BOHULO MONGO OLONGIA 7:4 - KITABI HABARI MOPIOHE

^4-5 To dingingo ambahu oloihi wau olowala lobalai boito o tutuu-lowaalo: tolo deereti to dingingo u ngobako tataalua wolo tolo deereti to dingingo u wewolio. Lesi lo huhuu-hebuwaalo wau tutuu-lowaalio boito modeliilio tutulio wopato hayahaya.

BOHULO MONGO OLONGIA 7:4 ပူးပေါင်းရင်းမြစ်များ

BOHULO MONGO OLONGIA 6:4

To dingingo meeseli lobele boito o huhuu-wangowalo tutuloa u motanggalo ode delomio.

YESAYA 54:12

Bibii-ntengimu mamuli bongulo-U̒ monto botu dalima, huhuu-hebuwalo hulubangimu monto botu poliyoto, didii-ngingaalo meeselimu monto poliyoto u hidala-dalaala.

YEHESKIEL 40:16

To dingingo meeseli balaka wau dingongi meeseli powalahu huhuu-waliyaalo boito woluo tutuu-lowaalo kekeei̒. Didii-ngingaalo meeseli wimbihu delomio u talutalu ode hulipilo, diladai wolo uu̒u-kiliyaalo bungo lo ayu palemi.

YEHESKIEL 40:22

Wau olo huwaliilio leidaa̒, tuutuu-lowaalio, wau uu̒u-kiliyaalo bungo lo ayu palemilio tutuuwauwa wolo u woluo to hulubangi tiimuru. Pitu walao̒ tutuua̒du dulu-dulunga ode hulubangi boito, wau tohuudio woluo huwali leidaa̒ u talutalu ode palepelo bulemengo Bele lo Eeya.

YEHESKIEL 40:25

Tutuu-lowaalo to huhuu-waliyaalo tutuuwauwa wolo u woluo to huhuu-lubangiyalo uwewo. Hayao̒ hulupilo hulubangi boito pulaa limo lomeeteri, wau tanggalio mopulaa duluo wau ngoputu lomeeteri.

YEHESKIEL 40:29

Huhuu-waliyaalo podahaalio, huwaliilio leidaa̒, wau didii-ngingaalo meeseli delomio tutuuwauwa, wolo u woluo to huhuu-lubangiyalo wewo. Huhuu-waliyaalo to hulubangi botie olo o tutuu-lowaalo. Hulupilo hulubangi boito hayai̒o dulo pulaa limo lomeeteri wau tanggalio mopulaa duluo wau ngoputu lomeeteri.

YEHESKIEL 40:33

Huhuu-waliyaalo u podahaalio, didii-ngingaalo meeseli delomio wau huwaliilio leidaa̒ tuu̒udio debo odelo u woluo to huhuu-lubangiyalo u wewo. To huhuu-waliyaalo boito wau to huwaliilio leidaa̒ o tutuu-lowaalo. Hayao̒ hulupilo hulubangi boito dulo pulaa limo lomeeteri. Wau tanggalio mopulaa duluo wau ngoputu lomeeteri.

YEHESKIEL 40:36

Wau olo huhuu-waliyaalo u podahaalio, didii-ngingaalo delomio wau huwaliilio leidaa̒ tutuuwauwa wolo uwoluo to huhuu-lubangiyalo uwewo. To huhuu-waliilio wau to huwaliilio leidaa̒ o tutuu-lowaalo. Hayao̒ hulupila lo hulubangi boito dulo pulaa limo lomeeteri wau tanggalio mopulaa duluo wau ngoputu lomeeteri.

YEHESKIEL 41:26

To biihio mohu-mohulia lo dingingo totiliilio woluo tutuu-lowaalo, wau dingingio diladai wolo uu̒u-kiliyaalo bungo lopalem.