BOHULO MONGO OLONGIA 7:40 - KITABI HABARI MOPIOHE

^40-45 Tei Huram helohutu olo bubuu-longgowalo, sisii-kopuwalo wau mamaa-nggowaalo. Lapatao̒ uito maa yilapatoolo mola ngoa̒amila kalajaalio odeli Olongia Salomo duo̒lo Bele lo Eeya. Utieelo powimumuto u hepilo hutulio mao̒: Duluo wolihi leidaa̒ Duluo tau̒wa lo wolihi modeliilio manggo u dilutulio toitaato lo wolihi duluo boito Walamo rante totimii̒du tau̒wa lo wolihi Wopato hetuto dalima lo porunggu u siluu-sungilio todelomo dulo jeejeri topalito walamo rante totimii̒du tau̒wa lo wolihi Mopulu kaleta Mopulu basi leidaa̒ Ginti lo porunggu Mopulaa duluo sapi lo porunggu u helo lumude ginti boito Bubuu-longgowalo, sisii-kopuwalo wau mamaa-nggowalo. Ngoa̒amila powimumuto ode Bele lo Eeya boito, upilohutu lei Huram odeli Olongia Salomo, hepilohutu lonto porunggu, wau ilii̒talio tunggula lolilingga.

BOHULO MONGO OLONGIA 7:40 ပူးပေါင်းရင်းမြစ်များ

BOHULO MONGO OLONGIA 7:28

Kakaa-letawaalo boito tilitangoa lou̒ duduu-piyaalo hitutu-tuutua u pilopohuli todelomo lesi.

BOHULO MONGO OLONGIA 7:39

Tei Huram helo podutu mao̒ limo kaleta to ambahu huliaalio Bele lo Eeya, wau limo to ambahu tilayo. Ginti lo poronggu pilodutulio mao̒ to tutulio ambahu tonggara.

BOHULO TAWARI 18:8

Ngopohia mao̒ leeto tei Dauda olo helohama dadaata daa̒ porunggu lonto Tibhat wau Kun, kokoo-tawaalo u omoo̒omolu tokawasa lei Hadadejer. (To dulahio momooli popoo-lungguwalo boito hepilomake lei Salomo u lohutu ginti, boli wowoo-lihiyaalo wau pakaakasi lo ibaadati to Bele lo Eeya.)

OLUO TAWARI 4:6

Ti Olongia Salomo olo helohutu mopulu basi leidaa̒, limo u pilopodutu to ambahu huliaalio Bele lo Eeya, wau limo poli u to ambahu tilayolio. Babaa-siyaalo boito hunalio u pongulowalo oo̒o-longowalo binatangi tilambalo u malalangolo odelo bake. Taluhu todelomo ginti uleidaa̒ boito pilopo dapato ode mongo iimamu u mongulo mao̒ batanga.

PILOTIMUA̒TA 24:6

Ngotayadu monto duhu losapi boito hilama lei Musa wau tiluwatio mola ode delomo babaa-siyaalo toitaato mesba.

PILOTIMUA̒TA 27:3

Pohutua mao̒ totoo-mbeyaalo, sikopu, mamaa-nggowaalo, tutuu-nggoo̒walo wau tambati lotulu. Ngoa̒amila powimumuto boito musi pohutuwolo monto polunggu.