BOHULO MONGO OLONGIA 4:21 - KITABI HABARI MOPIOHE

^21-25 Timii̒du ngaalaa̒ o ilengi lo angguru wau o ilengi lo ara. Ngotupa lo tutumulo lei Salomo ulipu to ngilanggubu lo Yehuda wau Isirai̒lu monto Dan demola Barsyeba hitumula lou̒ aamani wau maa̒amulu. Sababu ngoa̒amila olongia to ambahu otolopa lo Eperat taa̒aluku to olio, wau ngoa̒amila bangusa lonto lilii-puwaalo totili lo yilaidialio helo panggala wolio. Huta to ambahu otolopa lo Dutulaa Eperat lonto Tipsah tobiihu Dutulaa Eperat tulusi ode otolopa ode kota Gasa to Pilistin demola sipatana lo Masiri, ngoa̒amilalo tokawasa lei Salomo. Babaa-ngusawalo tolipu boito taa̒aluku to olio wau hemo mayali doi hulawa wau uwewolio mao̒ uwajibu pomayali odeli olongia. Babaa-langiyolo ua̒alo u hepalaluo lei Salomo yito limo lolihu labu moa̒aluti, mopulu lolihu liiteri labu bangganga, mopulu sapi lo lantunga, duluo sapi lohuta udatahu wau luasi, wau ngohetuto himba. Uwewo mao̒ leeto, olo buu̒lu, kiijangi, menjaangani wau binatangi opolipio̒ o oa̒ato duluo.

BOHULO MONGO OLONGIA 4:21 ပူးပေါင်းရင်းမြစ်များ

ILOOWALI 15:18

Tou̒ boitolo Eeya lohutu mai daantia wolei Abram. Tahuda lo Eeya, “Wau̒ modanti mai mamongohi ode waliimu ngoilanggubu huta botie, tumulalo mao̒ monto sipatana lipu lo Masiri demola dutulaa Eperat,

OLUO LO SAMUEL 8:2

Tei Dauda olo lopoo̒laaheo̒ taulo Moab. Ilahulalio timongolio lotibalata tohuta, lapatao̒ hepilatelio yila-yilateelo mao̒ duulota to wolota lotimii̒du toulota. Oditolio, taulo Moab malo taa̒aluku to olei Dauda wau helo mayali mao̒ doi hulawa uwajibu pomayali olio.

OLUO LO SAMUEL 8:6

Lapatao̒ tei Dauda malo potihulao̒ kekee-mawaala lo suludadu tomadala limongolio, wau timongolio lotaa̒aluku boli helo mayali doi hulawa uwajibu pomayali olio. Eeya helo poo̒haama olei Dauda penu boli tou̒toonu tio mopaatea.

BOHULO MONGO OLONGIA 12:4

“Tei Salomo tiyamo li Baginda malongohi mai banta u mobuheeto ode lamiaatia. Botia wonu ti Baginda mopoheelo wau mopu kulangi nao̒ banta laimaatia wau dutolo lamiaatia, yi amiaatia mamo tiwato toli Baginda.”

BOHULO MONGO OLONGIA 3:13

Tumbao̒ wolo udiila pilolohemu olo mawohi-U̒ mai olemu: ngotupa lo tutumulumu yio̒ mamowali kaya wau hurumatiolio mongilabotao̒ woli olongia wewo penu boli tou̒toonu.

OLUO MONGO OLONGIA 17:3

Tio hetiluhu wau tilaa̒aluku lei Salmaneser olongia lo Asyur, tilinggula timii̒du taunu tio musi momayali doi hulawa uwajibu pomayali olio.

OLUO TAWARI 17:5

Eeya longohi mai huhuloa̒a olei Yosapat u motoheto odelo olongia lo Yehuda. Ngoilanggubu ulipu helongohi papaa-laseniyalo olio wau tio lowali kaya mola boli hehurumatio daa̒ lotau.

OLUO TAWARI 32:23

Dadaata taa helonao̒ mai ode Yerusalemu hideloa dewo ode Eeya wau papaa-laseniyaalo odelei Hiskia, tilinggula tumulalo mai tou̒ boito tio hehurumatio lo totoonulalo bangusa.

ESRA 4:20

Pee̒enta mongo olongia tahi lootola buheli helo malenta mola teto wau longawasa mao̒ ngoilanggubu polopinsi lo Eprat Otolopa wau helo ponao̒ beya wau doi hulawa wau uwewolio uwaajibu pomayari odeli olongia.

JABURU 68:29

Allahu Taa̒ala limongoli mohile wolo moo̒ohuu̒ olootoli mongoli; yaa Allahu Taa̒ala, poo̒tohetalo wolo u mapilohutu mai lo Eeya ode lamiaatia.

JABURU 76:11

Tau-tauwalo tamailaba diila omanusia olo momuji mola to Eeya, wau tadonggo hiwingoa helomake kaingi kado tuotio limilimi.

PILOTIMUA̒TA 23:31

Sisii-patiyala lo lipumu tantuwo-U̒ mao̒ monto Wulungo lo Akaba demola dutulaa Eperat, wau monto Lau Tenga demola huta udatahu wau luasi udelita. Timongoli wohiya-U̒ mai kawasa to tuango lipu boito, tilinggula timongolio mowali polontulo limongoli tou̒ timongoli momaju mohama huta boito.

TAMOO-HUTUBAWA 2:25

Tatoonu tamoo̒ tamelo wau motisana-sanangi lou̒ diila o Allahu Taa̒ala?

HIYONGO MOPOILAALO SUUSA 1:1

Malo odito moliilo Yerusalemu masaatia botie, kota u muloololio mai rame daa̒. Muloololio mai lebe lailaio̒ towolota lo babaa-ngusawalo, botia lowali debo odelo janda. Muloololio mai kota u malo hepujaalo, botia mapilowali wato.

YEHESKIEL 16:13

Odieelo mola yio̒ lopolomu hulawa wau talaa̒; pakeyangimu pilohutu lonto kaingi lineni wau wiyohu lobambau siluji. Yio̒ mowali molamela roti monto labu lotiligu u mopiohe daa̒, wolo hula lotiia̒ wau winulo jaitun. Ogaagamu otutu polu-polutuo̒ wau yio̒ lowali olongia taabua.

TINGULI 11:24

Timii̒du madala u potidutaa̒ limongoli mowali miliki limongoli. Madala limongoli bua̒bua̒ade monto huta luasi udelita to huliaalio demola hihui̒-hui̒dea lo Libanon totilayo, wau monto Dutulaa Eperat totiimulu demola Lau Tenga to otolopa.

YOSUA 1:4

Madalamu mabua̒-bua̒de monto huta datahu u luasi daa̒ udelita to huliaalio demola hihui̒-hui̒dea lo Libanon totilayo wau monto Dutulaa Eperat u leidaa̒ boito to tiimuru tulusi meituwoto lipu bangusa lo Het demola Lau Tenga to otolopa.

BOHULO SEMUEL 10:27

Bo dengolo lota tahileeta loloi̒ya, “Diila pongalo aakali tau botie mao̒huna to olanto, diila odito?” Timongolio hemo poreme olei Saul wau diila mongohi palaseni to olio. Bo pilohutulio debo odelo diila otaawalio.