BOHULO MONGO OLONGIA 4:27 - KITABI HABARI MOPIOHE

²⁷ Bubuulota ngotilonggadu ngohula mola, timii̒du uhuuhu mohudu mao̒ barangi lo u̒aalo odeli Olongia Salomo wau ode ngoa̒amila taa u moo̒tapu ua̒alo monto bele biluloa̒ saaha li olongia, tilinggula diila eepitalio totoonulalo u hitua-tuawua.

BOHULO MONGO OLONGIA 4:27 ပူးပေါင်းရင်းမြစ်များ

BOHULO MONGO OLONGIA 4:26

Tei Salomo osuludadu mopulaa dulo lihu lota owadala wau wopato pulu lolihu lantunga duo̒lo wadala u modedea̒ kakaa-letaalio.

BOHULO MONGO OLONGIA 4:28

Timii̒du uhuuhu boito olo hipongohia pale wau laato ode ngoa̒amila wadala lei Salomo, mopio wadala hetae̒yalo meaambo wadala lokaleta. Ua̒alo binatangi boito hedilelolio ode lalaa-ntungaalo wadala ngodaata u palaluwolo.

BOHULO TAWARI 27:1

Uruusani lo pamalenta bele biluloa̒ saaha li olongia Isirai̒lu hei̒laatulu lomongo tau̒wa lou̒ ngaalaa̒, mongo tau̒wa lokaumu wau mongo polowila. Timii̒du taunu ngotilunggadu ngohula mola woluo ngopolemboa̒ tahi otuugasia wolo bubuulota to tau̒wa lo ngotaalio tau̒wa. Timii̒du polemboa̒ tilitangoa lou̒ dulo pulaa pato lihu lota. Uti-utieelo tanggulo mogo tau̒wa lo polemboa̒ tahi otuugasia to timii̒du hulalo: Hulalo bohulio: tei Yasobam walae̒e Jabdiel (tio pongawaa̒ lokaumu Peres suku Yehuda). Hulalo oluolio: tei Dodai, wali mai lei Ahohi. Tei Mikloti yito wakiliilio. Hulalo otolulio: tei Benaya walai̒ Iimamu Yoyada; tio tau̒wa lo “Polemboa̒ Tolopulu Polowila” (tei Amijabad walai̒o yito wakiliilio). Hulalo opaatio: tei Asael wutatei Yoab (talo buulota wolio yito tei Jebaya, walai̒o). Hulalo olimolio: tei Samhut, wali mai lei Yijrah. Hulalo olomio: tei Ira walae̒e Ikes, lonto kota Tekoa. Hulalo opitulio: tei Heles, wali mai lei Epraim lonto kota Peloni. Hulalo owalulio: tei Sibkhai lonto kota Husa (tio pongawaa̒ lokaumu Jerah, suku Yehuda). Hulalo otiolio: tei Abiejer lonto kota Anatot tomadala losuku Benyamin. Hulalo opululio: tei Maharai, wali mai lei Jerah lonto kota Netopa. Hulalo opulaa tuwau: tei Benaya lonto kota Piraton tomadala losuku Epraim. Hulalo opulaa duluo: tei Heldai wali mai lei Otniel lonto kota Netopa.

BOHULO SEMUEL 8:12

Ngotayadu bilintai̒o lowali polowila ode tangolihu lota. Ti olongia boito mamo makusa mongo walau̒mu momadeo̒ halabolulio, mohimoa̒ tilapulo sembolio, mohutu titii-ngoloolio wau pakaakasi lokaleta popaatealio.