BOHULO MONGO OLONGIA 7:15 - KITABI HABARI MOPIOHE

¹⁵ Tei Huram helohutu mao̒ duluo wolihi lo porunggu u tinggai langgatio walu lomeeteri, linggarilio limo koma tolo meeteri, hulodu lo porunggulio pitu koma wopato sentimeeteri. Wowoo-lihiyaalo boito diila otua todelomio.

BOHULO MONGO OLONGIA 7:15 ပူးပေါင်းရင်းမြစ်များ

BOHULO MONGO OLONGIA 7:16

To wowoo-lihiyaalo boito tio helohutu mao̒ duluo tau̒wa lo wolihi lonto polunggu, langgatio tinggai dulo koma dulo meeteri

BOHULO MONGO OLONGIA 7:21

tataa-uwaalo lowolihi u modeliilio bunga baakungi boito pilopohuli to wowoo-lihiyaalo boito. Wowoo-lihiyaalo boito pilopo tambati totalu lohuhebu potuwotalo ode Bele lo Eeya – ngoputu to ambahu huliaalio, wau u wewolio to ambahu tilayo. U to ambahu huliaalio ilunte Yakhin, wau u to ambahu tilayo ilunte Boas. Odi-odieelo mola tei Huram lopoo̒ lapato helohutu wowoo-lihiyaalo boito.

OLUO MONGO OLONGIA 25:13

Wowoo-lihiyaalo polunggu wau kakaa-letaalo to Bele lo Eeya pee̒-pee̒enta wolo ginti polunggulio hepiloo̒ taulo Babel, tulusi ngoa̒amila polunggulio bilintai̒o mola ode lipu limongolio.

BOHULO TAWARI 18:8

Ngopohia mao̒ leeto tei Dauda olo helohama dadaata daa̒ porunggu lonto Tibhat wau Kun, kokoo-tawaalo u omoo̒omolu tokawasa lei Hadadejer. (To dulahio momooli popoo-lungguwalo boito hepilomake lei Salomo u lohutu ginti, boli wowoo-lihiyaalo wau pakaakasi lo ibaadati to Bele lo Eeya.)

YEREMIA 27:19

Sababu Wau̒, Eeya Taa Laba-labaalo kawasa, Allahu Taa̒ala lo Isirai̒lu, malolantu mai deu̒ ngoa̒amila balangi boito mabintao̒lo ode Babel, wau madebo mola teto tunggula Wau̒ muli mopoo̒ tuotao̒. Tou̒ boito deu̒ito Wau̒ muli modelo mai ode tambati botie. Wau̒, Eeya, malo tahuda mai.” Babaa-langiyalo udonggo woluo to Bele lo Eeya boito yito: wowoo-lihiyaalo, ginti lo polunggu, kakaa-letaalo, wau dengolo balangi wewolio miliki Bele lo Eeya. Babaa-langiyalo boito diila loduduo̒ dilelo ode Babel, tou̒ tei Yoyakhin walao̒ talolai̒ lei Yoyakim olongia lo Yehuda boli tahimuloa lo ulipu lo Yehuda wau Yerusalemu bilintai̒o mota ode Babel li Olongia Nebukadnejar.

YEREMIA 52:13

Tei Nebujaradan helomobu Bele lo Eeya, bele biluloa̒ saaha li olongia, wau ngoa̒amila bele lotaa himuloa lo ulipu to Yerusalemu.

YEREMIA 52:17

Wowoo-lihiyaalo polunggu wau kakaa-letaalo to Bele lo Eeya wolo ginti polunggu hepiloo̒o taulo Babel, lapatao̒ ngoa̒amila polunggulio bilintai̒ mongolio ode lipu limongolio.

YEREMIA 52:21

Oluo wolihi lo polunggu boito tutuuwauwa: tinggai langgatio walu lomeeteli, libudio limo koma tolo meeteli, wau huuhuungio diila otua. Hulodu lo polunggulio pitu lopulaa limo milimeeteli. Toitaato lo timii̒du wolihi boito o loolo lowolihi ngoilanggato dulo koma dulo meeteli. To palito loololoo-waalo wolihi boito ohalamo wolo poromu hungo lo dalima, ngoa̒amilalo monto polunggu olo.