BOHULO MONGO OLONGIA 7:39 - KITABI HABARI MOPIOHE

³⁹ Tei Huram helo podutu mao̒ limo kaleta to ambahu huliaalio Bele lo Eeya, wau limo to ambahu tilayo. Ginti lo poronggu pilodutulio mao̒ to tutulio ambahu tonggara.

BOHULO MONGO OLONGIA 7:39 ပူးပေါင်းရင်းမြစ်များ

BOHULO MONGO OLONGIA 7:38

Tei Huram helohutu olo mopulu basi leidaa̒, ngobasi ode timii̒du kaleta. Timii̒du basi boito opilito to huungio tuwau koma walu lo meeteri wau moo̒ detohe walu lohetuto liiteri taluhu.

BOHULO MONGO OLONGIA 7:40

Tei Huram helohutu olo bubuu-longgowalo, sisii-kopuwalo wau mamaa-nggowaalo. Lapatao̒ uito maa yilapatoolo mola ngoa̒amila kalajaalio odeli Olongia Salomo duo̒lo Bele lo Eeya. Utieelo powimumuto u hepilo hutulio mao̒: Duluo wolihi leidaa̒ Duluo tau̒wa lo wolihi modeliilio manggo u dilutulio toitaato lo wolihi duluo boito Walamo rante totimii̒du tau̒wa lo wolihi Wopato hetuto dalima lo porunggu u siluu-sungilio todelomo dulo jeejeri topalito walamo rante totimii̒du tau̒wa lo wolihi Mopulu kaleta Mopulu basi leidaa̒ Ginti lo porunggu Mopulaa duluo sapi lo porunggu u helo lumude ginti boito Bubuu-longgowalo, sisii-kopuwalo wau mamaa-nggowalo. Ngoa̒amila powimumuto ode Bele lo Eeya boito, upilohutu lei Huram odeli Olongia Salomo, hepilohutu lonto porunggu, wau ilii̒talio tunggula lolilingga.

OLUO TAWARI 4:10

Ginti pilopo tambati totili lo tutulio ambahu tonggara Bele lo Eeya.

OLUO TAWARI 4:6

Ti Olongia Salomo olo helohutu mopulu basi leidaa̒, limo u pilopodutu to ambahu huliaalio Bele lo Eeya, wau limo poli u to ambahu tilayolio. Babaa-siyaalo boito hunalio u pongulowalo oo̒o-longowalo binatangi tilambalo u malalangolo odelo bake. Taluhu todelomo ginti uleidaa̒ boito pilopo dapato ode mongo iimamu u mongulo mao̒ batanga.

OLUO TAWARI 4:7

Tio helohutu olo mopulu oa̒ato tohe lonto hulawa lodudua̒a moodeli u mailanjana mao̒, wau mopulu meja. Ngoa̒amila oa̒ato tohe wau meja boito pilopo dutu todelomo tau̒wa lohuwali leidaa̒ to Bele lo Eeya – tinggai limo to ambahu oloihi, wau limo to ambahu olowalalio. Tio olo helohutu ngohetuto manggo hulawa.

OLUO TAWARI 5:1

Lapatao̒ ti Olongia Salomo yilapato lomongu mola Bele lo Eeya boito, hetilahulio todelomo wiwii-bungowalo lo Bele boito ngoa̒amila talaa̒, hulawa, wau babaa-langiyalo wewo u mailapato hepilodewo lei Dauda tiyamolio ode Eeya.