BOHULO MONGO OLONGIA 5:9 - KITABI HABARI MOPIOHE

⁹ Tau-tauwala lowatia mamodelo ayu boito motuhuta mola monto Libanon ode deheto. Mota teto babaa-tangowalo ayu boito maa awadu mao̒ limongolio mowali hei̒ta wau mapeelihu limongolio motiduluhe pentadu ode tambati u tantuo mao̒ li Tuani. Mola teto hehee itawaalo boito demaa onggalolo wau wuduwola ode tau-tauwalo li Tuani u wumbutio mola. Monto ambahu oli Tuani, pohile lowatia alihu ti Tuani mopohetu mao̒ ua̒alo ode tau-tauwalo ngotuango bele biluloa̒ saaha li olongia laatia.”

BOHULO MONGO OLONGIA 5:9 ပူးပေါင်းရင်းမြစ်များ

BOHULO MONGO OLONGIA 3:12

yi polohonemu boito mapoo̒ poluwo-U̒ mai. Wau̒ mamopowali mai olemu lebe molinepo wau lebe o pongotota wolo titaalo tita olo, mopio tou̒ yilalu mao̒ mopio tou̒ madungga-dungga mai.

BOHULO MONGO OLONGIA 4:20

Ulipu lo Yehuda wau Isirai̒lu daatalio debo odelo hungayo tobiihu pentadu. Timongolio o ua̒alo wau u yilumolo motuuheta wau tumu-tumula sanangi.

BOHULO MONGO OLONGIA 5:10

Yi tei Hiram malongohi odelei Salomo ngoa̒amila ayu woohu lo Libanon wau ayu woohu biasa u pilaralulio.

BOHULO MONGO OLONGIA 5:8

Lapatao̒ tei Hiram malolao totametio botie odelei Salomo, “Watia malo lolimo habari pasali lo hihiile li Tuani, wau watia dapa-dapato mopoo̒polu mao̒ hihiile li Tuani. Watia mamo pohetu mao̒ ayu woohu lo Libanon biasa tutuuu̒de wolo hihiile li Tuani.

BOHULO MONGO OLONGIA 9:27

Ti Olongia Hiram helolao tahi pokalajawa to kaapalilio tahi woolata u mobite pee̒-pee̒enta wolo tahi pokalajawa to kaapali lei Salomo.

OLUO TAWARI 1:15

To jamani lo pamalenta lei Salomo, hulawa wau talaa̒ debo odelo balangi biasa to Yerusalemu, tutuuwauwa debo odelo botu, wau ayu woohu lo Libanon dadaata daa̒ debo odelo ayu ara biasa.

OLUO TAWARI 2:16

Amiaatia mamo luwodeo̒ ayu woohu monto hihui̒-hui̒dea lo Libanon ngodaata u palaluo li Tuani, lapatao̒ mongawadeo̒ mowali hei̒ta, wau poyilihulo moli deheto demola Yope. Mola monteeto mai ti Tuani mowali momintaa̒a ode Yerusalemu.”

OLUO TAWARI 9:22

Ti Olongia Salomo lebe kaya wau lebe molinepo wolo olongia penu boli tou̒toonu to dunia.

ESRA 3:7

Ulipu helo dembulo doi u powuupaalo pani lobotu wau pani lo ayu. Timongolio olo he lolao u aalo wau u yilumoolo wau winulo jaitun ode kokoo-tawaalo Tirus wau Sidon u tuloa̒alo wolo ayu woohu lo Libanon lonto kokoo-tawaalo boito. Ayu boito he dilelio ode Yapo loli deheeto. Ngoa̒amila boito hekilaraja lo ulipu to iijini lei Kores, olongia lo Persia.

AYUBA 32:8

Bo tamongohi mai hikimati to manusia, bo Rohullah wambao̒ Taa Laba-labaalo kawasa.

TAMOO-HUTUBAWA 1:16

To pikiilangiu̒, “Wau̒ botie malowali taa polohuna daa̒ wau molinepo, lebe molinepo daa̒ wolo ngoa̒amila taa u helo malenta to Yerusalemu tou̒ dipoolulio mai wau̒. Wau̒ helo himoa̒a dadaata pongotota wau ilimi.”

YEHESKIEL 27:17

Yehuda wau Isirai̒lu moluloa̒a balangi lo daahangimu wolo pale, hula lotiia̒, winulo jaitun wau ramba-ramba.

WUNGGULI LOMONGO RASULU 12:20

Tei Herodes loingo daa̒ totau-tauwalo Tirus wau Sidon. Masababu uito timongolio pee̒-pee̒enta lonao̒ mai lotaalua wolio. Bohu-buhulio timongolio helomiyo olei Blastus, tau̒ tau̒tau̒wa tobele biluloa̒ saaha li olongia Herodes, tilunggula tio lotiwambao̒ ode limongolio. Lapatao̒ timongolio mota lotaalua wolei Herodes, tulusi lohile lodaamea, sababu lipu limongolio bo hemo haalapu ua̒alo lonto lipu lei Herodes.

TINGULI 3:25

Ambunguolo poluasia mai watotia mobalango Dutulaa Yordan, yaa Eeyaa, mola momilohe lipu u molomiode to ngotuali, madala hihui̒-hui̒dea ugaaga daa̒ wau hihui̒-hui̒dea lo Libanon.