluloa̒ teto dilumutu bele biluloa̒ saaha li olongia li olongia wau Bele lo Eeya wau biintengi topalito Yerusalemu yilapato bilongulio.

BOHULO MONGO OLONGIA 7:9

Ngoa̒amila u bilongu boito, leituwoto palepelo udaa̒lio, monto pundasilio demola watopio, hepilohutu lonto botu u hipiohe. Boboo-tuwaalo boito pilopo dapatio to hepo ngau̒dela botu, wau hiluwongo lodudua̒ tuu̒dio; to wimbihu delomio wau wimbihu bulemengio pilopo payadio wolo halahadi.

BOHULO MONGO OLONGIA 9:16

Kota Gejer yito u muloololio mai hetiluhu wau ilolaahe li olongia lo Masiri, lapatao̒ ulipulio hepilatelio yila-yilateelo mao̒ wau kotalio pilobulio. Kota boito lapatao̒ yilohi li olongia lo Masiri odeli puusiliilio odelo paraseni todulahu lo nikaalio wolei Salomo.

BOHULO MONGO OLONGIA 9:24

Huta to ambahu huliaalio Bele lo Eeya hetilambula lei Salomo lapatao̒ dilelio, deu̒yito-yito tipuusili li olongia lo Masiri, malo limbato lonto kota lei Dauda ode bele biluloa̒ li olongia ubilongu lei Salomo olio.

OLUO MONGO OLONGIA 20:4

Tei Yesaya lololaa mao̒ olei Hiskia, bo tou̒ tio diipo yilumualao̒ lonto paango tohuungo bele biluloa̒ saaha li olongia, Eeya lopoa̒hu olio luli lohualingao̒

OLUO TAWARI 8:11

Tei Salomo lopo limbata mota dilelio, deu̒yito-yito tipuusili li olongia lo Masiri, lonto Kota lei Dauda ode bele u bilongu olio. Sababu to pokiilangi mola lei Salomo, “Dileu̒ diila mowali motibiluloa̒ tobele biluloa̒ saaha li olongia Dauda, olongia lo Isirai̒lu, sababu ngoa̒amila tambati tou̒toonu Bulua Daantia boito pee̒enta pilopodutu mao̒ yito tambati umantali.”