BOHULO MONGO OLONGIA 5:7 - KITABI HABARI MOPIOHE

⁷ Tei Hiram sanangi daa̒ tou̒ lololimo mao̒ habari boito. Oditolio tio malo loi̒ya, “Ilopujialo mola Eeya todulahee botie, sababu Eeya longohi mai odelei Dauda ngotaalio lowalao̒ talolai̒ tamolinepo daa̒ u lowali olongia to bangusa u hulinta boito.”

BOHULO MONGO OLONGIA 5:7 ပူးပေါင်းရင်းမြစ်များ

ILOOWALI 33:5

Tou̒ tei Esau loo̒onto mao̒ ngoa̒amila mongobua wau tau̒kekeei̒ boito, tio malohintu, “Tatoonu timongolio tapee̒-pee̒enta wolemu botie?” “Timongolio mongo walao̒ lowatia,” tametao̒ lei Yako, “Allahu Taa̒ala malomonu mai mongo walao̒ boito ode laatia.”

BOHULO MONGO OLONGIA 1:48

wau lodua̒, ‘Ilopujialo mola Eeya, yaa Eeya, Allahu Taa̒ala tahe tuboo umati lo Isirai̒lu. Todulahee botie ngotaalio lowali mai lowatotia mapiluduo̒ lowatotia lowali olongia lobuulota wolo watotia. Wau Eeya malo poluasi mai olo watotia tilumumulo u losakusi mao̒ olio!’ ”

BOHULO MONGO OLONGIA 10:9

Ilopujialo mola Eeya, Allahu Taa̒ala li Tuani! Wolo lomuduo̒ oli Tuani lowali olongia lo Isirai̒lu, Eeya lopoi̒laalo malo odito sanangilio Eeya toli Tuani. Diila opulitio Eeya helomonu mai bangusa lo Isirai̒lu; uito sababuulio Eeya lomuduo̒ oli Tuani lowali olongia limongolio, alihu ti Tuani mowali mopo tihulao̒ butoo̒ wau u aadili.”

BOHULO MONGO OLONGIA 3:9

Sababu uito, yaa Eeya, potala wohia mai watotia tinepo upalaluo lo watotia u momalenta umati lo Eeya botie wolo aadili wau u mowali mopo hiheede toonu umopiohe wau toonu u moleeto. Wonu diila odito, diila pongalo aakali watotia mowali momalenta umati lo Eeya u udaa̒ botie?”

BOHULO MONGO OLONGIA 4:7

Tei Salomo helo mudua̒a uhuuhu mopulaa duulota to ngoilanggubu lipu lo Isirai̒lu. Tuugasi limongolio yito mohimoa̒ balangi lou̒ aalo monto madala limongolio odeli olongia wau ngotuango bele biluloa̒ saaha li olongialio. Timii̒du uhuuhu tutuuloa̒ timihulao̒ tosua̒li boito ngotilonggadu ngohula mola timii̒du taunu.

BOHULO MONGO OLONGIA 5:6

Ti Tuani malo maa̒lumu deu̒ towolota ulipu lowatia diaaluo tamotota moluode bungo lo ayu debo odelo ulipu li Tuani. Sababu uito, watia momolohone potala ti Tuani mopoa̒hu mai tau-tauwalo li Tuani moluode bubuu-ngowaalo ayu woohu Libanon ode laatia. Ulipu lowatia maa̒hula lowatia u momantu olimongolio, wau boli ngoolo mao̒ wuupa u tantuo mai li Tuani ode tau-tauwalo li Tuani boito, de watia tamo maayali mao̒.”

BOHULO MONGO OLONGIA 5:8

Lapatao̒ tei Hiram malolao totametio botie odelei Salomo, “Watia malo lolimo habari pasali lo hihiile li Tuani, wau watia dapa-dapato mopoo̒polu mao̒ hihiile li Tuani. Watia mamo pohetu mao̒ ayu woohu lo Libanon biasa tutuuu̒de wolo hihiile li Tuani.

JABURU 137:6

Poluliaalo mai wau̒ diilalo mowali mopolahu mola wonu wau̒ molipatao̒ olemu wau diila mopowali olemu ilohilaau̒!

POHUMAYA 10:1

Utieelo nanaa-sehatiyaalo lei Salomo: Walao̒ tamolinepo yito moo̒bangga hilaa liyamolio; walao̒ tamohulodu moo̒suusa hilaa liilolio.

POHUMAYA 13:1

Walao̒ tamolinepo mopoo̒tuoto wonu tiyamolio mongohi nasehati; taa sombongi diila mohuto mololimo diidini.

POHUMAYA 15:20

Walao̒ tamolinepo moo̒sanangi hilaa liyamolio; walao̒ tamohulodu diila momasisi oliilolio.

POHUMAYA 23:24

Ngotaalio lotiyamo mameengahu wonu walai̒o owatade u mopiohu; tio masanangi wonu walai̒o molinepo.

YESAYA 8:18

Utieelo watia wau tau̒ kekeei̒ tailohi mai lo Eeya olaatia. Eeya Taa Laba-labaalo kawasa tahemo malenta to Huludu Sion, lolao olami lowali tuoto ode umati lo Isirai̒lu.

YESAYA 9:6

Tio momalenta odelo olongia wali mai lei Dauda, okokawasaalio udaa̒ tutu. Lipulio laito dame aamnai sontosa wau maa̒amulu; pamalentaalio dutadutaa̒a tobutoo̒ wau ua̒adili botia wau ohiheo-hiheolo mao̒. Eeya Taa Laba-labaalo kawasa tantu moponao̒ mao̒ uito.