BOHULO MONGO OLONGIA 7:27 - KITABI HABARI MOPIOHE

²⁷ Tei Huram helohutu olo mopulu kaleta lo porunggu, tinggai hayai̒o tuwau koma walu lomeeteri, tanggalio tuwau koma walu lomeeteri, langgatio tuwau koma tolo meeteri.

BOHULO MONGO OLONGIA 7:27 ပူးပေါင်းရင်းမြစ်များ

BOHULO MONGO OLONGIA 7:26

Hulodu ginti boito pitu lopulaa limo lo milimeeteri. Biihio ngorupa lo biihu manggo u loulou ode bulemengio hamahama bunga baakungi u oa̒oa̒abu. Ginti boito moo̒ detohe tanu wopato pulu lolihu liiteri.

BOHULO MONGO OLONGIA 7:28

Kakaa-letawaalo boito tilitangoa lou̒ duduu-piyaalo hitutu-tuutua u pilopohuli todelomo lesi.

BOHULO MONGO OLONGIA 7:38

Tei Huram helohutu olo mopulu basi leidaa̒, ngobasi ode timii̒du kaleta. Timii̒du basi boito opilito to huungio tuwau koma walu lo meeteri wau moo̒ detohe walu lohetuto liiteri taluhu.

OLUO MONGO OLONGIA 16:17

Lapatao̒ tei Ahas helo monggari mao̒ kakaa-letaalo polunggu u hepomake to Bele lo Eeya, wau lopo lopatao̒ bubuu-longgowalo lonto kakaa-letaalo boito. Ginti lo polunggu uleidaa̒ uwoluo towulea lo mopulaa duluo sapi polunggu boito hilamalio olo wau pilopo dutulio toitaato wumbato lonto botu.

OLUO MONGO OLONGIA 25:13

Wowoo-lihiyaalo polunggu wau kakaa-letaalo to Bele lo Eeya pee̒-pee̒enta wolo ginti polunggulio hepiloo̒ taulo Babel, tulusi ngoa̒amila polunggulio bilintai̒o mola ode lipu limongolio.

OLUO MONGO OLONGIA 25:16

Babaa-langiyalo polunggu u hepilohutu li Olongia Salomo ode Bele lo Eeya, duu̒yito-yito wolihi duluo, kakaa-letaalo wau ginti leidaa̒, ngoa̒amilalo odito buheetio tilinggula diila otimenga.

YEREMIA 27:19

Sababu Wau̒, Eeya Taa Laba-labaalo kawasa, Allahu Taa̒ala lo Isirai̒lu, malolantu mai deu̒ ngoa̒amila balangi boito mabintao̒lo ode Babel, wau madebo mola teto tunggula Wau̒ muli mopoo̒ tuotao̒. Tou̒ boito deu̒ito Wau̒ muli modelo mai ode tambati botie. Wau̒, Eeya, malo tahuda mai.” Babaa-langiyalo udonggo woluo to Bele lo Eeya boito yito: wowoo-lihiyaalo, ginti lo polunggu, kakaa-letaalo, wau dengolo balangi wewolio miliki Bele lo Eeya. Babaa-langiyalo boito diila loduduo̒ dilelo ode Babel, tou̒ tei Yoyakhin walao̒ talolai̒ lei Yoyakim olongia lo Yehuda boli tahimuloa lo ulipu lo Yehuda wau Yerusalemu bilintai̒o mota ode Babel li Olongia Nebukadnejar.

YEREMIA 52:17

Wowoo-lihiyaalo polunggu wau kakaa-letaalo to Bele lo Eeya wolo ginti polunggu hepiloo̒o taulo Babel, lapatao̒ ngoa̒amila polunggulio bilintai̒ mongolio ode lipu limongolio.

YEREMIA 52:20

Babaa-langiyalo u hepilohutu li Olongia Salomo ode Bele lo Eeya, duu̒yito-yito wolihi duluo, kakaa-letaalo, ginti wau mopulaa duluo sapi u helo lumude ginti boito, malo odito buheetio, tilinggula diilalo otimenga.