BOHULO MONGO OLONGIA 5:3 - KITABI HABARI MOPIOHE

³ “Olongia Hiram Taa Molamahu! Tantu otaawa li Tuani deu̒ tiyamo lowatia Dauda laito bolo pakusa hemopaatea sababu hetuhuo lomusu lonto lilii-puwaalo topalito lamiaatia. Wau sababu Eeya diipo helongohi u moo̒haama olio to ngoa̒amila musulio, yi tio diipo ilohiango lomongu hudungu tambati poi̒baadatiala ode Eeya Allahu Taa̒alaalio.

BOHULO MONGO OLONGIA 5:3 ပူးပေါင်းရင်းမြစ်များ

BOHULO MONGO OLONGIA 8:19

Bo, diila yio̒, bo walau̒mulo tamaa momongu bele-U̒ boito.’

BOHULO TAWARI 22:8

Bo Eeya lotahuda mai deu̒ wau̒ malo poo̒-poo̒daata hemopaatea wau helomate taa dadaata yila-yilateelo mao̒. Sababu uito Eeya diila lopoluasi mai olau̒ momongu bele ode Eeya.

BOHULO TAWARI 28:2

Tei Dauda tilimihula mola totalu limongolio wau loloi̒ya mao̒, “Mongo wutatuu̒ ngobangusa, dungohi mai! Malohiheo wau̒ omakusudu u momongu bele ngowale utantu duo̒lo Bulua Daantia, tambati potidutaa̒a oa̒ato lo Eeya Allahu Taa̒alanto. Wau̒ malo podapato u momongu bele ngowale tambati polubowalo to Eeya.

BOHULO TAWARI 28:3

Bo Eeya malodini mai olau̒ u mohutu mao̒ sua̒li boito, sababu wau̒ ngotaalio lopajule tamalomate yila-yilateelo mao̒ taa dadaata.

OLUO TAWARI 9:4

dudelo lokalaja mongo pogawee lobele biluloa̒ saaha li olongia, wau pakeyangi ngotumba wau bebee-leyaalo limongolio. Tio loo̒onto olo ua̒alo hepohinta, wau pakeyangi lotahi pomayawa tahemo hinta to potihunggu; tio loo̒onto olo babaa-keyaalo u hepilodewo lei Salomo to Bele lo Eeya. Ngoa̒amilalo boito heloo̒hutu oli olongia taabua lipu lo Syeba boito lolinggolabu wau leitontongo.

NEHEMIA 5:17

Ngohetuto limo lopulu lota taulo Yahudi wau tahimuloa lo ulipu limongolio biasa heintaau̒ mao̒ molamelo tobeleu̒, diipo leituoto tataa-muwaalo lonto babaa-ngusawalo to tiheede lami.

NEHEMIA 5:18

Timii̒du dulahu hepowemau̒ mao̒ to oonggosiu̒ lohihilao sapi tuwau, wolomo himba hiliingohe wau ngohuntua maluo̒. Wewolio mao̒ leeto, timii̒du mopulu hui mola hepowimumutou̒ mao̒ polowema lo angguruu̒. Eleponu odito wau̒ diila lohuto helo hinggile tulaaheu̒ odelo gubolonulu, sababu otaawau̒ banta lo ulipu malo tuuheta buhetio.

JABURU 110:1

Jaburu lei Dauda. Eeya lotahuda odeli tuani laatia, “Potihuloo̒lo mola to ambahu olowala-U̒, tunggula mumuu-suumu potaa̒a-lukuwo-U̒ to olemu.”

JABURU 8:6

Bo piluduo̒ Eeya tio ngopee̒ motutuuwaua wolo Allahu Taa̒ala, wau milakuta lo Eeya tio wolo odudaa̒ wau ohurumati.

MALEAKHI 4:3

To dulahee boito Wau̒ mamohutu mai, wau timongoli mamopo olaaheo̒ tau-tauwalo tahileeta, tilinggula timongolio debo odelo peaahuo̒ u yilu-yilumbetaa̒ limongoli.

1 KORINTUS 15:25

Ti Almasi musi tulusi momalenta dilumutu Allahu Taa̒ala mohutu mai ngoa̒amila musu li Almasi taa̒luku toli Almasi.

EPESUS 1:22

Allahu Taa̒ala lopo taa̒luku mao̒ ngoa̒amilalo to walungo okokawasa li Almasi, wau lohudu li Almasi ode jamaa̒ odelo tau̒wa lo totoonulalo u hitua-tuawua.

TINGULI 14:5

buu̒lu, himba lo oa̒yuwa, batade lo oa̒yuwa, kijangi

YOSUA 10:24

wau dilelolio odelei Yosua. Lapatao̒ tei Yosua malo tiangai ngoa̒amila taulo Isirai̒lu lotia̒mbu, tulusi lomalentao̒ mongo polowila talo duduo̒ helo tuuhua wolio mai lolumbetaa̒a batango buloo̒ lomongo olongia boito. Mongo polowila boito olo lonao̒ mai wau helo lumbetaa̒a batango buloo̒ lomongo olongia boito.